Свет
Волонтери од САД ги примија првите инјекции против коронавирус
Американските научници ја почнаа првата фаза од тестирањето на вакцината против коорнавирусот врз луѓето, во надеж дека во рекорден рок може да ја развијат потенцијалната вакцина против Ковид-19.
Првите инјекции ги примија здрави волонтери на Институтот за истражувања „Кајзер перманенте“ во Сиетл, пренесе „Гласот на Америка“.
„Ние сме сега тим за коорнавирусот. Сите сакаат да направат што можат во оваа вонредна сосотјба“, рече шефицата на истражувањата, Лиса Џексон.
„Ова е почеток на серијата експерименти врз луѓето со цел да се покаже дали вакцините се сигурни и дали воопшто се ефикасни. Дури и да се покаже дека е сè во ред, инјекциите нема да влезат во употреба за една или една и пол година“, изјави Ентони Фауци од американскиот Национален институт за здравје.
Сепак, изнаоѓањето на вакцината е многу итно и приоритет за јавното здравје, рече Фауци и наведе дека ова е првиот чекор во тој правец.
Американски новинари присуствувале на првото вакцинирање кога меѓу првите волонтери се појавила и менаџерка во мала ИТ-компанија. Пред неа, како што наведуваат американските медиуми, биле уште три лица во тестот за кој се пријавиле 45 волонтери, кои ќе примат две дози вакцина во период од еден месец.
„Не знам што можам да направам. Ова е одлична можност за мене да направам нешто“, рече Џенифер Холер од Сиетл додека чекала ред да ја прими вакцината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Борел: Без поддршката на Западот, војната во Украина ќе завршеше за 15 дена
Високиот претставник на Европската Унија за надворешна политика и безбедност, Жосеп Борел денеска изјави дека војната во Украина ќе заврши за 15 дена доколку западните сојузници престанат да ја поддржуваат таа земја.
„Многу луѓе сакаат војната да заврши што е можно побргу. За почеток, самите Украинци. Но, важно е како. Ако престанеме да ја поддржуваме Украина, за петнаесет дена војната ќе заврши и рускиот претседател Владимир Путин ќе ги постигне своите цели, но дали тоа е она што го сакаме за Украинците и за безбедноста на нас Европејците?, изјави шефот на европската дипломатија во интервју за шпанскиот весник „20 минути“.
Тој повтори дека сојузниците мора да направат сè што е во нивна моќ за кога ќе дојде време за преговори со Русија, Украина да ги води „под услови поволни за суверенитетот и територијалниот интегритет“.
Свет
Шолц: Германија стои до Израел, мора да се спротивставиме на терористите на Хамас
Германскиот канцелар Олаф Шолц денеска изјави дека Германија стои на страната на Израел нагласувајќи дека мора да се спротивстави на терористите на Хамас.
Тој ова го рече на отворањето на меѓународната конференција за одржливост, што се одржува во Хамбург, и посочи дека официјален Берлин ги поддржува прекинот на огнот, ослободувањето на заложниците и почетокот на политичкиот процес, дури и ако тоа изгледа потешко од кога било.
„Решението со две држави може да биде единствена цел за секој политички процес“, рече Шолц.
Според него, изминатата година на војна му донесе незамисливо страдање на палестинското население во Појасот Газа.
„Хезболах и Иран мора веднаш да ги запрат нападите врз Израел“, рече Шолц и предупреди дека овие напади претставуваат уште една ескалација во инаку тензичната ситуација на Блискиот Исток.
Израел денеска ја одбележува првата годишнина од нападот на палестинската милитантна група Хамас, а израелскиот претседател Исак Херцог го почна денот со едноминутно молчење во кибуцот Реим.
Во нападот на Хамас на 7 октомври 2023 година загинаа најмалку 370 луѓе, а во војната што тогаш избувна и сè уште трае до крајот на септември годинава загинаа повеќе од 43.000 луѓе, од кои 41.431 Палестинци, најмногу во Појасот Газа.
Повеќе од половина од зградите во Појасот Газа се уништени, а речиси целото население на Газа е раселено – приближно 2,3 милиона луѓе.
Свет
Бербок не исклучува можност дека Украина со германско оружје ќе напаѓа воени објекти во Русија
Германската министерка за надворешни работи Аналена Бербок изјави дека не ја исклучува можноста Украина да нападне воени објекти во Русија со оружје од германски резерви во самоодбрана.
Бербок изјави за германскиот јавен радиодифузен сервис АРД дека не сака јавно да разговара за тоа колку длабоко нападите би можеле да допрат до руска територија.
Германската министерка истакна дека не треба да се дефинираат конкретни растојанија како „десет, 40 или 200 километри“ бидејќи, како што наведе, руската армија може да има корист од тоа.