Свет
Во Австралија подметнат пожар во синагога додека внатре имало верници

Австралиската полиција синоќа уапси маж осомничен дека подметнал пожар во синагога во Мелбурн додека внатре имало верници, што е најнов во серијата инциденти насочени против еврејската заедница во земјата. Израел го осуди како гнасниот напад врз Евреите и повика на обезбедување правда.
34-годишниот маж е осомничен дека го подметнал пожарот на влезната врата од фреквентната верска зграда во Мелбурн во петокот вечерта, за време на Шабат – традиционалниот еврејски ден на одмор. Во синагогата, една од најстарите во Мелбурн, имало 20 луѓе кои вечерале, но никој не бил повреден. Успеале да избегаат, а пожарникарите го изгаснале пожарот.
„Детективите ќе продолжат да ги испитуваат намерите и идеологијата на осомничениот за да утврдат дали се работи за терористички напад“, се наведува во полициското соопштение. Мажот е обвинет и за загрозување на човечки животи.
Австралија бележи повеќе антисемитски инциденти од почетокот на војната помеѓу Израел и Газа во октомври 2023 година. Властите истражуваат дали пожарот во синагогата е поврзан со немирите во петокот вечерта во израелски ресторан во Мелбурн, при што едно лице било уапсено поради попречување на полицијата. Според Еврејскиот совет на Австралија – главното тело на австралиските Евреи – ресторанот бил значително оштетен.
Израелскиот премиер Бенјамин Нетанјаху инцидентите ги опиша како „тешки злосторства од омраза“.
„Државата Израел ќе продолжи да стои зад еврејската заедница во Австралија“, изјави тој на X, повикувајќи ја Австралија да обезбеди правда и да го осуди „насилниот напад“ за кој, како што рече, го извршиле „пропалестински хулигани“.
Австралискиот премиер Ентони Албанезе во саботата го осуди „кукавиачкиот“ напад кој можел да има „катастрофални последици“ и го опиша наводното подметнување пожар – седум месеци по нападот врз друга синагога во Мелбурн – како шокантно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.
Свет
Најмалку 25 лица загинаа во текот на ноќта во нови напади на израелската армија врз Појасот Газа

Најмалку 25 лица загинаа во текот на ноќта во нови напади на израелската армија врз Појасот Газа, во време кога мировните преговори се во застој.
Според здравствени извори, голем дел од жртвите се убиени додека чекале хуманитарна помош во близина на граничниот премин Зиким со Израел. Меѓу загинатите има и четири лица од иста семејна зграда во градот Газа.
Организацијата на Обединетите нации предупреди на ризик од масовна глад во енклавата, и покрај тврдењата на Израел дека не ги блокира доставите на помош. Според ОН, големиот дел од помошта не може да стигне до населението поради воени блокади и грабежи.
Преговорите за прекин на огнот меѓу Израел и Хамас се прекинати, откако американските и израелските преговарачи се повлекоа од Катар. Израелскиот премиер Бенјамин Нетанјаху најави дека се разгледуваат „алтернативни опции“, додека Хамас смета дека повлекувањето било тактика на притисок.