Свет
Во Анкара се гради најголемиот забавен парк во Европа, опозицијата обвинува дека е опасен за животот

„Анкапарк“ – гигантскиот забавен парк кој напролет ќе биде отворен во главниот град на Турција – стана тема на критиките на опозицијата упатени кон власта пред пролетните локални избори, кои ќе се одржат на 31 март годинава во Турција.
Џем Узан, генералниот директор на градското претпријатие што управува со, како што го нарекува, најголемиот тематски парк во Европа, во изјавата за агенцијата „Анадолија“ изрази надеж дека нема да се доцни со отворање на објектот кој поседува вкупно 2 илјади и 117 играчки (рекреативно-забавни елементи) за разлика од европските, во кои нивниот број изнесува најмногу 90. Според Узан, деновиве се работи на отстранување на некои недостатоци во инфраструктурата и елементите за забава и дека набргу ќе почнат последните тестови на гигантските забавни играчки од страна на меѓународната стручна фирма ТУВ со седиште во Германија.
Токму овие изјави на Узан повторно ги предизвикаа реакциите на опозицијата. Пратеничката на најголемата опозициска партија во земјата ЏХП (Републиканската народна партија на Кемал Киличдаролу) од Анкара, Гамзе Ташчиер, поднесе интерпелација во парламентот за „Анкапарк“ тврдејќи дека одредена фирма од Кина утврдила ризици за животот на посетителите на паркот и истакна дека жителите на Анкара во еден незавршен објект во име на политичко шоу ќе бидат користени како заморчиња, само тој да биде отворен пред локалните избори. Таа побара од министерот за екологија и урбанизам, Мурат Курум, меѓу другото, да одговори и на нејзиното прашање дали е точно дека паркот, и покрај сите ризици, ќе биде отворен пред локалните избори на 31 март годинава, а потоа повторно ќе се оди на поправања на недостатоците. Ташчиер истакна дека изградувајќи го паркот на плацот на Шумарската фарма, подарок на Ататурк за жителите на Анкара, и трошејќи милијарди лири на жителите на престолнината, освен што е причинета материјална и нематеријална штета, сега на тоа се додава и животната опасност најмногу за децата и сето тоа во име на политичко шоу на владејачката АКП (Партијата на правдата и просперитетот на Реџеп Таип Ердоган).
На овие напади на пратеничката од опозицијата преку својот профил на „Твитер“ се огласи поранешниот градоначалник на Анкара, Мелих Ѓокчек, кој во 2013 го постави камен-темелникот на „Анкапарк“ напаѓајќи ја опозицијата дека почнала да паничи притоа порачувајќи ѝ на пратеничката Ташчиер дека ќе пукне од инает кога ќе дојде да го посети паркот. Ѓокчек порано имаше соопштено дека изградбата на забавно-рекреативниот парк чинела околу 450 милиони долари, кои биле средства на граѓаните.
Минатата година Мухарем Инџе, претседателскиот кандидат на опозициската Републиканската народна партија (ЏХП) на претседателските избори од 24 јуни 2018, ја критикуваше оваа инвестиција напаѓајќи ја владата дека практиката на ограбување на јавните извори од страна на лошата власт ги зафатила и нејзините општини. „Зад денешните економски проблеми стојат ваквите лоши потези поради кои растат инфлацијата и девизниот курс, а паѓа националниот приход и се осиромашува народот“, објави тогаш Инџе на својот твитер-профил.
На нападите на опозицијата дека со брзање објектот да се стави во употреба се ставаат во опасност и животите на граѓаните, генералниот директор на „Анкапарк“, Џем Узан, одговара дека 90 отсто од гигантските забавни елементи се купени од европски фирми, а само 10 отсто од елементите, како панорамското тркало и рингишпилот, се од Турција и Кина додавајќи дека контролата на објектите со сите потребни сертификати ја изведува меѓународната стручна фирма ТУВ.
„Анкапарк“, кој е во сопственост на анкарската општина, се простира на површина од 1 милион и 400 илјади квадратни метри, а со покриениот простор од 130 илјади квадратни метри ќе биде активен 12 месеци во годината. Тендерот за „Анкапарк“ го добија 3 турски и една кинеска фирма, со право да го водат изнајмениот објект во наредните 29 години. Поради ова, се очекува кинескиот партнер во новата туристичка атракција на Анкара да привлече околу 500 илјади кинески туристи, но исто така се цели и кон привлекување голем број туристи од Блискиот Исток и Русија, што ќе биде додатен импулс за туризмот во турската престолнина, со што, според Узан, ќе се придонесе за зголемување на благосостојбата на нејзините жители.
Освен забавниот дел, комплексот има и 100 продавници, посебни простории за роденденски и други забави и јапонски, кинески и италијански ресторани, но основна тема врз која е работено е османлиската, во склоп на која ќе бидат опфатени речиси сите специјалитети од турската кујна. Влезницата во паркот ќе изнесува 25 турски лири или околу 4 евра.
Асуде А. Кочан
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Зеленски може да ја заврши војната речиси веднаш ако сака

Трамп се огласи на својата платформа Truth Social за да го повика украинскиот претседател да постигне договор за прекин на три и полгодишниот конфликт со Русија.
„Претседателот на Украина, Зеленски може да ја заврши војната со Русија речиси веднаш ако сака, или може да продолжи да се бори. Нема враќање на Крим што го даде Обама (пред 12 години, без испукан куршум, и УКРАИНА НЕМА ДА ВЛЕЗЕ ВО НАТО. Некои работи никогаш не се менуваат!!!“, напиша Трамп.
Специјалниот американски пратеник Стив Виткоф изјави за Си-ен-ен во неделата дека Трамп и неговиот руски колега Владимир Путин се согласиле за време на нивниот состанок во Алјаска во петокот за „силни безбедносни гаранции“ за Украина, додавајќи дека гаранциите се „пресвртница“.
Тој, исто така, рече дека Русија направила територијални „отстапки“ во врска со пет украински региони, пред состанокот меѓу Зеленски и европските лидери во Белата куќа во понеделник.
„Русите направија некои отстапки „на масата“ (во Алјаска во петокот) во врска со сите пет региони (на источна Украина). Се води важна дискусија за Донецк и што ќе се случи таму“, рече Виткоф.
Свет
Зеленски пристигна во Вашингтон: Сите подеднакво сакаме брзо и сигурно да ја завршиме оваа војна

Средбата меѓу американскиот претседател Доналд Трамп и украинскиот претседател Зеленски ќе се одржи денес во 13:15 часот по локално време (19:15 часот по македонско време) во Белата куќа, извести Белата куќа во соопштение за медиумите во недела. Трамп ќе учествува на мултилатерален состанок со европските лидери кои исто така пристигнуваат во Вашингтон, во 15:00 часот по локално време.
Украинскиот претседател Володимир Зеленски по пристигнувањето во Вашингтон изјави дека се надева оти „заедничките сили“ на Украина со американските и европските колеги ќе ја принудат Русија да склучи мир.
I have already arrived in Washington, tomorrow I am meeting with President Trump. Tomorrow we are also speaking with European leaders. I am grateful to @POTUS for the invitation. We all share a strong desire to end this war quickly and reliably. And peace must be lasting. Not…
— Volodymyr Zelenskyy / Володимир Зеленський (@ZelenskyyUa) August 18, 2025
„Благодарен сум на претседателот на Соединетите Американски Држави за поканата. Сите подеднакво сакаме брзо и сигурно да ја завршиме оваа војна“, напиша Зеленски на социјалните мрежи, по пристигнувањето во Вашингтон.
„И се надевам дека нашите заеднички сили со Америка и нашите европски пријатели ќе ја принудат Русија да склучи вистински мир“, рече тој.
Регион
Турист почина кај Неа Врасна, бил извлечен од морето

61-годишен државјанин на Србија трагично почина во морската област Неа Врасна во близина на Солун.
Мажот бил извлечен во бесознание од морето денес напладне. Според соопштението на крајбрежната стража, тимот за итни случаи на ЕКАБ веднаш му укажал прва помош, но без успех, по што телото било префрлено во Здравствениот центар Неа Мадита.
Прелиминарната истрага ја води Вториот оддел на пристаништето Ставрос на пристанишната управа на Јерисос, кој нареди обдукција за да се утврди точната причина за смртта, пренесува „Прототема“.