Свет
Во Германија има повеќе од милион бегалци од Украина, третина од нив сакаат да останат

Повеќе од една третина од бегалците од Украина сакаат трајно да останат во Германија, а мнозинството тука се чувствуваат добредојдено, покажува истражувањето објавено денеска.
„Помеѓу испитаниците, 26 отсто од украинските бегалци рекле дека сакаат засекогаш да останат во Германија, а дополнителни 11 отсто планираат да останат таму најмалку неколку години“, произлегува од студијата „Бегалци од Украина во Германија – пребегнување, пристигнување и живот“, која беше заеднички објавена од Федералната миграциска канцеларија и Институтот за германски економски истражувања.
Според оваа студија, околу една третина сакаат да се вратат во Украина по завршувањето на војната, а 27 отсто од анкетираните бегалци сè уште не одлучиле.
Во меѓувреме, дури 17 отсто од украинските бегалци нашле постојано вработување, од кои 71 отсто од случаите се работи за кои е потребен факултет или високо образование.
„Во споредба со искуството на претходните групи бегалци, ова е многу висок процент“, рече Херберт Брукер од Федералната канцеларија за миграција за време на презентацијата на студијата во Берлин.
Експертите претпоставуваат дека уделот на вработени меѓу бегалците ќе се зголеми по надминување на јазичните бариери. Повеќе од половина од бегалците посетуваат курс по германски јазик.
Во моментот има нешто повеќе од еден милион бегалци што пристигнаа во Германија во текот на годината поради рускиот напад на Украина. Осумдесет проценти од возрасните бегалци се жени.
Огромното мнозинство од испитаниците се чувствуваат добредојдени во Германија, а само седум отсто рекле дека не се чувствуваат добредојдено во Германија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Дали воопшто ќе има преговори: конфузија во Истанбул

Рускиот претседател Владимир Путин ги испрати само своите помошници и заменик-министри на мировните преговори со Украина во Турција денес, отфрлајќи го барањето на Киев лично да се сретне со Володимир Зеленски.
Во неделата, Путин предложи директни преговори со Украина во Истанбул, по што Зеленски рече дека ќе го чека во најголемиот град во Турција. Но, по денови шпекулации за плановите на Путин, Кремљ во средата именуваше делегација во која не е претседателот.
Сега е нејасно како ќе одговори Украина, бидејќи сè уште јавно не соопшти кого ќе испрати. Русија ги испраќа претседателскиот советник Владимир Медински, заменик-министерот за одбрана и министерот за надворешни работи и шефот на воената разузнавачка агенција ГРУ.
Конфузијата продолжува и во самиот Истанбул, каде што новинарите се собраа во близина на палатата Долмабахче, која Русите ја одредија за локација за преговори. Турските власти не објавија информации за времето или локацијата на разговорите.
Руската новинска агенција ТАСС пишува дека требало да започнат во десет часот по истанбулско време, но украинскиот функционер го отфрлил ова, велејќи дека времето сè уште не е договорено.
Зеленски, кој ќе се сретне со турскиот претседател Таип Ердоган во Анкара во четврток, претходно оваа недела изјави дека е подготвен да разговара со Путин само ако е доволно храбар.
Кремљ одговори дека Русија не се согласува со ултиматуми. Двете страни последен пат имаа директни разговори во март 2022 година, исто така во Истанбул, само неколку недели откако Путин нареди напад врз Украина.
Францускиот министер за надворешни работи Жан-Ноел Баро рече дека Зеленски покажал добри намери со доаѓањето во Турција, но дека има „празна столица“ каде што треба да седи Путин.
„Путин одложува и очигледно нема желба да влезе во овие мировни преговори, дури и кога претседателот Трамп изрази достапност и желба да ги олесни овие разговори“, рече тој. Естонија, членка на ЕУ и НАТО, рече дека Путин му задава „шлаканица во лицето“ со испраќањето тим од пониско ниво.
Двете страни се обидуваат да му докажат на американскиот претседател Доналд Трамп дека се сериозни во врска со мировните напори. Во исто време, републиканците ги повикуваат да ја завршат „таа глупава војна“, а Вашингтон неколку пати се закани дека ќе престане да се обидува да посредува во преговорите доколку нема јасен напредок.
Потврденото отсуство на Путин ги намали очекувањата за преговорите. Зеленски сака веднаш 30-дневен прекин на огнот, додека Путин сака прво да започнат разговори, а потоа да се утврдат деталите од прекинот на огнот.
Американскиот државен секретар Марко Рубио на состанокот на НАТО во Турција изјави дека нема воено решение за конфликтот во Украина и дека Трамп е отворен за „буквално секој механизам“ што ќе доведе до мир, пренесуваат медиумите во светот.
Свет
Захарова: Руската делегација пристигна во Истанбул, подготвена за сериозни разговори

Портпаролката на руското Министерство за надворешни работи, Марија Захарова, денес изјави дека руската делегација пристигнала во Истанбул, каде што се планирани разговори за решавање на конфликтот во Украина, објавија руските медиуми.
„Како што беше кажано во неколку наврати, руската страна е подготвена за сериозни преговори, а делегацијата на Русија пристигна во Истанбул и е подготвена за сериозна работа“, изјави таа на прес-конференција во Москва, објави агенцијата Интефакс.
Захарова потсети дека на 11 мај рускиот претседател Владимир Путин презентираше иницијатива за продолжување на директните преговори меѓу двете страни, предлагајќи преговорите да започнат без одложување или предуслови со цел да се отстранат суштинските причини за конфликтот и да се оди кон воспоставување долгорочен, траен мир, пренесува Танјуг.
Руската делегација ја предводи помошникот на Путин, Владимир Медински, кој веќе предводеше група руски преговарачи во Истанбул во пролетта 2022 година, кога беа прекинати директните преговори меѓу двете страни, потсети Интерфакс.
Во меѓувреме, украински функционер изјави дека украинскиот претседател Володимир Зеленски денес треба да се сретне со турскиот претседател Реџеп Таип Ердоган, по што ќе донесе одлука за учество во разговорите со руската делегација во Истанбул, објави Ројтерс.
За денес во Истанбул се закажани преговори меѓу делегациите на Русија и Украина за прекин на огнот, за кои не е прецизирано кога ќе започнат, а кои беа организирани по предлог на рускиот претседател Владимир Путин.
Свет
Трамп: Можеби ќе одам во Истанбул ако има напредок во разговорите денес

Актуелниот американски претседател Доналд Трамп штотуку изјави дека може да отпатува за Истанбул утре, доколку денешните мировни преговори за Украина постигнат напредок.
Зборувајќи од Катар, за време на четиридневната турнеја на Блискиот Исток, Трамп рече дека се надева оти Русија и Украина ќе можат да постигнат договор бидејќи војната мора да престане.
„Би сакале да видиме крај на војната и мислам дека имаме шанса тоа да се случи“, додаде Трамп.