Свет
Во Иран е погубен уште еден маж кој беше уапсен за време на протестите

Во Иран денеска јавно беше обесен маж осуден за убиство на двајца припадници на безбедносните сили за време на протести, објави новинската агенција Мизан, пренесува Ројтерс.
Тоа е втора егзекуција поврзана со антивладините протести за помалку од седум дена.
„Маџид Реза Рахнавард беше јавно обесен утрово во (светиот шиитски град) Машхад. Тој беше осуден на смрт поради „водење војна против Бог“ откако избоде до смрт двајца припадници на безбедносните сили“, објави агенцијата Мизан.
Демонстрантот Мохсен Шекари, кој беше осуден на смрт за прободување чувар и блокирање улица во Техеран за време на протест, беше погубен во четвртокот во Иран.
Групите за човекови права рекоа дека Шекари бил мачен и принуден да признае.
„Амнести интернешенел“ соопшти дека иранските власти бараат смртна казна за најмалку 21 лице за нивната вмешаност во неодамнешните протести што избија по смртта на 22-годишната Махса Амини.
Протестите беа предизвикани од смртта на 22-годишната Амина, откако беше уапсена од државната полиција за морал, бидејќи наводно не носела хиџаб, како што е пропишано.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Украинско разузнавање: 50% од руската муниција е испорачана од Северна Кореја

Северна Кореја задоволува 50 отсто од потребите на руската муниција во војната против Украина, изјави денеска Кирил Буданов, шеф на воената разузнавачка служба на Украина, пренесува Ројтерс.
Северна Кореја испрати 11.000 војници за поддршка на руските сили, според проценките на Украина, САД и Јужна Кореја, што го означува првото големо учество на Пјонгјанг во војна од 1950-тите.
Буданов на прес-конференција рече дека Северна Кореја, исто така, започнала со големи испораки на самоодни хаубици од 170 мм и повеќекратни ракетни фрлачи од 240 мм во Русија. Северна Кореја веќе испорача балистички ракети на Русија и планира да испрати уште 148 ракети во 2025 година, додаде тој.
Во 2025 година Русија планира да произведе повеќе од 7 милиони артилериски и минофрлачки гранати, изјави Олех Ивашченко, шеф на Украинската служба за надворешно разузнавање. „Русија разбира дека произведува многу повеќе муниција од сите европски земји заедно“, рече тој.
Во однос на ракетите со долг дострел, Ивашченко рече дека се очекува Русија годинава да произведе околу 3.000 проектили.
Европа
Феминистките во Берлин и Киев протестираа полуголи против АфД

Феминистичката група Фемен денеска одржа демонстрации во Берлин и Киев. Според странските медиуми, активистите протестирале против екстремно десничарската партија АфД (Алтернатива за Германија).
Активисти попладнево се појавија без маици пред зградата на Рајхстагот во Берлин, држејќи транспаренти.
Претходно денеска слични демонстрации беа одржани и пред германската амбасада во Киев.
FEMEN against the Nazis: demonstration at the Bundestag
BERLIN, February 22, 2025 – Tomorrow at 12:00 pm, FEMEN activists will hold a protest outside the Bundestag. We declare: Nazis must not be allowed to regain power in Germany!
Our slogans:
“Weidel Putin Slut”
“Heil… pic.twitter.com/QhDWPTnk38
— Femen (@Sextremism) February 23, 2025
Таму, полугола активистка се појави облечена како Адолф Хитлер.
Демонстрациите се одржаа на денот на изборите во Германија, каде се очекува АфД да помине добро. Партијата ја предводи Алиса Вајдел, која активистите ја обвинуваат дека е пријателски настроена кон Путин.
Регион
Додик: Не доаѓам на изрекување на пресудата

Претседателот на Република Српска Милорад Додик потврди дека нема да се појави на пресудата во среда по обвинението со кое се товари за непочитување на одлуките на високиот претставник на меѓународната заедница.
Претходно се појавија шпекулации дека Додик нема да присуствува на пресудата бидејќи неговиот адвокат ја остави таа опција отворена. Сепак, сега пристигна официјална потврда. „Донесов одлука. Нема да одам и не морам. Никој не бара од мене“, рече Додик, пренесува „Кликс“.
Тој, исто така, ги повика своите поддржувачи, кои редовно доаѓаа пред Судот на БиХ за време на судењето, да не одат во Сараево во среда. Наместо тоа, тој ги покани во Бања Лука на дводневен митинг што го организира по повод овој судски случај.