Свет
Во Кина 400.000 луѓе во карантин поради 18 заразени

Во време кога бројот на жртвите од коронавирусот во светот надмина половина милион, Кинезите решително се борат против втор бран на епидемијата. Додека короната повторно се распламтува во земји низ целиот свет, додека властите ги олеснуваат мерките, Кина одлучи да прогласи карантин во покраината Анксин во провинцијата Хебеј во близина на Пекинг, поради само 18 случаи на новозаразени, јавува Си-ен-ен.
Властите во неделата одлучија сите села, општини и згради да бидат целосно затворени, ставајќи во изолација повеќе од 400.000 луѓе. На семејствата им е дозволено да испраќаат по еден член на пазарење и тоа само еднаш дневно. Забранета е употреба на моторни возила и какво било движење.
Анксин се наоѓа на околу 150 километри од Пекинг, а помалку од 20 новозаразени лица беа сигнал до властите да воведат драстични мерки. Се верува дека новиот кластер започнал на пазар југозападно од главниот град. Наводно оттаму инфекцијата се раширила во провинциите Љаонинг и Хебеј, што ги вознемири властите. Се верува дека вирусот лесно може повторно да еруптира и да се прошири во другите кинески провинции.
Поради тоа, донесена е одлука итно да се блокираат дури 11 општини кои го опкружуваат пазарот, а на сите граѓани им е забрането да ги напуштат општините.
Температурата на локалното население се мери на дневна основа, а снабдувањето со неопходни производи функционира нормално.
Во Пекинг започна масовно тестирање. За помалку од 48 часа биле тестирани над 76.000 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Конструктивен беше состанокот на советниците за безбедност од Украина и нејзините партнери, вели Зеленски

Украинскиот претседател Володимир Зеленски изјави дека состанокот на советниците за безбедност од Украина и нејзините партнери, што се одржа во Велика Британија, бил конструктивен.
Аргументите на Киев беа слушнати и опасностите беа земени предвид, додаде тој во своето вечерно обраќање до Украинците.
Зеленски истакна дека на средбата учествувале претставници на Велика Британија, САД, Франција, Германија, Италија, Финска и Полска, со цел консолидирање на позициите за постигнување примирје.
„Патот кон мирот за Украина треба да биде определен заедно и само заедно со Украина, тоа е клучен принцип“, нагласи украинскиот претседател.
Свет
Макрон: Иднината на Украина не може да се одлучи без Украинците

Само неколку дена пред планираната средба меѓу рускиот претседател Владимир Путин и американскиот претседател Доналд Трамп, францускиот претседател Емануел Макрон нагласи дека Украина мора да биде вклучена во сите разговори за нејзината иднина.
„Иднината на Украина не може да се одлучи без Украинците, кои се борат за својата слобода и безбедност повеќе од три години“, напиша Макрон на X.
„Бидејќи и нивната безбедност е во прашање, Европејците исто така мора да бидат дел од решението, рече тој.
Макрон претходно разговараше по телефон со украинскиот претседател Володимир Зеленски, германскиот канцелар Фридрих Мерц и британскиот премиер Кир Стармер, напиша тој.
По разговорот со Макрон, Зеленски напиша на X: „Украина, Франција и сите наши партнери се подготвени да работат што е можно попродуктивно за вистински мир“.
Трамп треба да се сретне со Путин во Алјаска во петок. Според „Волстрит џурнал“, Путин бара целосна руска контрола врз источните региони на Украина, Донецк и Луганск, што Зеленски категорично го отфрла.
Свет
Ердоган за Газа: Одлуката на Израел е неприфатлива, поддршката за Палестина продолжува

Одлуката на Израел да преземе воена контрола врз Газа е апсолутно неприфатлива, му рекол турскиот претседател Реџеп Таип Ердоган на палестинскиот претседател Махмуд Абас во телефонски разговор, пренесува Анадолу.
Според турската Дирекција за комуникации, тие разговарале за израелските напади врз Газа и за најновите случувања во регионот.
За време на разговорот, Ердоган повторил дека Турција ќе продолжи да стои зад Палестина.
Нарекувајќи ги изјавите на Франција, Велика Британија и Канада за можното признавање на палестинска држава достојни за внимание, Ердоган го истакна растечкиот бран критики кон Израел на Западот и додаде дека Турција ќе продолжи со своите напори за мир во регионот.