Свет
Во судница прикажани фотографии на кои Харви Вајнштајн е гол
																								
												
												
											На судењето на Харви Вајнштајн вчера, на поротниците во судницата им биле прикажани фотографии на кои поранешниот холивудски продуцент е гол и покрај противењето на неговите адвокати.
Судскиот илустратор ангажиран од „Ројтерс“ видел неколку фотографии во моментот кога биле претставени пред поротата и направил неколку цртежи за новинската агенција. Обвинителите не прецизирале зошто се прикажани фотографиите во судницата ниту, пак, до колку такви фотографии имаат пристап.

Вајнштајн не одговори на прашањата на новинарите што мисли за тоа што поротата ги видела неговите голи фотографии. Сепак, неговата адвокатка Дона Ротуно во електронска пошта одговорила дека фотографиите биле прикажани се единствена цел да се понижи господин Вајнштајн.
Џесика Ман, жената што го обвини Вајнштајн за силување, сведочеше минатата недела за изгледот на голото тело на продуцентот. Вајнштајн (67) изјави дека не се чувствува виновен во однос на обвинувањата дека ги вознемирувал Ман и уште една друга жена, Мими Халеј.
Ако биде осуден за едно од најлошите кривични дела, предаторски сексуален напад, тој се соочува со доживотен затвор.
Ман во петокот сведочеше велејќи дека Вајнштајннема тестиси и дека неговиот изглед ѝ се чинел деформиран или бисексуален кога првпат го видела.
Судскиот процес е клучна приказна во движењето #MeToo („И мене исто така“). Од 2017 година повеќе од 80 жени го обвинија Вајнштајн за сексуално вознемирување, со што почна ова движење, во кое жените изнесуваат јавни обвиненија против моќни луѓе од деловниот свет, но и од шоу-бизнисот и политиката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
																	
																															Регион
Едно лице убиено, две повредени на грчкиот остров Евија
														Дваесетгодишен маж беше избоден до смрт, а уште две лица беа повредени во два одделни инциденти на грчкиот остров Евија, соопшти полицијата.
Службениците изјавија дека случаите би можеле да бидат поврзани со насилство на фудбалски натпревари, објави Ројтерс.
Пет лица се уапсени, вклучувајќи двајца повредени мажи, додека најмалку осум лица наводно биле вклучени во насилството, изјави портпаролката на полицијата Константина Димоглида за грчката телевизија Скај.
Полицијата истражува дали инцидентите биле мотивирани од конфликт меѓу навивачи на два сопернички фудбалски тима.
Податоците на полицијата покажуваат дека бројот на насилни инциденти поврзани со спортот се дуплирал, од околу 300 случаи во 2020 година на 700 годишно, а службените лица исто така истакнуваат дека постои можна врска меѓу хулиганите и криминалните банди.
Фото: принтскрин
Свет
Коцкари инвестираа повеќе од 30 милиони долари на холандските избори
														Во последните недели, коцкарите инвестираа 32,7 милиони долари на исходот од холандските парламентарни избори, користејќи ја американската платформа за предвидување „Полимаркетс“.
Најмногу облози беа поставени на Партијата на слободата (ПВВ) – повеќе од 10 милиони долари, а на D66 – речиси шест милиони, пишува “NL Times£.
„Полимаркетс“ е онлајн платформа за предвидување која нема лиценца за коцкање, но им овозможува на корисниците да се обложуваат на исходот од идните настани, вклучувајќи ги и парламентарните избори.
До минатиот вторник, ПВВ беше фаворит со 70, 80 проценти шанси за победа, но во текот на средата D66 го презеде водството, со 94 проценти шанси за освојување на најмногу места.
Доколку има нерешен резултат, победникот ќе се определи по азбучен ред.
На платформата за предвидувања за следниот премиер, лидерот на Христијанско-демократскиот апел (CDA) Анри Бонтенбал долго време беше фаворит со повеќе од 50 проценти шанси, но сега лидерот на D66 Роб Јетен води со околу 81 процент.
Шансите на лидерот на ПВВ, Герт Вилдерс, да стане премиер се 1,1 процент.
Фото: принтскрин
Свет
Мерц предупредува: Се подготвуваат депортации
														Германскиот канцелар Фридрих Мерц го покани сирискиот претседател Ахмед ел Шаара да ја посети Германија за да разговара за депортацијата на сириските граѓани.
Кога станува збор за депортации, тие се однесуваат на сириски граѓани со криминално досие во Германија.
„Секако, ќе продолжиме да депортираме криминалци во Сирија. Тоа е планот. Сега ќе го спроведеме на многу конкретен начин“, рече Мерц.
Тој додаде дека Германија сака да помогне во стабилизирањето на земјата и рече дека има намера да разговара со Шара „како можеме да го решиме ова заедно“.
Претходничката на Мерц, Ангела Меркел, пред 10 години водеше историска политика на отворени врати кон бегалците, добредојдени околу еден милион мигранти во Германија, од кои многумина беа Сиријци кои бегаа од граѓанската војна.
Оттогаш, поддршката за крајната десница расте, а конзервативната партија ЦДУ на Мерц зазеде многу построг став во врска со безбедноста на границите и миграцијата, ветувајќи дека ќе ги забрза депортациите.
Фото: принтскрин

