Свет
Во судница прикажани фотографии на кои Харви Вајнштајн е гол

На судењето на Харви Вајнштајн вчера, на поротниците во судницата им биле прикажани фотографии на кои поранешниот холивудски продуцент е гол и покрај противењето на неговите адвокати.
Судскиот илустратор ангажиран од „Ројтерс“ видел неколку фотографии во моментот кога биле претставени пред поротата и направил неколку цртежи за новинската агенција. Обвинителите не прецизирале зошто се прикажани фотографиите во судницата ниту, пак, до колку такви фотографии имаат пристап.
Вајнштајн не одговори на прашањата на новинарите што мисли за тоа што поротата ги видела неговите голи фотографии. Сепак, неговата адвокатка Дона Ротуно во електронска пошта одговорила дека фотографиите биле прикажани се единствена цел да се понижи господин Вајнштајн.
Џесика Ман, жената што го обвини Вајнштајн за силување, сведочеше минатата недела за изгледот на голото тело на продуцентот. Вајнштајн (67) изјави дека не се чувствува виновен во однос на обвинувањата дека ги вознемирувал Ман и уште една друга жена, Мими Халеј.
Ако биде осуден за едно од најлошите кривични дела, предаторски сексуален напад, тој се соочува со доживотен затвор.
Ман во петокот сведочеше велејќи дека Вајнштајннема тестиси и дека неговиот изглед ѝ се чинел деформиран или бисексуален кога првпат го видела.
Судскиот процес е клучна приказна во движењето #MeToo („И мене исто така“). Од 2017 година повеќе од 80 жени го обвинија Вајнштајн за сексуално вознемирување, со што почна ова движење, во кое жените изнесуваат јавни обвиненија против моќни луѓе од деловниот свет, но и од шоу-бизнисот и политиката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Тинејџерка силувана во јавен тоалет на плажа во Англија, уапсен 31-годишен маж

Рано наутро во неделата, полицијата во Дорсет добила пријава за силување на една од најпознатите плажи во Англија, плажата Борнмут, објавува „The Sun“.
Според официјалните полициски информации, околу 2 часот наутро, било пријавено дека девојката, за која се вели дека е во доцните тинејџерски години, била сексуално нападната во јавен тоалет покрај плажата.
Полицијата веднаш реагирала и уапсила 31-годишен маж под сомнение за силување. Во тек е кривична истрага, а форензичките експерти го обработуваат местото на настанот, кое беше ограничено со полициска лента.
На жртвата ѝ е обезбедена поддршка од специјализирани полицајци кои се специјално обучени за работа со жртви на сексуално насилство од почетокот на истрагата.
„Полициските службеници интензивно патролираат низ областа и ги охрабруваме сите што имаат какви било информации или загрижености да не контактираат“, соопшти полицијата во Дорсет.
Истрагата продолжува, а полицијата нагласува дека нивен приоритет е безбедноста на заедницата и собирањето на сите релевантни докази што би можеле да помогнат во овој случај.
Регион
(Видео) Невреме во Србија: превртен камион, откорнати дрвја, поплавени улици

Силно невреме, проследено со јак ветер и дожд, денес зафати делови од Србија.
Само во Белград, ветерот собори дрвја и гранки на повеќе од 50 локации.
На социјалните мрежи беа објавени бројни видеа од паднати дрвја и скршени гранки.
Силниот ветер што дуваше во Нови Сад собори дрво.
Силен ветер дуваше и во Белград, а повремено имаше врнежи проследени со грмотевици.
Силна бура го погоди и Зрењанин.
Ветрот кршеше гранки од дрвјата, а поради дождот, водата остана на патиштата.
Налети на ветер превртеа камион кај Зрењанин, според написите во медиумите од регионот.
Свет
Рутe: Русите произведуваат четири пати повеќе муниција од НАТО

Генералниот секретар на САД, Марк Руте, предупреди дека военото производство на Русија е значително поголемо од она на НАТО, повикувајќи ги западните земји да ги зголемат воените трошоци.
Во интервју за „Њујорк тајмс“, Руте предупреди за воените капацитети на Русија, истакнувајќи дека земјата е „реконституирана со темпо и брзина што е неспоредлива во поновата историја“.
Тој рече дека Москва „произведува три пати повеќе муниција за три месеци отколку што целиот НАТО произведува за една година“.
Руте посочи на предлогот за зголемување на воените трошоци на НАТО на 5% од БДП – бројка на која инсистира американскиот претседател Доналд Трамп – при што 3,5% би оделе во основни воени буџети, а дополнителни 1,5% би биле наменети за области како што се сајбер одбраната и подготовката на цивилната инфраструктура.
„Да, ова е огромна сума на трошоци. Но, ако не го направиме тоа, ќе мора да научиме руски“, рече генералниот секретар на НАТО.
На прашањето дали зголемените трошоци за одбрана ризикуваат да поттикнат трка во вооружување со Русија, Руте рече: „Мора да се осигураме дека има одвраќање“, истакнувајќи ги големите инвестиции на Русија во тенкови, артилерија, воздушна одбрана и муниција.