Свет
Во Франција рекордни температури, Британија во исчекување на најтоплиот ден во историјата
Нeколку историски температурни рекорди беа соборени денеска во Франција, на запад и југозапад од земјата, објави „Метео Франс“, а Велика Британија оваа недела би можела да го забележи и својот најтопол ден во историјата.
Рекордите беа соборени во Брест, Сен Брие и Нант на запад и во Бискарос на југозапад, најтоплиот ден на овој топлотен бран. Според податоците на метеоролошката служба, во 17 часот термометарот достигна 39,3 Целзиусови степени во Брест, каде што претходниот рекорд беше од август 2003 година од 35,1 Целзиусови степени.
Во Сен Брие беше 39,5 Целзиусови степени, во Нант 42 и во Бискаросе 42,6 Целзиусови степена.
Велика Британија би можела да го има најтоплиот ден во историјата оваа недела бидејќи се очекува живата да достигне 41 Целзиусов степен.
Во понеделникот беше 38,1 степени во Сантон Даунхам, Сафолк, најтоплиот ден во земјата во годината. Метеоролошката канцеларија издаде црвено предупредување за понеделник и вторник за поголемиот дел од Англија, од Лондон до Јорк и Манчестер.
Највисоката температура досега забележана во Обединетото Кралство беше 38,7 Целзиусови степени во Кембриџ во 2019 година.
Топлотните бранови станаа почести, поинтензивни и подолго траат поради климатските промени предизвикани од човековата активност.
Светот веќе се загреа за речиси 1,1 Целзиусов степен од почетокот на индустриската ера, а температурите ќе продолжат да растат доколку владите во светот не одлучат за поамбициозни намалувања на емисиите на јаглерод, предупредуваат експертите.
Климатологот Јунис Ло од Универзитетот во Бристол за Би-би-си изјави дека „повисоките температури се знак за климатски промени“ и дека 2.000 смртни случаи годишно во Велика Британија може да се припишат на топлотните бранови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Силен земјотрес ја погоди Турција, почувствуван и во Грција
Земјотрес со јачина од 5 степени според Рихтеровата скала е регистриран вечерва во 21:38 часот, во западна Турција.
Според достапните податоци, епицентарот на земјотресот бил лоциран во областа со географски координати на географска ширина 39,444 и географска должина 26,284.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 1о километри под површината на земјата.
Земјотресот се почувстувал и на 13 километри северно од Митимна, Грција.
Засега нема извештаи за материјална штета или повредени, а надлежните служби ја следат состојбата.
Свет
Трамп ја суспендира странската помош на 90 дена
Американскиот претседател Доналд Трамп потпиша извршна наредба за привремено суспендирање на сите американски програми за надворешна помош на 90 дена во очекување на ревизија за да се утврди дали тие се во согласност со неговите политички цели.
Наредбата, меѓу многуте потпишани од Трамп на неговиот прв ден од враќањето на функцијата, наведува дека „странската помошна индустрија и бирократијата не се усогласени со американските интереси и во многу случаи се спротивни на американските вредности“ и „служат за дестабилизирање на светскиот мир преку промовирање идеи во странство“.
Според тоа, Трамп изјави дека „никаква дополнителна странска помош на Соединетите држави нема да биде исплатена на начин што не е целосно конзистентен со надворешната политика на претседателот на САД“.
Државниот секретар Марко Рубио им рече на членовите на Комитетот за надворешни односи на Сенатот за време на неговото сослушување за потврдување минатата недела дека „секој долар што го трошиме, секоја програма што ја финансираме и секоја политика што ја водиме мора да се оправда со одговарање на три едноставни прашања:
„Дали ја прави Америка побезбедна? Дали ја прави Америка посилна? Дали ја прави Америка попросперитетна“.
Наредбата потпишана од Трамп му остава на Рубио да донесе такви одлуки, во консултација со Канцеларијата за управување и буџет. Стејт департментот и Агенцијата на САД за меѓународен развој се главните агенции кои ја надгледуваат странската помош.
Свет
Силен земјотрес го погоди Тајван
Земјотрес со јачина од 5 степени според Рихтеровата скала е регистриран во 19:48 часот во Тајван.
Според достапните податоци, епицентарот на земјотресот бил лоциран во областа со географски координати на географска ширина 21.459 и географска должина 121.0699.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 23 километри под површината на земјата.
Засега нема извештаи за материјална штета или повредени, а надлежните служби ја следат состојбата.