Банките во еврозоната, а особено во Германија, складираат зголемени суми со цел да ја избегнат казнената мерка на Европската централна банка за прекумерна ликвидност, вели ЕЦБ во истражувачка статија.

Складирањето пари од страна на банките се зголеми 21 милијарда евра помеѓу март 2016 и крајот на 2017 и стигна до 77 милијарди евра, а германските банки се заслужни за две третини од тој пораст, вели ЕЦБ.

Откако ЕЦБ ја намали депозитната стапка во 2014 година, таа им наплаќа на банките за прекумерната ликвидност со цел да ги натера да овозможат заеми за реалната економија за генерирање раст и инфлација.

Но, бидејќи трошоците за складирање банкноти во трезорите се помали од таксата на ЕЦБ, банките што имаат прекумерни средства се стремат да собираат повеќе пари тестирајќи ги границите на монетарната политика и создавајќи одлично окружување за стапките на ЕЦБ.

„Ова зголемување на парите што се чуваат во трезор, секако, останува ограничено,“ изјавија од ЕЦБ.

„Логистичките пречки, како што се ограничениот простор за чување или максималниот дозволен износ покриен со осигурување, се двете најголеми ограничувања на банките што имаат големи износи пари“.

„Доколку каматните стапки се зголемат, некои од складираните евробанкноти се очекува да се вратат,“ додаваат од ЕЦБ.