Свет
Германски борбени авиони ја надлетуваат Полска – „Да го чуваме небото над Полска“

Германски борбени авиони патролираат на небото над Полска, соопшти германското воздухопловство.
„Да го чуваме небото над Полска“, објавија воздухопловните сили на „Твитер“ над слика на борбен авион што полета од база на мисија над Полска, без да даде други детали.
Портпаролот на германската армија потврди за „Ројтерс“ дека нивните авиони „еврофајтер“ летале над Полска. Ова е особено интересно затоа што Полска многу страдаше под нацистичка Германија, но сега тоа е минато.
Take-Off from an air base in ??Allied Task for #TeamLuftwaffe: Safeguarding the skies over ??✈️#WeAreNATO#StrongerTogether@NATO@NATO_AIRCOM@SHAPE_NATO@GermanyNATO@Poland_MOD pic.twitter.com/XZonjhcQg3
— Team_Luftwaffe (@Team_Luftwaffe) March 1, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ѓуро Мацут предложен за мандатар на новата влада на Србија

Претседателот на Република Србија, Александар Вучиќ, соопшти дека за мандатар на новата влада е предложен проф. д-р Ѓуро Мацут.
Вучиќ рече дека новата влада ќе биде избрана до Велики петок и дека ѝ претстојат тешки задачи – дека земјата се спротивставува на сите притисоци во однос на регионалната политика, дека земјата го решава даночното прашање со САД, дека го забрзува европскиот пат, дека во исто време ги зачувува своите традиционални пријатели на истокот и го враќа нивото на инвестиции, и странски и домашни.
Да потсетиме, премиерот Милош Вучевиќ поднесе оставка од таа функција на крајот на јануари, бидејќи сметаше дека е објективно одговорен за нападот врз студентите во Нови Сад.
Српскиот парламент на 19 март ја констатираше оставката на Вучевиќ, со што беше урната актуелната влада на Србија.
Рокот за избор на нова влада е 18 април.
Свет
(Видео) Илјадници поддржувачи на Ле Пен се собраа на протест во Париз

Илјадници луѓе се собраа денеска во Париз во знак на поддршка на француската екстремно десничарска лидерка Марин Ле Пен, која најави дека мирно ќе се бори против петгодишната забрана да се кандидира за политички функции и ќе црпи инспирација од американскиот активист за граѓански права Мартин Лутер Кинг.
Поддржувачите на Марин Ле Пен вееја француски знамиња и извикуваа „ние ќе победиме“.
IT'S HAPPENING
Massive protest in France as huge crowd demonstrates against Marine Le Pen being banned from running for President in 2027.
Looks like the French people want democracy.pic.twitter.com/RTmhaXeLLy
— PeterSweden (@PeterSweden7) April 6, 2025
Судот во Париз ги осуди Ле Пен и дваесетина членови на партијата Национален собир за проневера на европски пари и изрече казна со која ќе ѝ забрани да се кандидира на претседателските избори во Франција во 2027 година, освен ако не успее да ја поништи пресудата во рок од 18 месеци.
„Нашата борба ќе биде мирна и демократска борба. Го земаме за пример (американски баптистички свештеник, политичар и активист) Мартин Лутер Кинг кој ги бранеше граѓанските права“ затоа што „денес станува збор за граѓанските права на Французите“, рече таа преку видео-конференција одржана со членовите на италијанската лега, антиимиграциската партија на Матео Салвини во Фиренца.
Регион
(Видео) Снежен бран во Црна Гора

Снег паѓа во повеќето градови на северот на Црна Гора, а температурите во некои општини се под нулата.
Како што е објавено на веб-страницата на Заводот за хидрометеорологија и сеизмологија, висината на снежната покривка во Жабљак е два сантиметри, а еден во Рожаје. Според Институтот, снег во моментов паѓа во Никшиќ, Колашин, Плевља и Беране.
Температурите значително паднаа, а најстудено беше во Жабљак, каде во 11 часот беа измерени минус 4,5 степени. Во Колашин температурата е половина степен под нулата.
Од Институтот најавија дека во текот на денот ќе биде умерено облачно со преоден дожд, а на север со лапавица и снег. Поради снегот кој паѓа во Црна Гора сообраќајот се одвива отежнато.
Она што најмногу изненадува е снегот што почна да паѓа над Будва во попладневните часови, во област каде што ретко паѓа дури и во најстудените зимски месеци.