Свет
Германски историчар тврди: Тајните служби сѐ уште убиваат каде ќе стигнат

Германскиот историчарот Кристофер Нејринг во интервју за „Дојче веле“ тврди дека оперативци ангажирани од држави како САД, Русија или Израел често убиваат лица кои ги таргетирале како непријателски цели во странство, истакнувајќи дека Европа исто така е погодена од застрашувачки бран убиства, кои, како што вели тој, се извршени од тајни служби, а на кои не им се гледа крајот.
Како причина за ова, Нејринг го наведува распадот на меѓународниот поредок.
„Суперсилите САД, Русија и Кина добиваат конкуренција во новите регионални сили како што се Иран или Саудиска Арабија. Тонот станува сѐ поостар, а средствата побрутални“, вели историчарот, која има докторат на тема тајни служби и е директор на германскиот музеј за шпионажа во Берлин.
Нејринг кој минатата година објави книга под наслов „77 најголеми митови за шпионажата“, потсетува дека на почетокот од оваа година американски беспилотни летала го убија иранскиот генерал Касем Сулејмани и дека чеченскиoт емигрант Зелимкан Кангошвили, наводно, бил убиен од руски агент на тајните служби во Берлин минатата година. Од 2018 година, пак, познато е убиството на новинарот Џамал Кашоги, кој во конзулат во Истанбул го изврши саудиската тајна служба.
Јасно е, тврди тој, дека државите веќе долго време практикуваат убиства на несакани личности.
„Русија, Израел или САД во последниве 30 години редовно посегнуваат кон ваков начин на ликвидација. Но, во Европа, по завршувањето на Студената војна, долго време беше мирно. Се чини дека тој период заврши“, проценува Нејринг, а пренесува „Танјуг“.
Според него, тајните убиства и напади имаат различни позадини: операциите како онаа на САД против иранскиот генерал или акциите на израелската тајна служба против Хамас и Хезболах се насочени кон воени непријатели.
Целта, додава тој, е да се спречат идни напади, без ризик од војна.
Како сосема друг вид на елиминација историчарот ги наведува нападите од одмазда. Меѓу нив тој ги вклучува примерите со убиството на Зелимкан Кангошвили и Џамал Кашоги, како и нападот врз поранешниот двоен агент Сергеј Скрипал во Велика Британија или пак атентатите врз на нацистички злосторници.
„Намерата во овој случај е да се казнат конкретни активности, да се замолчат критичарите и да се испрати симболично предупредување“, вели Нејринг, а како потенцијални жртви на ваквите напади ги наведува воените непријатели, политичките дисиденти и поранешни членови на тајните служби кои оддале доверливи информации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Шпанија со закон го забранува извозот на оружје во Израел: „Сакаме да се стави крај на геноцидот во Газа“

Шпанските пратеници денес гласаа за закон со кој се воведува ембарго за извоз на оружје во Израел, мерка што долго време ја заговараше социјалистичкиот премиер Педро Санчез за „запирање на геноцидот“ во Газа.
„За“ гласаа 178 пратеници, а 169 беа против. Малцинската влада на социјалистичкиот премиер конечно ја доби поддршката од четири пратеници од крајно левичарската партија Подемос, која не откри како ќе гласа до денеска наутро.
Шпанското ембарго е на сила од октомври 2023 година, но социјалистичката влада сакаше да ја „зацврсти правно“ одлуката.
Санчез го објави тоа на 8 септември, по што израелската влада реагираше жестоко, но Израел го повлече својот амбасадор од Шпанија во 2024 година, откако Мадрид ја призна Палестина.
Регион
Вучиќ: Турција сонува повторно да ја обнови Отоманската Империја

По пристигнувањето на турските беспилотни летала во Приштина, имаше остра реакција од српскиот претседател Александар Вучиќ, кој ја обвини Турција дека сонува за обнова на Отоманската Империја. Со овој потег, Србија премина од „златно доба“ во односите со Турција и пријателството со Ердоган на отворени политички тензии за само една година, пишува N1.
Косовскиот премиер Албин Курти претходно објави на Фејсбук дека пристигнале беспилотните летала, додавајќи дека десетици безбедносни сили веќе се обучени да ги користат.
Курти објасни дека договорот со турската компанија Бајкар бил потпишан во декември минатата година, а дроновите биле испорачани три месеци пред предвидениот рок. Тој нагласи дека Косово „продолжува да ја зајакнува ударната моќ на својата армија“ со модерна технологија.
Реагирајќи на веста, Вучиќ остро го осуди потегот на Турција, велејќи дека е „ужасен“ и дека тоа „јасно покажува дека Турција не сака стабилност на Западен Балкан“.
„Згрозен сум од однесувањето на Турција и грубото кршење на Повелбата на ОН и Резолуцијата 1244 на Советот за безбедност на ОН, како и од континуираното вооружување на властите во Приштина. Сега е сосема јасно дека Турција не сака стабилност на Западен Балкан и дека сонува за оживување на Отоманската империја. Србија е мала земја, но ние добро ја разбравме пораката“, рече Александар Вучиќ.
Реагираше и владината Канцеларија за Косово и Метохија, а нејзиниот директор Петар Петковиќ ја повтори оценката на Вучиќ дека Србија „ја разбрала пораката“ и дека „не е случајно“ што беспилотните летала биле доставени во Косово три месеци пред предвиденото.
Турција го направи ова, смета Петковиќ, „само неколку дена пред локалните избори“, со цел да му ја обезбеди на премиерот на Приштина „потребната поддршка пред изборите на 12 октомври, за да може да продолжи да го тероризира српскиот народ“.
Петковиќ рече дека Белград „ќе продолжи одговорно да го зачувува мирот и стабилноста, и покрај вооружените сојузи што се создаваат на штета на мирот и претставуваат директна закана“.
Фото: ЕПА
Свет
Белорусија испраќа рекордни количини бензин во Русија

Белорускиот железнички извоз на бензин во Русија се зголеми за четири пати во септември во однос на претходниот месец, бидејќи Москва се справува со недостиг на гориво предизвикан од украинските напади врз нејзината енергетска инфраструктура, објавија извори од индустријата синоќа, објави „Ројтерс“.
Неколку руски региони беа принудени да воведат мерки за штедење и привремено да ги замрзнат цените на горивата во последните недели. Причината е недостигот на популарни видови бензин предизвикан од напади со беспилотни летала насочени кон рафинерии и други енергетски објекти.
Како одговор, Москва, исто така, го ограничи извозот на бензин и дизел. Ова не е првпат Русија да се потпира на соседна Белорусија, таа, исто така, го зголеми увозот на гориво минатата година за да го покрие недостигот на пазарот.
Според извори, пратките на бензин со железница од белоруските рафинерии до рускиот домашен пазар минатиот месец достигнаа 49.000 метрички тони, што е еквивалентно на 14.500 барели дневно. Заедно со бензинот, испораките на дизел во септември изнесуваа 33.000 тони.