Во изминативе денови, кога НАТО ја прославува 70 години од своето постоење, Германија истрпе критики од американскиот претседател Доналд Трамп и неговиот потпретседател Мајк Пенс зашто не ја постигнала целта за трошење 2 отсто од БДП за одбраната.Но во Германија, не само зголемувањето на трошоците, туку самото постоење на Алијансата се гледа критички, пренесува „Спутник“.

Членот Бундестагот, Александар Неу, кој ја претставува левичарската партија „Дие линке“, го окарактеризира НАТО како застарена организација за време на самитот за прослава на 70-годишнината на Алијансата.

Според Неу, империјалистичката конкурентност и стравот од губење на економската и идеолошката надмоќ го водат НАТО кон поголема конфронтација и овој модел конечно мора да биде уништен. Тој изјави дека „Линке“ повикува на повлекување на Германија од воените структури на НАТО, а потоа и на распаѓање на НАТО.

Според Неу, НАТО треба да се замени со колективен систем за безбедност кој ја вклучува Русија, со разоружување како главнацел, а ослободените средства треба да се искористат за спречување на климатските промени и нејзините последици.

Неу во написот за независниот портал Die Freiheitsliebe напиша дека НАТО претставува значителен безбедносен ризик за светот, користејќи ја својата воена сила само за да ги заштити сопствените империјалистички интереси, системски го крши постоечкиот закон и ги дискредитира ОН.

Политичарот инсистира дека годишнината на НАТО не е причина за прослава, туку повод за повторно размислување пред да биде предоцна. Тој посочува дека земјите-членки на НАТО учествувале со повеќе од половина во воените трошоци во светот од 1 трилион долари до 2018 година.

Според Неу, планираното зголемување на трошоците на 2 отсто од БДП на земјата би значело да се трошат повеќе од 80 милијарди евра годишно само на вооружените сили за Германија, што е целосно непропорционално и претерано во споредба со буџетите на Русија и на Кина .

„Особено во последните 20 години, НАТО го покажа своето вистинско лице, почнувајќи од агресивната војна против Југославија спротивно на меѓународното право или речиси подеднакво долготрајната војна во Авганистан и бројни други странски мисии кои зедоа безброј жртви. И секогаш е само за одржување и обезбедување ресурси “, рече тој.

Овој повик за повлекување и критикување против НАТО е одек од претходните изјави на американскиот претседател Доналд Трамп, кој ја критикуваше Алијансата пред да стане претседател, па дури и го прогласи НАТО за застарена организација.

Иако подоцна ја ревидираше таа изјава, велејќи дека повеќе не верува декае така за време на посетата на генералниот секретар на НАТО, Столтенберг, во 2017 година, Трамп се уште е упорен во критикувањето на другите земји-членки, особено на Германија. Пред самитот што ја прославува 70-годишнината на Алијансата во Вашингтон, Трамп повторно го стави на тапет Берлин, велејќи дека не прави доволно бидејќи германската влада планира да троши 1,5 отсто од БДП до 2024 година, што е помало од целта од 2 отсто.