Свет
Голем број тинејџери меѓу ослободените Палестинци: „Имам вртоглавица од среќа што се враќам дома“
Триесет и девет палестински тинејџери и жени беа ослободени од израелските затвори во саботата откако се чинеше дека договорот за прекин на огнот беше доведен во прашање. Тие беа ослободени како дел од договорот со кој беа вратени 26 израелски заложници земени на 7 октомври. Вкупниот број ослободени Палестинци од почетокот на привремениот прекин на огнот е 78, пишува Би-би-си.
Еден од ослободените Палестинци, Мохамад дар-Дарвиш (17), рече дека му се врти во главата од среќа што ќе се врати дома. Размената беше одложена откога Хамас го обвини Израел дека ја менува договорената листа на затвореници што треба да бидат ослободени.
Хамас исто така рече дека нема доволно пратки со хуманитарна помош до Газа според договорот, но испораката беше извршена по посредство во последен момент на Катар и Египет.
Израел негира дека ги прекршил условите од договорот, кој денес влезе во четвртиот ден. Во саботата вечерта толпа луѓе – вклучително и некои со зелено знаме на Хамас – го поздравија автобусот со ослободените Палестинци додека се движеше низ Западниот Брег, каде што првично беа вратени затворениците.
Меѓу нив имало шест жени, а сите други биле на возраст под 18 години. Меѓу нив беше и Мохамад дар-Дарвиш, кој седум месеци беше задржан во израелски затвор под обвинение дека фрлил бомба врз војниците. Тој ги негира обвинувањата.
Во изјава за Би-би-си тој тврди дека палестинските затвореници биле малтретирани по нападот на 7 октомври. Израелската затворска служба, пак, уверува дека се однесувала кон затворениците во согласност со правилата.
Израел состави список од 300 палестински затвореници, главно тинејџери, кои се подобни за ослободување според договорот со Хамас. Повеќето од нив се во затвор и чекаат судење, а помалку од четвртина од луѓето на списокот се осудени.
Меѓу ослободените возрасни жени беше Исраа Џабис, која беше осудена на 11 години затвор во 2015 година кога нејзиниот автомобил се запали на 1,5 километар од контролен пункт на Западниот Брег. Израел обвини дека се работи за обид за бомбашки напад со автомобил и таа е осудена, но денес 38-годишната Исраа Џабис ги негира обвиненијата, а нејзиното семејство претходно тврдеше дека пожарот бил предизвикан од дефект на моторот.
Таа добила тешки изгореници на лицето кога се запалил моторот на автомобилот, но израелските затворски власти ги одбиле барањата за операција. Откога била ослободена по издржување осум години од затворската казна, таа била фотографирана како го гушка својот син Муатасим (15), кој во моментот на апсењето на мајка си имал осум години.
Некои од ослободените според договорот за прекин на огнот се затвореници кои сè уште биле деца кога биле уапсени. Мара Бејкер била осудена на осум и пол години затвор за прободување граничен полицаец кога имала 16 години.
По враќањето кај семејството во Источен Ерусалим, таа рече: „Емотивна сум, тоа е многу добро чувство“. Таа вели дека за нејзиното ослободување дознала само неколку часа пред тоа да се случи.
23-годишната Нурхан Авад издржа осум години од 10-годишната затворска казна пред да биде ослободена во саботата. Таа беше осудена за прободување со нож во Ерусалим, а полицијата ја застрела при апсењето. Нејзиниот братучед бил застрелан и убиен при апсењето.
Таа беше снимена како трча до нсвоето семејство во Западен Брег откога беше ослободена и рече дека ќе го посети гробот на својот роднина пред да се врати дома.
Друга група израелски заложници – сите жени и деца – беа ослободени од Газа во саботата вечерта. Повеќе затвореници и заложници беа ослободени во неделата како дел од договорот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Поддржувачите на Марин Ле Пен денеска протестираат во Париз, се очекуваат и контрапротести
Радикалната десничарска партија на француската лидерка Марин Ле Пен повика денеска на протестен митинг во Париз, откако политичкиот суд и забрани да се кандидира на следните претседателски избори во Франција.
Партијата „Национален собир“ очекува меѓу 8.000 и 10.000 учесници, објавија медиумите повикувајќи се на партиски претставници. За денеска се планирани два контрапротести.
Левичарската партија Непокорена Фрација и Зелените повикаа на протест против крајната десница на централниот плоштад, Плоштадот на Републиката. Поддржувачите на ренесансната партија на претседателот Емануел Макрон, исто така, планираат да протестираат на партиски собир во предградието на градот.
Полицијата најави дека за време на протестот ќе дејствува со полна сила.
Во понеделникот судот пресуди против Ле Пен, нејзината партија и други партиски функционери за проневера на средства на ЕУ. Таа е осудена на делумно условна затворска казна и пет години забрана за учество на избори. Додека затворската казна е условна поради жалбата на Ле Пен, забраната за учество на изборите стапува во сила веднаш.
Следните претседателски избори се во 2027 година. Апелациониот суд во Париз објави дека има намера да донесе одлука до средината на 2026 година. Протестот на Национален собир е закажан за 15 часот.
Свет
Францускиот премиер: Поддршката на Трамп за Ле Пен е мешање во внатрешните работи
Поддршката што ја дава американскиот претседател Доналд Трамп на лидерката на француската екстремна десница, Марин Ле Пен, претставува мешање во внатрешните работи, изјави францускиот премиер Франсоа Бајру.
Во интервју за весникот „Паризиен“ (Le Parisien), тој рече дека „мешањето станало како закон во светот“.
„Јасно гледам дека на неколку континенти некои се обидуваат да воспостават меѓународна непристојност, нелиберална, која одлучи дека човековите права, владеењето на правото, демократското разбирање меѓу народите припаѓаат на минатото“, рече Бајру.
Трамп неодамна на социјалните мрежи со големи букви напиша „Ослободете ја Марин Ле Пен“. „Не ја познавам Марин Ле Пен, но чувствителен сум на фактот дека таа работеше напорно толку многу години“, напиша американскиот претседател.
Премиерот на Франција изјави дека не е добро што се планираат собири во Франција за поддршка на Марин Ле Пен, која неодамна беше осудена за проневера на јавни средства.
„Не е ниту здраво ниту пожелно да се демонстрира против одлуката на судот“, рече Бајру.
На 31 март, Ле Пен и осум пратеници на екстремно десничарската партија Национален собир беа прогласени за виновни за проневера на јавни средства. Со таа пресуда, Марин Ле Пен беше спречена да се кандидира на претседателските избори, закажани за 2027 година.
Националното собрание повика на митинзи за поддршка на Ле Пен.
Според судот, Марин Ле Пен е прогласена за виновна за проневера на 474.000 евра поради фиктивно вработување на четворица партиски помошници во Европскиот парламент.
Судот процени дека вкупната штета изнесува 2,9 милиони евра, бидејќи пратениците на екстремно десничарската партија „вработиле во Европскиот парламент луѓе кои реално работеле за Националниот собир“.
Свет
Хамас објави видео од двајца живи израелски заложници
Вооруженото крило на палестинското движење Хамас објави видео на кое се гледаат двајца израелски заложници во Појасот Газа, во кое тие тврдат дека наводно преживеале нов израелски напад.
По два месеци кревко примирје меѓу Хамас и Израел, на 18 март, израелската армија ја продолжи воената офанзива во Појасот Газа, од каде што палестинското движење почна напади врз Израел на 7 октомври 2023 година.
Видеото, кое го пренесе бригадата Езедин ал Касам, трае нешто повеќе од две минути.
Еден од двајцата мажи изгледа повреден, со завои на лицето и десната рака. АФП не можеше да ја потврди автентичноста на видеото или датумот кога е снимено.
Форумот за фамилии на заложници, главната организација која се залага за ослободување на Израелците кои се држат во Појасот Газа, соопшти дека идентификувале еден од двајцата заложници како Максим Херкин, чие семејство побара од медиумите да не го објавуваат видеото.
Според израелските медиуми, вториот заложник е војникот Бар Куперштајн.
Двајцата мажи беа киднапирани на 7 октомври 2023 година, за време на нападот на на Хамас на музичкиот фестивал Нова.
Неодамнешниот прекин на огнот овозможи враќање на 33 израелски заложници, вклучително и осум кои оттогаш загинаа, во замена за ослободување на околу 1.800 Палестинци кои се држат во израелските затвори.
Од 18 март, армијата го засили бомбардирањето на Газа и ги испрати своите војници назад на фронтот, во многу делови од териториите од кои армијата се повлече за време на прекинот на огнот.
Израелскиот премиер Бенјамин Нетанјаху и неговата влада тврдат, против советите на повеќето семејства и роднини на заложниците, дека зголемениот воен притисок е единствениот начин да се принуди Хамас да ги врати.
Од 251 заложник киднапирани за време на нападот на Хамас на 7 октомври 2023 година, 58 се уште се на палестинските територии, вклучително и 34 за кои се верува дека се мртви.
(Видео) Приведен прилепчaнец поради видеото со пукањето од балкон, се трага по уште едно лице
Приведен е 51-годишен прилепчанец од селото Црнилиште Општина Долнени поврзан со видеото со пукањето споделено на „Фејсбук“. МВР трага и по...
(Видео) Киев под руски напад
Најмалку три лица се повредени, а неколку пожари избувнаа во Киев рано утринава по руски ракетен напад, соопштија градоначалникот и...
Во САД протести против Трамп: „Рацете подалеку од нашата демократија“
Во делови од САД вчера беа одржани околу 1.200 протести под името “Hands Off!” во знак на спротивставување со политиката...
Ледено невреме доаѓа кон Македонија: се очекува силен ветер, дожд, снег и минусни температури
Денешниот ден донесе вистинска пролет во Македонија и сончево време во најголемиот дел од земјата, но во наредните часови следува...
(Видео) Директорката на клиниката за пластична хирургија низ солзи им се заблагодари на странските доктори за помошта по трагедијата во Кочани
Д-р Јасмина Ѓоргиевска Павловска, директорката на Универзитетска клиника за пластична и реконструктивна хирургија низ солзи се заблагодари на докторите од...
Притвор за 15-годишно дете кое неколкупати силувало 5-годишно девојче
Основното јавно обвинителство Гостивар до судијата за деца во гостиварскиот суд поднесе барање за поведување подготвителна постапка и предлог за...
Мицкоски: Потребен е механизам за спречување блокади на билатерална основа
Да се воведат механизми кои нема да дозволат билатерални спорови да се пречка за остварување на заедничка цел, порача премиерот...
Министерство за здравство: 69 пациенти се на лекување во странство и нема промена во нивната состојба
Министерството за здравство информира дека во моментов 69 пациенти се на лекување во странство и нема промена во нивната состојба,...
(Видео) Спасовски: Градоначалникот на Крива Паланка лажеше дека има цијанид 100-тици пати над дозволеното
Градоначалникот на Крива Паланка лажеше дека во водата во Крива Паланка има цијанид 100-тици пати над дозволеното, за да шири...
(Видео) Кузеска: Со Тошковски на чело, МВР е во хаос – бодигарди аздисуваат на улиците како на див запад
Со Панче Тошковски на чело на МВР хаос се случува по македонските улици, безбедноста е загрозена, нема никаков ред и...
(Видео) Манасиевски: Левица и Апасиев во директен договор со Извршител и банка купиле конфискуван имот за 3 пати пониска цена
Левица и Апасиев во директен договор со Извршител и банка купиле конфискуван имот за 3 пати пониска цена, кажа денеска...
Словенија ја поддржува реформата на јавната администрација во Македонија
Министерот за јавна администрација на Република Словенија, Франк Пропс, во рамки на својата официјална посета на Скопје, одржа интензивни работни...
Семејствата на починатите во кочанската дискотека денеска излегуваат на протест
Семејствата на починатите во кочанската дискотека организираат „Марш за ангелите“. Протестот ќе се одржи денеска во 12:05 часот. Маршот ќе...
САД почнаа да ги наплаќаат новите царини на Трамп од 10%
Американските царински службеници почнаа да ја наплаќаат едностраната царина од 10 отсто на претседателот Доналд Трамп за сите увозни производи...
Денеска облаци и сонце, утре дожд и снег
Утре голема промена на времето. Времето денеска ќе биде променливо облачно со сончеви периоди. Локално ќе има услови за развој...
(Видео) „Поршето“ во Дебар маало не било на полицаец туку на ексамбасадорот Срѓан Керим
Паркираното „порше“ во Дебар маало не било на полицаец, туку било во сопственост на Срѓан Керим, ексминистер за надворешни работи,...
Се организира транспортот на телото на Александар Карадакоски – управителот на „Пулс“ кој почина во Литванија
Институциите го организираат транспортот од Литванија на телото на 29-годишниот Александар Карадакоски, кој е 60 жртва од пожарот во дискотеката „Пулс“...
90 отсто од дишните органи на 29-годишниот Карадакоски биле изгорени од пламенот што го вдишал, утврдиле лекарите во Литванија
Директна причина за смртта на 29-годишниот Александар Карадакоски, кој утрово почина во Литванија, се изгореници на дишното стебло, извести попладнево...
Палевски свртен со грб му постави 97 прашања на Кешишев: „Ништо од штабот не беше изнесено без знаење на Палчо“
Обвинетиот Влатко Кешишев за грабнувањата и убиствата на Вања и Панче денес одговараше и на прашањата на првообвинетот Љупчо Палевски,...
Обвинителството ја запре постапката против починатиот управител на „Пулс“
Основното јавно обвинителство Кочани ја запира постапката против Александар Карадакоски, кој денеска почина по повредите добиени во пожарот во дискотеката...
