Свет
Горбачов: СССР би можел да опстане како Унија на суверени држави

Последниот претседател на СССР, Михаил Горбачов, денеска изјави дека советските власти го занемариле опсегот на меѓуетничките проблеми во Советскиот Сојуз и потребата од реформирање на земјата.
Тој изрази уверување дека СССР може да продолжи да постои како Унија на суверени држави дури и по обидот за државен удар во август 1991 година.
“Ни требаше премногу долго за да сфатиме дека на СССР му треба обнова. Безбедноста, одбраната, транспортната инфраструктура, единствената валута и човековите права требаше да останат во рацете на федералните власти додека не се подготви нацрт-обединување. Мислам дека тоа беше одржлива опција која би била поддржана од мнозинството (советски) републики“, рече Горбачов во интервју за ТАС С.
Тој изрази уверување дека единството може да се одржи и откако многу републики прогласија независност, и покрај фактот што моќта на претседателот е сериозно ослабена.
Последниот претседател на Советскиот Сојуз го опиша моментот кога поднесе оставка како „црни денови“ за Советскиот Сојуз, за Русија и за себе и потврди дека обидот да се употреби сила за да остане претседател ќе започне граѓански конфликти со непредвидливи последици.
“Тоа беа црни денови за Советскиот Сојуз, за Русија и за мене, но јас не изгубив самоконтрола и потпишав указ за моето заминување од функцијата претседател на Советскиот Сојуз“ , рече Горбачов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Ројтерс: Луѓето на Трамп го предупредија Катар и неговите сојузници неколку часа пред израелскиот напад

Американскиот Стејт департмент однапред информирал неколку регионални сојузници на Блискиот Исток за планираниот израелски напад врз Иран, неколку часа пред почетокот на операцијата, тврдат тројца извори запознаени со ситуацијата, пренесува Ројтерс.
Во дипломатската нота испратена во четвртокот попладне, Стејт департментот потврдил дека израелскиот напад ќе се случи доцна во ноќта. Катар бил меѓу земјите кои го добиле предупредувањето.
Во пораката се наведува дека Вашингтон не учествувал во израелската операција ниту дал каква било поддршка. Се истакнува и дека претседателот Доналд Трамп јасно ја изразил својата желба за мир во регионот, но и цврстиот став дека на Техеран не смее да му се дозволи да развива нуклеарно оружје.
За потсетување, Израел започна бран воздушни напади низ Иран ноќта меѓу четвртокот кон петокот, тврдејќи дека погодил нуклеарни локации, ракетни фабрики и високи воени команданти, што може да биде долготрајна операција чија цел е да се спречи Иран да развие атомска бомба.
Стејт департментот не одговори веднаш на барањето за коментар.
Свет
Најмалку 86 загинати и 341 ранети во израелските воздушни напади

Најмалку 86 лица загинаа, а 341 беа ранети во израелските воздушни напади во петокот, објави иранската новинска агенција Фарс, цитирана од „Анадолија“.
Во главниот град Техеран загинаа 78 лица, а 329 беа ранети. Најмалку уште осум лица ги загубија животите, а 12 се ранети во нападите на Табриз, град во северозападниот дел на Иран.
Израел започна сеопфатна воена операција против Иран, во која учествуваа 200 борбени авиони. Целите беа иранската нуклеарна програма и можностите за лансирање ракети со долг дострел.
Во нападите загинаа високи воени функционери и научници кои работеа на нуклеарната програма.
Премиерот Бенјамин Нетанјаху рече дека целната воена операција ќе продолжи се додека е потребно.
Иран вети строга казна и побара итен состанок на Советот за безбедност на Обединетите нации.
Американскиот претседател Доналд Трамп на социјалната мрежа „Вистина“ објави дека му дал на Иран „можност за договор“ и го повика да ја искористи сега, „пред да биде предоцна“.
Оваа ескалација фрла сомнеж за иднината на нуклеарните преговори меѓу Техеран и Вашингтон, кои се водат со посредство на Оман. Шестата рунда индиректни преговори, закажана за в недела, сега најверојатно ќе биде откажана, велат извори запознаени со ситуацијата.
Свет
Новиот командант на Иранската револуционерна гарда: „Наскоро ќе се отворат портите на пеколот“

Новоименуваниот командант на иранската револуционерна гарда, Мохамад Пакпур, се закани со жестока одмазда за израелските напади во кои беше убиен неговиот претходник, Хосеин Салами.
„Како одмазда за крвта на нашите убиени команданти, научници и граѓани, портите на пеколот наскоро ќе се отворат за овој режим кој убива деца“, рече Пакпур во изјавата што ја пренесе иранската државна новинска агенција ИРНА.