Свет
(Видео) Градоначалничката на Лос Анџелес била на коктел во Гана кога избувнал пожарот во Палисадес
Како што ескалираше пожарот во Лос Анџелес на 7 јануари, градоначалничката Карен Бас се фотографираше на коктел-забава во амбасадата во Гана, покажуваат објавите на социјалните мрежи. До моментот кога таа го напушти собирот и се упати кон дома, масивни облаци од чад беа видливи низ градот, пишува Њујорк Тајмс.
Бас беше во западноафриканската земја како дел од делегацијата на администрацијата на Бајден на инаугурацијата на претседателот на Гана Џон Драмани Махама, на која таа присуствуваше претходно истиот ден, се дознава. Таа отпатува во странство на 4 јануари, кога Националната метеоролошка служба ги зголеми предупредувањата за претстојните силни ветрови, и се врати во Лос Анџелес околу 11 часот на 8 јануари, повеќе од 24 часа по избувнувањето на пожарите.
🚨 JUST IN: LA Mayor Karen Bass decided to go to a COCKTAIL PARTY in Ghana while Angelenos were burning alive, per LA Times
Photos of her smiling and happy at the party have now surfaced.
Bass MUST be removed!
She left Los Angeles knowing there was a high chance of horrific… pic.twitter.com/HHXqhfLjJx
— Nick Sortor (@nicksortor) January 15, 2025
Портпаролот на градоначалникот рече дека американскиот амбасадор во Гана приредил прием за делегацијата пред да се упатат дома со воен авион. Тој изјави дека Бас го поминувалa поголемиот дел од времето на забавата правејќи повици во посебна просторија.
This is by far the craziest video from the fire in Los Angeles. This guy is filming huge walls of fire surrounding a house they're in, and there's another person and a dog. I have no idea why they didn't evacuate or what happened to them. Let's hope they're okay. #PalisadesFire pic.twitter.com/QYtsBSKvdl
— Sia Kordestani (@SiaKordestani) January 8, 2025
Одлуката на градоначалничката да го напушти градот среде временските предупредувања и времето на нејзиното враќање привлекоа критики и внимание на националните медиуми во последните денови.
Наводно, Бас се фотографирала на забавата нешто пред 20 часот по локално време во Гана, или пред пладне време во Лос Анџелес, според фотографијата објавена на социјалните мрежи на која се гледа часовникот на лице на забавата.
Karen Bass was at a cocktail party while the Palisades burned. https://t.co/xjk1BcncKd pic.twitter.com/qgeulSklac
— Eric Spiegelman (@ericspiegelman) January 15, 2025
Неколку минути подоцна беа издадени наредби за евакуација во Палисадес.
Фотографиите на Инстаграм и ЛинкдИн ги објави Мариса Бауман, вработена во градот која не беше дел од официјалната делегација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Комбе излета од автопат во Србија: едно дете загина, седум се повредени
Едно дете загина, а седум други се повредени, како и возачот на комбе, во тешка сообраќајна несреќа што се случи околу 3:30 часот наутро на автопатот Нови Сад-Белград, објавија регионалните медиуми во среда.
Детето родено во 2009 година почина на местото на настанот од повредите здобиени во несреќата, објави Радио телевизија Србија (РТС).
Седум други деца, родени помеѓу 2009 и 2012 година, се здобиле со тешки повреди и се пренесени во Детската болница во Нови Сад.
Возачот, исто така, е тешко повреден
Возачот на комбето, маж роден во 1982 година, исто така е тешко повреден и е пренесен во Ургентниот центар на Клиничкиот центар на Војводина.
Несреќата се случила кога комбето во кое се превезувале децата излетало од патот, пробило ограда и паднало во канал, објави Радио телевизија Војводина (РТВ).
фото: архива
Свет
(Фото) Трамп доби златна круна во Јужна Кореја
На претседателот на САД, Доналд Трамп, денес во Националниот музеј во Гјонгџу му беше врачен Големиот орден на Мугунгва и златна круна на кралството Сила од страна на јужнокорејскиот претседател Ли Џае-Мјунг.
Претседателот Трамп доби реплика од историската златна круна во Јужна Кореја, најновиот во низата импресивни подароци што ги добил за време на неговата посета на Азија.

Трамп рече дека подарокот е „многу посебен“.
Симбол на света власт и апсолутна моќ
Репликата е базирана на златната круна на древното кралство Сила, кое го симболизирало „светата власт и апсолутната моќ“ на кралевите и владејачката класа, според Националниот музеј на Кореја.

Златните круни од кралството Сила прикажуваат дрво со гранки што се шират нагоре, за кое музејот вели дека „значи небесен мандат на кралот“.
фото: принтскрин
Свет
Во Холандија почнаа парламентарните избори
Во Холандија утрово почнаа парламентарните избори, избирачките места се отворија во 7:30 часот и ќе бидат отворени до 21:00, по што ќе започне пребројувањето на гласовите и објавувањето на првите резултати, јави холандскиот јавен сервис „НОС“.
Право на глас имаат околу 13,5 милиони граѓани, а гласањето се одвива на 27 партии со 1.166 кандидати за 150 пратенички места.
Некои избирачки места беа отворени уште од полноќ. На поголемите железнички станици има и мобилни пунктови за гласање.
Анкетите покажуваат дека трката е исклучително тесна, а крајнодесничарската Партија за слобода (PVV) на Герт Вилдерс има шанса за силен резултат, иако повеќето партии не сакаат коалиција со него. Поддршка имаат и левите и десноцентристичките партии.
По распадот на претходната четирипартиска влада, парламентот брои дури 15 партии, па аналитичарите предупредуваат дека формирањето нова влада може да трае со месеци.

