Свет
Гуаидо не отфрла странска воена интервенција во Венецуела
Венецуелскиот опозициски лидер, Хуан Гуаидо, разгледува странска воена интервенција како крајна мерка за соборување на Владата на претседателот Николас Мадуро, пренесува ТАСС.
„Не отфрлувам воена интервенција затоа што сосема е јасно каков е режимот на Мадуро. Но тоа е крајна мерка. Важно е прво да се обидеме да олесниме мирна транзиција“, изјави Гуаидо за бразилскиот весник „Фола де Сао Пауло“.
Во судирите меѓу опозицијата и полицијата, кои траат од вторникот, според податоци на невладини организации, досега загинале четири лица, а околу 300 се повредени.
На 23 јануари годинава Гуаидо се прогласи себеси за привремен претседател што легитимниот венецуелски претседател Николас Мадуро го опиша како обид за државен удар и најави прекин на дипломатските односи со САД.
Гуаидо беше признат како привремен претседател од земјите од групата Лима (освен Мексико), како и од Албанија, Грузија, САД и Организацијата на американските држави. Неколку земји од ЕУ излегоа со поддршка за парламентот на Венецуела и изразија надеж за нови избори за решавање на кризата.
Мадуро беше поддржан од Русија, Боливија, Иран, Куба, Никарагва, Ел Салвадор и Турција. Белорусија и Кина повикаа на решавање на сите прашања со мирни средства и зборуваа против какво било мешање од надвор. Генералниот секретар на ОН повика на дијалог за решавање на кризата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.