Свет
Гутереш: Многу земји ги игнорираа советите на СЗО, сега плаќаме висока цена

Генералниот секретар на ОН, Антонио Гутереш ги критикуваше земјите кои ги игнорирале препораките на СЗО во екот на пандемијата на коронавирус.
Тој оцени дека светот платил висока цена поради различните стратегии.
„Видовме изрази на солидарност, но многу малку единство во нашиот одговор на Ковид-19. Земјите следеа различни стратегии, понекогаш и контрадикторни, а сите плаќаме висока цена“, рече Гутереш на видео конференцијата на отворањето на годишниот состанок на Светската здравствена организација (СЗО).
Генералниот секретар на ОН исто така укажа дека голем број на земји ги игнорирале препораките на СЗО.
„Како последица на тоа, вирусот се рашири низ целиот свет и сега се движи кон земјите на југ каде што може да има уште пофатални последици“, предупреди Гутереш, повикувајќи на голем меѓународен напор за светот да се соочи со оваа трагедија.
„Се надевам дека истражувањата за вакцина се еден вид почетна точка“, рече тој.
Светското здравствено собрание, за прв пат во историјата се одржува виртуелно и поради пандемијата ќе трае само два дена.
И покрај тензиите меѓу Вашингтон и Пекинг, земјите се надеваат дека со консензус ќе ја усвојат резолуцијата, поднесена од страна на Европската унија.
Резолуцијата повикува на почеток на процесот на проценка што е можно поскоро, со цел да се испита меѓународниот здравствен одговор и мерките на СЗО во борбата против пандемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Нетанјаху: Иран има ракети со дострел од 8.000 километри, уште 3.000 и можат да стигнат до брегот на САД

Израелскиот премиер Бенјамин Нетанјаху се појави во емисијата на конзервативниот политички коментатор и водител Бен Шапиро. Тој предупреди дека Иран развива интерконтинентални балистички ракети кои би можеле „да ги стават Њујорк, Бостон, Вашингтон или Мајами под неговото нуклеарно оружје“.
„Иран може да уценува кој било американски град. Луѓето не веруваат во тоа. Иран развива интерконтинентални ракети со дострел од 8.000 километри, додадете уште 3.000 и тие можат да стигнат до источниот брег на Соединетите Американски Држави“, тврди тој.
„Тоа е навистина голема опасност, не сакате да бидете под нуклеарното оружје на овие луѓе, кои не се нужно рационални и скандираат „смрт за Америка“. Мислам дека Израел одлично ја држи таа опасност настрана“, продолжи Нетанјаху.
Тој зборуваше за израелското разузнавање и како тоа им помага не само на Израел, туку и на САД во заштитата на цивилите. „Спречивме соборување на авиони од страна на ИСИЛ и терористички напади низ целиот свет“, нагласи тој.
фото: принтскрин
Регион
Во Бугарија и Романија на сила црвен метео аларм поради обилни дождови

Во Бугарија и Романија на сила е црвен метео аларм поради обилни дождови. Обилните дождови продолжија да ја погодуваат Бугарија, што доведе до затворање на патишта, прогласување црвен метео аларм во неколку области, а 51 населено место останаа без електрична енергија поради бурата. Надлежните органи го интензивираат надзорот над сите мостови и инфраструктура што е потенцијално оштетена од поплавите, пишува денес „Новините“. Службениците предупредија дека секоја локација што е изложена на ризик ќе биде веднаш затворена.
Граѓаните се повикуваат да бидат внимателни, да избегнуваат патувања и да ги следат упатствата на надлежните служби. Бугарскиот национален институт за метеорологија и хидрологија прогласи црвен метео аларм, највисоко ниво на предупредување, за осум области каде што се очекуваат повеќе од 65 литри дожд на квадратен метар, пренесува Танјуг.
Во исто време, властите објавија дека Бугарија ќе побара помош од Европскиот фонд за солидарност за погодените места поради предизвиканите штети.
Метеоролозите во Романија денес го продолжија црвениот временски аларм поради предвидените обилни врнежи од дожд за пет области и градот Букурешт со можност за врнежи до 140 литри на квадратен метар.
Според најновото предупредување на Романската национална метеоролошка управа (ANM), од 21 часот на 7 октомври до 15 часот на 8 октомври се очекуваат обилни врнежи од дожд во неколку области, пишува романската новинска агенција Аѓерпрес.
Фото: принтскрин
Свет
Фон дер Лајен: Европските пратеници треба внимателно да го слушаат говорот на Путин

Претседателката на Европската комисија, Урсула фон дер Лајен, ги повика членовите на Европскиот парламент „внимателно да го слушаат“ излагањето на рускиот претседател Владимир Путин на пленарната седница на Дискусионниот клуб Валдај во Сочи.
Фон дер Лајен изјави дека Путин „ја обвинува Европа за продолжување на агресивната војна во Украина“, нагласувајќи дека е важно да се разберат неговите пораки и намери.
„Мораме многу внимателно да ги слушаме неговите зборови“, рече претседателката на ЕК, објавува официјалната веб-страница на Европската комисија.
Во својот говор, рускиот претседател се осврна и на реакциите на Западот, велејќи дека критиките што доаѓаат од Брисел и Вашингтон се „очекувани и шаблонски“, но дека „ставот на Русија е цврст и конзистентен“.
Претходно, фон дер Лајен изјави дека Европската унија одлучила да го промени својот пристап кон санкциите против Русија, преминувајќи, како што нагласи, на „построги и поцелни мерки“ што треба да ја ограничат способноста на Москва да ги заобиколува ограничувањата.
Фото: принтскрин