Свет
Гутереш: Руската вакцина ќе oдигра важна улога во борбата против пандемијата

Генералниот секретар на ООН, Антонио Гутереш смета дека руските вакцини против Ковид-19 можат да играат многу важна улога во борбата против пандемијата и се надева дека Светската здравствена организација (СЗО) наскоро ќе ги одобри.
„Единствениот услов што го имаат ООН во врска со вакцините е да можеме да ги користиме само доколку се одобрени од СЗО. Знам дека во овој момент има контакти меѓу руските власти и СЗО, се надевам дека преку нив на најбрз можен начин ќе се одобрат и ќе биде признаена ефективноста на руската вакцина“, рече Гутереш во интервју за ТАСС.
Генералниот секретар на ООН исто така смета дека е важно имунизацијата да биде достапна за секого и насекаде.
„Руската вакцина може да биде корисна во многу мисии на ООН, во некои чувствителни делови на светот, каде ќе ни требаат вакцини за нашиот персонал и населението на кое му помагаме во мировните операции“, додаде Гутереш.
Во септември 2020 година, рускиот претседател Владимир Путин за време на говорот во Генералното собрание на ООН изјави дека Русија е подготвена на ООН бесплатно да им ја испорача својата вакцина „спутник V“, наведува агенцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.