Најмалку 10 лица загинаа во пожарите во Лос Анџелес, а се стравува дека бројот на жртвите ќе се зголеми откако истражителите ќе успеат безбедно да пристапат до населбите.

Татко и син, двајцата со инвалидитет, загинаа во пожар во Алтадена, објави Вашингтон пост.

Хаџим Вајт, жителка на Арканзас, рече дека последен пат комуницирала со нејзиниот татко, Ентони Мичел, во средата наутро.

„Тој рече: „Душо, само да знаеш, има пожар и ќе мора да се евакуираме“. Потоа рече: „Морам да одам, има пожар во дворот“, раскажа Вајт.

In a heartbreaking incident linked to the ongoing wildfires in Southern California, a great-grandfather and his son tragically lost their lives while attempting to escape the flames.

The victims, 67-year-old Anthony Mitchell, a retired salesman and amputee, and his son Justin,… pic.twitter.com/dnsqXbgWul

— Dhruv (@dhruv2038) January 10, 2025

Мичел (67), пензиониран продавач кое се потпираше на инвалидска количка, живееше во Алтадена со неговиот син Џастин, млад човек во раните 20-ти години, кој боледуваше од церебрална парализа.

Вајт добила вест дека ниту нејзиниот татко ниту Џастин не успеале да се спасат од пламенот.

Властите го информирале семејството дека Мичел бил пронајден покрај креветот на неговиот син, што го навело семејството да верува дека тој се обидувал да го спаси Џастин.

„Тој не сакал да го остави синот. Не по секоја цена. Многу е тешко. Тоа беше како тон цигли да ми паднаа на градите“, рече Вајт.

Вајт го опишала нејзиниот татко како дарежлив човек кој ги обожавал своите четири деца, 11 внуци и 10 правнуци.

Германскиот канцелар, Олаф Шолц, го блокира планот за испраќање на пакет оружје од 3 милијарди евра во Украина, пишува „Дер Шпигел“.

Планот, откриен од Шпигел, го претставија министерката за надворешни работи Аналена Баербок од Зелените и министерот за одбрана Борис Писториус од Социјалдемократската партија на Шолц. Двајцата се обидоа да и снабдат на Украина клучни системи за оружје, вклучително и три дополнителни батерии за воздушна одбрана Ирис-Т, 10 хаубици и повеќе артилериска муниција.

Според извештајот, подготовката на пакетот помош започна веднаш по падот на коалициската влада во ноември, а Баербок и Писториус имаа намера да обезбедат парламентарно одобрение за финансирањето пред предвремените избори во февруари.

Нивните министерства го оправдаа барањето со наведување на влошената воена ситуација во Украина, засилена со сомнежите за континуираната американска поддршка по изборната победа на Доналд Трамп. Баербок и Писториус го поставија предлогот како клучен доказ за непоколебливата поддршка на Германија.

И покрај нивните напори, Шолц се спротивставил на планот, пишува „Шпигел“. Актуелниот канцелар, наводно, тврди дека постојните распределби на воена помош – 4 милијарди евра за 2025 година, заедно со средствата од заемот од 50 милијарди американски долари од Г7 финансиран од замрзнати руски средства – се доволни. Тој изрази загриженост за преземањето на големи финансиски обврски од страна на новата влада по изборите.

Важна улога играат и политичките пресметки. Гласините велат дека лидерот на СПД стравува дека ќе изгуби гласови со испраќање дополнително оружје среде изборна кампања.

Актерот Мел Гибсон откри дека неговиот дом е уништен во шумските пожари во Лос Анџелес. Во тоа време, тој беше во Тексас и го снимаше подкастот на Џо Роган. Рече дека неговиот имот во Малибу целосно изгорел и го критикуваше гувернерот на Калифорнија, Гевин Њусом за ситуацијата.

„Тоа е емотивно, се разбира. Моите работи беа таму, сега се во пепел“, изјави тој за News Nation. Тој вели дека му било многу непријатно за време на снимањето на целото интервју со Роган бидејќи му било лошо што бил таму додека му гори маалото.

„Се прашував дали мојата куќа сѐ уште е таму. Кога се вратив, се разбира, мојата куќа ја немаше“, додаде тој.

Актерот вели дека интензитетот на уништувањето целосно го шокирал.

„Целосно изгорено. Никогаш не сум видел такво нешто“, вели тој. Гибсон живеел таму 15 години. Откри дека изгореле и куќите на неговите соседи, вклучувајќи ја и онаа на актерот Ед Харис.

Пожарите го опколија Лос Анџелес. Официјалните лица потврдија најмалку 10 смртни случаи, но се стравува дека бројот на загинати ќе се зголеми. Десетици илјади луѓе беа евакуирани, околу 10.000 домови беа уништени, а штетата се проценува на десетици милијарди долари.