Свет
Се урна зграда во Истанбул – двајца загинати, шестмина извлечени од урнатините
Осумкатница се урна во Истанбул во средата при што загинаа најмалку две лица, пренесува „Вашингтон пост“ цитирајќи ги турските власти.
Спасувачките екипи извлекле шестмина, а се преземаат мерки за пронаоѓање и на останатите кои се заробени под урнатините.
„Зградата, во која живееле 43 лица во 14 стана, има приземје на ниво на улиците и седум ката“, вели истанбулскиот гувернер, Али Јерликаја, додавајќи дека последните три ката биле изградени нелегално.
Сè уште не се знае колку луѓе се заробени, но поранешниот премиер Бинали Јилдирим изјави дека спасувачите оствариле контакт со уште четири лица, кои сè уште се наоѓаат под урнатините. Јилдирим рече дека и соседните згради биле евакуирани во случај да се оштетени.
Канцеларијата на државниот јавен обвинител објави дека почнала истрага за рушењето зградата стара 27 година. Зградата се срушила околу 4 часот попладнето на азиската страна на Истанбул во станбената населба Картал, покажуваат снимките од безбедносните камери на телевизијата „Хабер Турк“.
Турската радиодифузна агенција подоцна објави дека обвинителството наредило медиумски мрак за несреќата, наведувајќи ја истрагата како причина. Турските телевизиски станици веднаш потоа ги завршија своите емисии во живо од местото на настанот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

