Свет
Двајца повредени со нож во Швајцарија, се утврдува дали е терористички напад
Две лица се повредени, а едно е уапсено во можен терористички напад во стоковна куќа во Швајцарија, пренесува швајцарски РТС.
Швајцарската полиција соопшти дека нападот со нож во трговска област во вторникот попладне во градот Лугано се истражува како можен терористички напад и дека првоосомничениот уапсен на местото на настанот е поврзан со џихадистички екстремизам. Уапсената 28-годишна жена, за која се тврди дека е швајцарска државјанка, во вторникот нападнала две жени во стоковната куќа во Лугано. РТС пренесува дека таа ја фатила едната жена за вратот, а другата ја избола со ножот.
Едната жртва има сериозни, но не и опасни за животот повреди. Напаѓачката била совладана од случајни минувачи, кои чекале да пристигне полицијата.
Le 24.11.2020, un #attentat à motivation présumément #terroriste a été perpétré contre plusieurs personnes dans un grand magasin de #Lugano. Le ministère public de la Confédération a ouvert une procédure pénale.
— fedpol (@fedpolCH) November 24, 2020
Швајцарската полиција одржа прес-конференција откривајќи дека нападот со нож е повеќе од случајно насилство и можеби имал терористички мотив. Осомничената веќе ѝ била позната на полицијата и била предмет на истрага за џихадистичка радикализација во 2017 година.
Германскиот радиодифузер „Дојче веле“ обезбеди дополнителни информации известувајќи дека сведоците на нападот рекле дека сторителката изразила верност кон Исламската држава додека била приведувана. Главниот швајцарски извор 20Minutes известува дека осомничената извикувала „Алаху ахбар“. Овие тврдења сè уште не се потврдени или негирани од швајцарските власти.
In #Lugano ist es heute Nachmittag zu einem terroristischen Angriff gekommen – die Täterin vermutlich eine zum Islam konvertierte und radikalisierte Schweizerin. In den Moscheen wird notabene um die Wette konvertiert…https://t.co/4HsyxhMloS
— SaïdaKeller-Messahli (@KellerSaida) November 24, 2020
Нападот во Лугано следува по неколку други смртоносни напади во Европа, вклучително и неодамнешните нападите во Франција и во Австрија. Додека во минатото западните лидери реагираа на масовните напади со изрази на солидарност во јавноста, а водеа контратерористички акции во тајност, од неодамна осудите се посилни.
Naturalmente in giro a piede libero, come tanti altri della sua risma pic.twitter.com/A2uW5c4zV9
— Lorenzo Quadri (@LorenzQuadri) November 24, 2020
Австрискиот канцелар Себастијан Курц, чија нација неодамна беше цел на смртоносен исламистички напад со оружје, беше првиот меѓу меѓународните лидери што го осуди нападот. Тој на „Твитер“ напиша дека Австрија стои до Швајцарија и дека ќе има заеднички одговор на исламистичкиот тероризам во Европа.
I fully condemn today’s Islamist terrorist attack in #Lugano. My thoughts are with the victims wishing them a full & swift recovery. We stand with #Switzerland in these difficult hours. We'll give a joint response to Islamist terrorism in #Europe & defend our values. @s_sommaruga
— Sebastian Kurz (@sebastiankurz) November 24, 2020
Курц се сретна со францускиот претседател Емануел Макрон претходно овој месец за да разговара за нивниот заеднички одговор на терористичките напади. Говорејќи за време на состанокот, Курц предупреди дека во ЕУ има илјадници странски борци и рече дека европските народи се во постојана опасност од терористички напади.
Двајцата лидери изјавија дека ќе се фокусираат на зајакнување на надворешните граници на Европа истакнувајќи дека ако не се зајакне довербата на јавноста во ваквата заштита, отворените внатрешни граници на Европа ќе почнат да се затвораат како резултат на тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лукашенко: Мадуро е добредојден во Белорусија ако ја напушти функцијата
Белорускиот претседател Александар Лукашенко изјави дека венецуелскиот претседател Николас Мадуро би бил добредојден во Белорусија доколку ја напушти функцијата, но дека за ова прашање не е разговарано со Мадуро, според цитат од интервју за американскиот новински канал Newsmax објавен во понеделник на канал на Телеграм поврзан со администрацијата на Лукашенко.
Тензиите се зголемија меѓу САД и венецуелската влада, при што САД распоредија воени сили во јужниот дел на Карибите, напаѓајќи бродови за кои се тврди дека носат наркотици.
Закани за воена интервенција
Американскиот претседател Доналд Трамп навести дека наскоро може да започне копнени операции во Венецуела.
Венецуелската влада вели дека САД бараат промена на режимот за да ги преземат огромните нафтени резерви во земјата.
Притисокот од САД речиси го парализира извозот на венецуелска нафта од минатата недела, при што само танкерите изнајмени од „Шеврон“ што носат венецуелска сурова нафта во САД отпловиле со претходно одобрение од Вашингтон, покажуваат записите.
Свет
(Видео) Државата Вашингтон нареди итна евакуација во три предградија на Сиетл
Властите во американската држава Вашингтон издадоа наредба за итна евакуација за три јужни предградија на Сиетл во понеделник откако попушти насип по една недела континуирани и обилни дождови. Наредбата на округот Кинг се однесува на домовите и бизнисите во делови од Кент, Обрн и Туквила, источно од реката Грин.
Во исто време, Националната метеоролошка служба (NWS) издаде предупредување за ненадејни поплави за речиси 47.000 луѓе. Пробивањето на насипот се случи по една недела рекордно високи нивоа на водата, што веќе предизвика масовни евакуации.
Рекордните врнежи од дожд предизвикуваат хаос
Невообичаено моќен временски систем, познат како „атмосферска река“, донесе повеќе од 30 сантиметри дожд, зголемувајќи го нивото на реките низ целата држава, сè до канадската граница, на опасни нивоа. Бројни лизгања на земјиштето опустошија населени подрачја, уништувајќи домови и оставајќи семејства заробени на покривите додека чекаа да пристигнат спасувачките екипи.
Свет
(Видео) Трамп ја тужи Би-би-си: бара 5 милијарди долари отштета
Американскиот претседател Доналд Трамп поднесе тужба од 5 милијарди долари против Би-Би-Си за манипулирање на неговиот говор на 6 јануари 2021 година, во документарецот „Панорама“.
Трамп го обвини британскиот јавен радиодифузер за клевета и кршење на законите за трговски практики, според судските документи поднесени во Флорида. Би-Би-Си му се извини на Трамп минатиот месец, но го отфрли неговото барање за отштета, велејќи дека нема „основа за тужба за клевета“.
Адвокатите на Трамп тврдат дека Би-Би-Си го клеветила претседателот со „намерно, злонамерно и измамничко манипулирање на неговиот говор“. Би-Би-Си сè уште не коментирала за тужбата. Трамп минатиот месец објави дека ќе ја тужи Би-Би-Си поради документарецот, кој се емитуваше во Обединетото Кралство пред претседателските избори во САД во 2024 година.
„Мислам дека морам да го направам тоа. Тие измамија. Ги сменија зборовите што излегоа од мојата уста“, им рече Трамп на новинарите, зборувајќи за тужбата. Во говорот на 6 јануари 2021 година, непосредно пред немирите во американскиот Капитол, Трамп им рече на толпата: „Одиме во Капитол и ќе ги бодриме нашите храбри сенатори и претставници“.
Повеќе од 50 минути подоцна во истиот говор, тој додаде: „И се бориме. Се бориме до крај“.
Програмата Панорама емитуваше клип од Трамп како вели: „Одиме во Капитол… и јас ќе бидам таму со вас. И се бориме. Се бориме до крај“. Би-Би-Си призна дека изменетото создало „лажен впечаток“ дека Трамп „директно повикува на насилни дејствија“, но го отфрли тврдењето дека тоа претставува клевета.
Во ноември, беше протече интерна белешка на Би-Би-Си во која се критикува начинот на кој е монтиран говорот, што доведе до оставки на генералниот директор на Би-Би-Си, Тим Дејви, и директорката на информативниот програм, Дебора Тернес.
Пред Трамп да поднесе тужба, адвокатите на Би-Би-Си поднесоа долг одговор на обвинувањата на претседателот. Тие тврдеа дека немало злонамерност во монтирањето и дека Трамп не претрпел никаква штета како резултат на емитувањето, бидејќи бил реизбран кратко време по емитувањето.
Тие исто така истакнаа дека Би-Би-Си немала права да го дистрибуира документарецот во Соединетите Држави, ниту го емитувала таму. Иако Панорама беше достапна на BBC iPlayer, пристапот беше ограничен на гледачите во Обединетото Кралство.
Тужба: Жителите на Флорида веројатно го гледале документарецот
Во тужбата, Трамп тврди дека Би-Би-Си имал договори со други дистрибутери за прикажување на содржината, вклучително и договор со трета медиумска компанија за која тврди дека имала лиценца за дистрибуција на документарецот надвор од Обединетото Кралство. Би-Би-Си не коментираше за овие обвинувања, ниту компанијата што наводно ги поседувала правата за дистрибуција.
Во тужбата понатаму се тврди дека жителите на Флорида можеле да го гледаат документарецот користејќи VPN или преку услугата за стриминг BritBox.
„Промоцијата на документарецот „Панорама“, во комбинација со значителното зголемување на употребата на VPN во Флорида од неговото емитување, укажува на голема веројатност дека жителите на Флорида пристапиле до документарецот пред Би-Би-Си да го отстрани“, се наведува во тужбата.

