Свет
Две лица загинаа во терористички напад во Ирак, 24 се повредени

Најмалку две лица загинаа, а 24 се ранети откако автомобил-бомба експлодирал во Мосул, град во северен Ирак.
Полицијата соопшти дека автомобилот полн со експлозив бил паркиран во близина на Универзитетот во Мосул, во центарот на градот. Мосул лани беше ослободен од Исламска држава, која под своја контрола го држеше три години. Оттогаш градот беше цел на неколку терористички напади, објави агенцијата „Ројтерс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Урсула фон дер Лајен: ЕУ е подготвена да се брани од американските царини со контрамерки

Европската унија е подготвена да ги брани своите интереси со пропорционални контрамерки на тарифите што ги воведе американскиот претседател Доналд Трамп, изјави денеска претседателката на Европската комисија Урсула фон дер Лајен по телефонскиот разговор со британскиот премиер Кир Стармер.
Таа најави дека ЕУ ќе соработува со своите партнери за да ја постигне таа цел, пренесува Ројтерс.
Фон дер Лајен истакна дека 27-те земји-членки на ЕУ се посветени на блиска соработка со Велика Британија во областа на безбедноста и одбраната и изрази загриженост за Русија, која, според неа, ги попречува мировните напори во Украина.
Претседателот на Европската комисија на 24 април во Лондон ќе се сретне и со британскиот премиер Стармер по повод Меѓународниот самит за иднината на енергетската безбедност.
Во саботата стапија на сила основните царини од 10 отсто за целиот увоз во САД.
Од Европската унија беше најавено дека земјите-членки во среда треба да гласаат за контрамерки на американските царини за челик и алуминиум, пренесува Танјуг.
Регион
Силен ветер пренасочи авиони и ги одложи летовите на аеродромот во Дубровник

Пoради силниот ветер што денеска ја зафати областа Дубровник, три авиони кои требаше да слетаат на аеродромот „Руѓер Бошковиќ“ во Дубровник беа пренасочени кон италијанскиот град Бари, додека шест од нив беа пренасочени кон Сплит.
Авионите на EasyJet и British Airways од Лондон и авионите на Ryanair од Берлин беа пренасочени во Бари. Авионите на Ryanair од Стокхолм, Виена и Краков, KLM од Амстердам и Croatia Airlines од Франкфурт и Загреб се пренасочени кон Сплит, а летот на Austrian Airlines од Виена е откажан, објавено е на веб-страницата на аеродромот во Дубровник, Руѓер Бошковиќ.
Голем број летови од Дубровник до европските дестинации се откажани или одложени.
Свет
За денеска се најавени нови протести пред продавниците на Тесла во САД

Најмалку десетина протести пред продавниците на Tesla ширум Соединетите Американски Држави се најавени за денеска како дел од кампањата на масовен отпор кон нејзиниот извршен директор Илон Маск поради улогата на Одделот за владина ефикасност (DOGE), со кој тој раководи, во обемната реформа на администрацијата на американскиот претседател Доналд Трамп.
Масовните протести беа повикани од продемократски движења, организации за граѓански права, групи на воени ветерани, организации за правата на жените, работнички синдикати.
Пред бројните продавници на компанијата Тесла во сите 50 држави на САД и ширум светот вчера беа организирани протестни собири наречени „Рацете подалеку“ од движењето кое собра милиони луѓе незадоволни од администрацијата на Трамп, јавува Си-Ен-Ен.