Свет
Девојката на момче што го изеде ајкула во Хургада е скршена, очевидци велат дека била со него во водата

Египет привремено ги затвори плажите откако 23-годишен маж беше нападнат и убиен од ајкула пред очите на неговиот вознемирен татко, пишува „Дејли мејл“.
Нема веќе нуркање, пливање и спортови на вода откако Владимир Попов беше каснат до смрт од тигреста ајкула во одморалиштето Хургада.
Очевидци велат дека во морето во моментот на нападот била и девојката на жртвата, додека беспомошниот татко на Владимир гледал се’ од брегот.
Светските медиуми пишуваат дека девојката на Владимир е скршена по загубата на нејзиниот сакан.
Таткото на убиеното момче раскажа дека немало членови на семејството во близина на неговиот син за да му помогнат во водата.
„Каква помош можете да пружите? Оваа мелница за месо го уби за 20 секунди, едноставно го повлече под вода“, изјави таткото.
Забраната за пливање ги опфаќа плажите од северното летувалиште Ел-Гуна до јужната граница на заливот Абу Соума.
Египетското Министерство за животна средина објави: „Др. Јасмин Фуад, министерот за животна средина, им нареди на персоналот специјализиран за вакви инциденти да ги применат сите мерки за постигнување на максимално ниво на безбедност на бреговите на Црвеното Море и да направат се што е можно повеќе да нема инциденти со ајкули.
Поради ненормалното однесување на ајкулата и фактот дека имало напади врз луѓе во минатото, тим прави анализа врз ајкулата што го предизвикала инцидентот со цел да ги открие можните причини за нападот и да види дали истата предизвикала претходни несреќи“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Воз удри во автомобил во Полска

Полските државни железници (PKP) објавија драматично видео од несреќата во која воз удри автомобил на шините. Опасниот инцидент се случил откако возачот поминал низ спуштени рампи и застанал директно на шините на делницата помеѓу Граново и Стешев, објавува polsatnews.pl.
Според написите, сите служби за итни случаи – пожарникари, полиција и служби за итна медицинска помош, веднаш биле испратени на местото на настанот, а бил распореден и хеликоптер за спасување. Полицијата во Познањ потврди дека автомобилот го управувал 81-годишен маж.
Според извештајот, возачот поминал со возилото низ рампите кои веќе биле спуштени и се запрел на пругата. По судирот, тој бил однесен во болница и е во стабилна состојба.
Една недела по несреќата, Полските државни железници објавија видео од камера за надзор како дел од својата кампања „Безбедно преминување“. „Патничко возило заврши под возот на линијата Познањска главна станица – Волштин“, се вели во описот на објавеното видео.
Несреќата предизвикала прекин на железничкиот сообраќај на таа делница околу два часа, а за патниците бил организиран заменски автобуски превоз. PKP нагласи дека сите уреди на преминот работеле правилно.
„Секоја година, на железничко-патните премини се случуваат околу 170 несреќи, во кои загинуваат неколку десетици луѓе. Како дел од кампањата „Безбеден премин“, ја подигнуваме свеста за опасностите што произлегуваат од непреземање посебни мерки на претпазливост“, соопшти компанијата.
Фото: принтскрин
Свет
Санчез со критики до Западот: Европа применува двојни стандарди во Украина и Газа

Европа и Западот покажуваат двојни стандарди во врска со војните во Украина и Газа, што може да го загрози нивниот глобален углед, предупреди шпанскиот премиер Педро Санчез, опишувајќи го одговорот на нападот на Израел врз палестинската територија како едно од најтемните поглавја во меѓународните односи во 21 век.
Во интервју за Гардијан, пред средбата со британскиот премиер Кир Стармер во Лондон, Санчез, исто така, оцени дека Америка под водство на Доналд Трамп се обидува да го уништи повоениот, базиран на правила, глобален поредок што го создаде.
Тој ги бранеше придобивките од миграцијата и ги критикуваше традиционалните десничарски партии за поткопување на консензусот за климатската криза со копирање на политиките на нивните популистички ривали.
Санчез – првиот висок европски лидер што го обвини Израел за геноцид во Газа – рече дека е задоволен што другите европски земји ја следат Шпанија во признавањето на палестинската држава, но призна дека европскиот одговор бил слаб.
„Тоа е неуспех. Апсолутно. Реалноста е дека земјите во ЕУ се поделени кога станува збор за тоа како да влијаат врз Израел. Но, според мене, ова не е прифатливо и не можеме да траеме долго ако сакаме да го зголемиме кредибилитетот кога станува збор за други кризи, како онаа во Украина“, рече Санчез.
„Корените на овие војни се сосема различни, но светот гледа кон ЕУ и западното општество и прашува: „Зошто применувате двојни стандарди кога станува збор за Украина и кога станува збор за Газа?“
Санчез истакна дека се обидува да ја натера Европа да направи повеќе, вклучително и финансиски да го казни Израел.
„Она што го гледаме сега во Газа е можеби едно од најмрачните поглавја од меѓународните односи во 21 век. Шпанија беше многу гласна во рамките на ЕУ и меѓународната заедница. Во рамките на ЕУ, досега се залагавме за прекин на стратешкото партнерство на ЕУ со Израел“, рече тој.
Санчез, кој е во конфликт со Трамп поради одбивањето на Шпанија да издвои 5% од БДП за одбрана, нагласи дека Шпанија е „сигурен партнер“ во НАТО и дека сака да го зачува „најдобриот однос со САД“, без оглед на тоа кој е во Белата куќа.
„Со сето должно почитување, нашиот пристап кон САД е прагматичен. Во исто време, мислам дека имаме поинаква визија за тоа како да се соочиме со глобалните предизвици. Голема грешка е да се напушти Парискиот договор и да се намалат придонесите за помош за Светската здравствена организација. Нашето општество се соочува со глобални предизвици кои не познаваат граници и мора да ја зајакнеме соработката“, рече тој.
Фото: принтскрин
Свет
Макрон: Подготвени се безбедносните гаранции за Украина

Францускиот претседател Емануел Макрон изјави дека безбедносните гаранции за Украина се подготвени и дека тие ќе бидат потврдени утре на состанок во Париз од страна на „коалицијата на добронамерните“ што го поддржува Киев.
„Ние сме подготвени како Европејци да понудиме безбедносни гаранции на Украина и украинскиот народ на денот на потпишувањето на мировниот договор“, рече Макрон, како што објави Ројтерс. Тој исто така рече дека подготвителната работа за безбедносните гаранции за Украина е завршена.
Макрон го угости украинскиот претседател Володимир Зеленски во Елисејската палата во Париз пред состанокот на лидерите на коалицијата на добронамерните.
Околу 30 лидери ќе учествуваат на самитот, на кој ќе се разговара за напредокот во дискусиите за безбедносните гаранции за Украина, кои се сметаат за неопходен предуслов за секој иден мировен договор, според нацрт-документ што го виде Ројтерс, а кој им беше доставен на учесниците.
Коалицијата составена од Франција и Велика Британија, со месеци води разговори за да се обиде да дефинира планови за тоа кои земји би можеле воено да ѝ помогнат на Украина за да ја одврати Русија од повторен напад кога ќе се постигне конечно примирје, според медиумот.
Фото: принтскрин