Украинскиот претседател Володимир Зеленски рече дека неговиот тим оваа недела разговарал со советникот за национална безбедност на американскиот претседател Доналд Трамп и неговиот главен пратеник за војната во Украина и дека тие работат на организирање посета на американска делегација.

Киев се обидува да воспостави блиски односи со новата администрација на Трамп, која рече дека сака брзо да стави крај на речиси тригодишната војна со Русија.

„Веќе имаме работни датуми кога ќе пристигне американскиот тим. Сега се договараат членовите на делегацијата“, им рече Зеленски на новинарите.

Тој додаде дека неговиот шеф на кабинет, Андриј Јермак, разговарал со советникот на Трамп за национална безбедност, Мајкл Валц, и дека неговиот тим ден претходно разговарал со Кит Келог, специјалниот пратеник на Трамп за Украина и Русија. Јермак и Валц разговарале за ситуацијата на бојното поле и напредокот во мобилизацијата.

Се известува дека е разговарано и за потребата од организирање лични контакти меѓу Зеленски и Трамп.

Трамп претходно вчера рече дека сака Киев да ги снабдува САД со ретки метали и други ресурси во замена за финансиска поддршка за воените напори на Украина.

Украинскиот претседател Володимир Зеленски сугерираше дека Соединетите Држави, доколку веќе не се подготвени да го поддржат членството на Украина во НАТО, би можеле да обезбедат алтернативна безбедносна гаранција во форма на нуклеарно оружје.

Зборувајќи со Пирс Морган, Зеленски рече дека патот на Украина кон членство во НАТО може да потрае „години, па дури и децении“, поставувајќи, како што рече, легитимно прашање: „Што ќе не’ заштити од ова зло сето ова време?

„Каков пакет поддршка? Какви проектили? Дали ќе ни дадат нуклеарно оружје? Тогаш нека ни дадат нуклеарно оружје“, додаде тој.

„Да го направиме следново: дајте ни нуклеарно оружје, дајте ни ракетни системи. Партнери, помогнете ни да финансираме милионска армија, преместете ги вашите контингенти во делови од нашата земја каде што сакаме стабилност за луѓето да имаат мир“, рече тој.

Тој потсети и дека рускиот претседател Владимир Путин рече дека руската инвазија била мотивирана од стравот од членството на Украина во НАТО.

„Тој (Путин) изврши инвазија затоа што се плашеше дека ќе станеме членка на НАТО. Во ред, ние не сме членка на НАТО. Излезете од нашата земја“, рече тој.

Претходно, Зеленски изрази уверување дека американскиот претседател Доналд Трамп може да влијае дали Украина ќе се приклучи на НАТО. Во меѓувреме, самиот Трамп потврди дека може да ги разбере чувствата на Русија, истакнувајќи дека претходната американска администрација изразила поддршка за членството на Украина во НАТО.

Од 26-ти јануари, во Егејското Море се регистрирани 754 земјотреси, а интензивната сеизмичка активност продолжува на и околу грчките острови Санторини, Аморгос, Анафи и Иос, јавува „Анадолија“.

Илјадници луѓе бегаат од грчкиот остров Санторини во јужниот дел на Егејското Море, вознемирени од континуираната интензивна сеизмичка активност, јавуваат локалните медиуми.

Додека многу луѓе загрижени за земјотресот го напуштија островот со траект или авион, оние што останаа се на готовност.

Околу седум илјади луѓе заминаа овие денови, соопштија властите.

Земјотрес со јачина од 4,9 степени според Рихтеровата скала го погоди островот рано утринава, а неколку часа подоцна следеше уште еден со јачина од пет степени.

Експертите тврдат дека земјотресите не се поврзани со вулканска активност на островот и додаваат дека потресите ќе траат најмалку седум дена.

Геолозите сметаат дека со помали земјотреси се намалува можноста за посилен.

„Тоа значи дека нема да имаме голем земјотрес“, вели Атанасиос Ганас, директор за истражување на Геодинамичкиот институт.