Свет
Децата од Парадајс стравуваат дека Дедо Мраз нема да ги пронајде по изгорувањето на домовите
Дедо Мраз во трговски центар во Парадајс, каде што беснееја најсмртоносните пожари во Калифорнија, добива разни барања од децата што сакаат да се им исполнат во новата година. Некои посакуваат нов велосипед, други „ајфон“, трети играчки. Но, многу од нив од Дедо Мраз побараа нешто што не може да им даде – дом.
Американските медиуми деновиве ја пренесоа тажната приказна на децата областа зафатени од најстрашната охнена стихија во Калифорнија, во која загинаа стотина лица.
Во трговскиот центар, кој деновиве е преполн пред празниците со посетители, има и центар за
помош при катастрофи, кој им помага на луѓето што ги загубија своите домови во Кепм Фајр во близина на Парадајс. Родителите што доаѓаат да побараат помош во центарот ги носат и своите деца за да се запознаат со Дедо Мраз.
Џим Хоскинс, или Дедо Мраз од трговскиот центар, вели дека запознал многу деца што ги изгубиле двоите домови во пожарите. „Повеќето од нив се насмеани“, вели тој и покрај трагедијата со која се соочиле.
Тој вели дека сè е во ред додека децата бараат велосипеди, играчки и подароци, но мака му е кога ќе го побараат единственото нешто што неможе да им го даде – а тоа е дом.
„Јас обично им велам дека не можам да го направам тоа за една година. Немам моќ да го направам тоа веднаш, но ќе се потрудам да го добијат“.
Вели дека многу од децата биле загрижени дека Дедо Мраз нема да ги пронајде бидејќи нивните домови изгореа во пожарите. Тој вели дека не треба да се грижат за тоа.
„Им велат да не се грижат и дека имам начин за да ги пронајдам каде се. Тоа ги смирува и ги прави да се чувствуваат посигурно“, вели Хоскинс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.