Свет
„Дејли мејл“ открива мултимилионски заговор да се спречи брегзит за 6 месеци, финансиран од Сорос

Тајни документи до кои дојде и ги објави британски „Дејли мејл“ откриваат дека групата „Најдобро за Велика Британија”, финансирана од странски земји, планира да потроши 5,6 милиони фунти за поткопување или поништување на одлуката на британските гласачи да ја напуштат Европската Унија.
Групата, поддржана од милијардерот Џорџ Сорос, кој се залага за отворени граници, ќе започне шестмесечна кампања која вклучува масовно рекламирање и пропаганда на социјалните медиуми и турнеја на еврофилските политичари. Групата веќе има собрано 2,4 милиони фунти и бара дополнителни 3,2 милиони фунти од богатите странските донатори за да се вмешаат во британската политика, велејќи им: „Имаме помалку од шест месеци за да го спречиме брегзит”.
Тие имаат за цел да ги убедат пратениците да гласаат против договорот за брегзит на премиерката Тереза Мај, без разлика што е договорено со него, тврдејќи дека не гласале за тоа и ќе се обидат да ги мобилизираат левичарските синдикати во убедувањето на лабуристите да не го поддржат брегзит. Според документот на 26 страници, тие ќе тврдат дека брегзит ќе претставува ризик за национална безбедност, ќе го обвинуваат брегзит за намалување на финансиските средства во локалните совети и ќе тврдат дека оние што гласале за излез од ЕУ, а не Брисел, ја отфрлаат вестминстерската политика.
„Сега е обелоденет циничниот план да се манипулира со британскиот гласач и да се запре брегзит. Оние што гласаа за излез од ЕУ ќе бидат згрозени што Џорџ Сорос мисли дека може со своето богатство да го одреди правецот на нашата голема земја. Повеќето што гласаа за останување во ЕУ сега само сакаат сето ова да помине. Моите колеги во парламентот, без разлика дали биле за напуштање или останување во ЕУ, мора да го осудат овој безобразен обид да се поткопа нашата демократија. Оние пратеници кои сакаат да го разложат или одложат брегзит сега мора да признаат дека нивното значаен глас е обиечн план да се запре брегзит, како што овој документ недвосмислено покажува ,”коментираше поранешниот министер во кабинетот, Овен Патерсон.
Ричард Тајс од групата „Лив минс лив“, која се бори за излез од ЕУ, вели:
„Џорџ Сорос, милијардерот кој не живее во Велика Британија, и неговите елитистички пријатели нема да застанат пред ништо во обидот да го спречат брегзит, измамнички маскирајќи ги своите планови како глас на народот. Тие срамно сакаат да им ги одземат на најсиромашните меѓу нас придобивките од брегзит. “
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Медведев до Трамп: „Нека се потсети на своите омилени филмови за „живите мртовци“

„Не ме интересира што прави Индија со Русија. Тие можат заедно да ги уништат своите мртви економии, според мене.“
Оваа порака, објавена на социјалната мрежа „Truth Social“, е уште една во низата што американскиот претседател неодамна ги упати кон Русија, Индија и поранешниот руски претседател Дмитриј Медведев, пренесуваат медиумите во светот.
Заменик-претседателот на Советот за безбедност на Русија, Дмитриј Медведев, ги коментираше зборовите на Трамп на Телеграм.
„Ако некои зборови на поранешниот претседател на Русија предизвикуваат толку нервозна реакција од толку моќен американски претседател, тоа значи дека Русија е во право во сè и ќе продолжи да оди по својот пат.“
– А што се однесува до „мртвата економија“ на Индија и Русија и „влегувањето во опасна територија“ – нека се сети на своите омилени филмови за „живите мртовци“, како и колку опасна може да биде непостоечка „мртва рака“, напиша Медведев.
Фото: принтскрин
Свет
Трамп до Канада: Нема договор ако ја признаете Палестина

Американскиот претседател Доналд Трамп објави дека поддршката и признавањето на палестинската држава од страна на Канада ќе го отежни склучувањето трговски договор меѓу двете земји, објави „Si-TV News“.
„Бај! Канада штотуку објави дека ја поддржува палестинската државност. Тоа ќе ни го отежни многу склучувањето трговски договор со нив. О, Канада!!!“, напиша Трамп на мрежата „Truth Social“.
Објавата дојде еден ден пред рокот на Трамп на 1 август за трговски договор, а американскиот претседател претходно изјави дека ќе воведе царини од 35 проценти на канадските стоки ако двете страни не постигнат договор.
Канадскиот премиер Марк Карни вчера изјави дека можеби нема да ги заврши преговорите со САД до 1 август, бидејќи претседателот објави нови трговски мерки што би можеле да им го отежнат бизнисот на некои канадски компании.
Канада има намера да ја признае државата Палестина во септември на седницата на Генералното собрание на ОН, изјави канадскиот премиер.
Тој, како што објави Ројтерс, рече дека оваа одлука се темели на фактот дека Палестинската самоуправа ќе спроведе реформи, вклучително и фундаментална реформа на институциите, и ќе одржи општи избори во 2026 година на кои Хамас нема да учествува.
Фото: принтскрин
Регион
Хрватска е подготвена да прифати деца од Газа

Хрватска ги отвора вратите за децата од Појасот Газа, објави Министерството за надворешни и европски работи, со акцент на „психосоцијална помош и едукација за опасноста од експлозивни направи“, објавија хрватските медиуми.
„Република Хрватска ќе ги отвори вратите за децата од Газа на ист начин како што ги отвори за децата од Украина, фокусирајќи се на психосоцијална помош и едукација за опасноста од експлозивни направи“, објави денес Министерството.
Во соопштението се нагласува дека Хрватска има искуство во ова од Татковинската војна и дека има меѓународно признато знаење за дејствување против мини.
Министерството пишува дека државата е подготвена да прифати деца доколку се појават можности, за што верува дека ќе се појават, и нагласува дека континуирано спроведува проекти поврзани со украинските деца, од кои околу 700 се згрижени во Хрватска, преку јавен повик.
Планот го објави државниот секретар на Министерството за надворешни работи за политички прашања, Франо Матушиќ, на меѓународната конференција за мирно решение на палестинското прашање и спроведување на решение за две држави во седиштето на ОН.