Свет
Директорот на ЦИА: Русија би можела да употреби нуклеарно оружје
Директорот на ЦИА, Вилијам Барнс, изјави дека Русија потенцијално би можела да користи тактичко или нуклеарно оружје со ниски перформанси во Украина и дека таквата закана не смее да се игнорира и дека со тоа се зголемува загриженоста.
„Со оглед на потенцијалниот очај на претседателот Путин и руското раководство, со оглед на ќор-сокакот со кој се соочуваа досега на воен план, никој од нас не може лесно да ја земе заканата од потенцијалното прибегнување кон тактичко или нуклеарно оружје со ниски перформанси“, рече тој.
CIA Director William Burns stated today, Due to the Failures and Desperation that the Russian Military is now facing in Ukraine there is worries from U.S Intelligence/Defense Officials that Russia could possibly use a Low-Yield or Tactical Nuclear Weapon against Ukrainian Forces. pic.twitter.com/LxA6na8aKo
— OSINTdefender (@sentdefender) April 15, 2022
„Знам дека претседателот Џо Бајден е длабоко загрижен за избувнувањето трета светска војна, за избегнувањето да дојде до прагот каде што, знаете, нуклеарниот конфликт станува возможен“, рече Барнс.
Русија има многу тактичко нуклеарно оружје, кое е помалку моќно од нуклеарните бомби фрлени од САД врз Хирошима за време на Втората светска војна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Господине Трамп, најдете си живот – Бајден лут поради коментарите на експретседателот за ураганот на Флорида
Американскиот претседател, Џо Бајден, одржа брифинг за новинарите за ураганот Милтон.
Тој рече дека обновата на погодената област ќе чини неколку милијарди долари и ќе трае долго.
Американскиот претседател се осврна и на коментарите на експретседателот на САД, Доналд Трамп, кој рече дека погодените од ураганот ќе добијат само 750 долари помош, нарекувајќи ги „бизарни“.
Запрашан дали разговарал со Трамп, Бајден одговори: „Се шегуваш?“, а потоа му понуди совет на републиканскиот претседателски кандидат.
„Господине Трамп, најдете си живот за себе. Помогнете им на овие луѓе“, изјави Бајден од Вашингтон.
Свет
Расте бројот на мртви од ураганот на Флорида
Бројот на загинати во ураганот на Флорида, САД, се искачи на 11 лица, јавува „Ен-би-си њуз“.
Последната жртва е возач на автомобил врз којшто паднало дрво во округот Цитрус.
Претходно, два смртни случаи беа пријавени во округот Пинелас, три во округот Волузија и пет во округот Сент Луси, од кои четири беа предизвикани од торнада.
Регион
Вучиќ го пречека Ердоган на аеродромот: „Добредојдовте во Србија, драг пријателe“
Претседателот на Србија, Александар Вучиќ, вечерва на аеродромот Никола Тесла го пречека претседателот на Турција, Реџеп Таип Ердоган.
Според програмата на посетата, в петок во 11 часот ќе се одржи церемонија на пречек пред палатата „Србија“, по што ќе следи средба на двајцата претседатели, јавуваат српските медиуми.
Потоа ќе се одржи четвртата седница на Високиот совет за соработка меѓу Република Србија и Република Турција, предводена од двајцата претседатели.
„Добредојдевте во Србија драг пријателe. Вашата возвратна посета е уште една можност за дополнително зајакнување на нашите пријателски односи и соработка. Верувам дека за време на вашиот престој во Белград ќе работиме заедно на подобрување на економските, културните и политичките врски меѓу нашите земји“, му порача претседателот Вучиќ на турскиот колега по пристигнувањето во Белград.
View this post on Instagram
Вучиќ и Ердоган ќе присуствуваат и на бизнис форум.