Свет
Директорот на рускиот истражувачки центар: Вакцините може да се приспособат на новите видови коронавирус
Вакцините против коронавирусот може да се променат бргу во иднина доколку се појават нови видови, без спроведување претклинички и клинички тестови, изјави генералниот директор на рускиот Државен истражувачки центар за вирусологија и биотехнологија „Вектор“, Ринат Максјутов.
„Вакцините се формулираат годишно врз основа на податоците за циркулацијата на видовите на вирусот на грип со цел да се утврди дали е потребна промена“, рече Максјутов.
Тој додаде дека во зависност од платформата што се користи против коронавирусот промената може да се изврши бргу, без да се повторат тестовите и за овој вирус.
„Реално, ситуацијата ќе биде појасна со текот на времето“, додаде овој експерт, објави ТАСС.
Претходно, Дарија Јегорова од Истражувачкиот центар „Гамалеја“, изјави дека состојбата со мутациите и видовите на новиот коронавирус предизвикува голема загриженост кај научниците и дека е потребно постојано да се следи состојбата и да се провери ефикасноста на постојните вакцини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Иран: Одмаздата против Израел почна

Иран потврди дека почнал да се одмаздува против Израел, јавува државната новинска агенција ИРНА.
Иран истрела стотици различни балистички ракети кон Израел, што Техеран го опишува како почеток на својата разорна одмазда за израелските напади.
„Пред неколку моменти, со лансирање на стотици различни балистички ракети кон окупираните територии, започна операцијата на решителен одговор на варварскиот напад на ционистичкиот режим“, објави официјалната иранска новинска агенција ИРНА.
Како што јави Хаарец, израелската армија најави дека ќе се огласат сирени за воздушен напад низ целата земја и ги повика граѓаните веднаш да одат во засолништата. Тие додаваат дека повеќе од 100 ракети биле лансирани од Иран, а сирените се огласиле низ Израел.
Главниот дописник на Гардијан за Блискиот Исток, Ема Греам-Харисон, известува од Тел Авив дека над градот се слушаат бројни пресретнувања на ракети. Eксплозии одекнаа во Ерусалим, јавува „Си-ен-ен“.
Огромни облаци од чад се издигнуваат над Тел Авив, видливи над облакодерите во центарот на градот.
Чадот е толку густ што целосно се надвива над високите згради околу него.
Израелските одбранбени сили (ИДФ) потврдија дека бран ракети бил лансиран кон Израел.
„Нападот е во тек“, се вели во објавата.
Телевизијата Канал 13 известува за пожар во близина на седиштето на израелското Министерство за одбрана во Тел Авив, додека Израел Хајом јавува дека ракети паднале на седум различни локации во централниот дел на земјата.
Свет
Израел до Иран: Ако ги нападнете нашите градови, ќе возвратиме на рафинериите и лидерите на режимот

Израел му порача на Иран дека, во случај на напад на балистичка ракета врз израелски населби и цивилни цели, ќе одговори со гаѓање на иранските рафинерии и лидерите на режимот.
Како што изјави за „Канал 12“ висок израелски безбедносен функционер, Израел јасно му ставил до знаење на Техеран дека нема да толерира напади врз цивили и дека во тој случај цели ќе бидат стратешката инфраструктура и политичкото раководство на Иран.
Свет
Ројтерс: Луѓето на Трамп го предупредија Катар и неговите сојузници неколку часа пред израелскиот напад

Американскиот Стејт департмент однапред информирал неколку регионални сојузници на Блискиот Исток за планираниот израелски напад врз Иран, неколку часа пред почетокот на операцијата, тврдат тројца извори запознаени со ситуацијата, пренесува Ројтерс.
Во дипломатската нота испратена во четвртокот попладне, Стејт департментот потврдил дека израелскиот напад ќе се случи доцна во ноќта. Катар бил меѓу земјите кои го добиле предупредувањето.
Во пораката се наведува дека Вашингтон не учествувал во израелската операција ниту дал каква било поддршка. Се истакнува и дека претседателот Доналд Трамп јасно ја изразил својата желба за мир во регионот, но и цврстиот став дека на Техеран не смее да му се дозволи да развива нуклеарно оружје.
За потсетување, Израел започна бран воздушни напади низ Иран ноќта меѓу четвртокот кон петокот, тврдејќи дека погодил нуклеарни локации, ракетни фабрики и високи воени команданти, што може да биде долготрајна операција чија цел е да се спречи Иран да развие атомска бомба.
Стејт департментот не одговори веднаш на барањето за коментар.