САД ќе изгубат најмногу од излегувањето од договорот за отворено небо, а за Русија речиси ништо нема да се промени во случај Вашингтон да го истера до крај овој потег, смета „Ди велт“.

Договорот за отворено небо, кој овозможува извидувачки летови на речиси 34 земји учеснички, е единствена можност за соработка помеѓу американските и руските вооружени сили преку транспарентност и меѓусебна доверба.

Заканата за постоењето на договорот би била катастрофална за безбедноста во Европа, пишува весникот, истакнувајќи дека самите Американци би го изгубиле пристапот до воените објекти и инфраструктурата. Весникот се повикува на најавата на американскиот претседател, Доналд Трамп, од 21 мај дека Вашингтон ќе се повлече од договорот за шест месеци ако Русија не се врати на целосна усогласеност.

Весникот пишува дека спорот за договорот за отворено небо се појавил и претходно меѓу Москва и Вашингтон кога САД воведоа ограничувања за руските мисии над Алјаска, каде што се позиционирани пресретнувачи кои претставуваат дел од американскиот ракетен штит, и над Хаваите, кои се база на американската Пацифичка флота.

Русија во 2010 година забрани набљудувачки летови во рамките на зоната од 10 км по должината на границите на Абхазија и Јужна Осетија, два отцепени региона од Грузија признати како независни земји од Москва, но не и од Вашингтон, а во 2014 година и над Калининград. Покрај тоа, американските власти се пожалија на рускиот извидувачки авион „ту-214OН“, поточно на новиот систем за дигитална камера инсталиран на нив.

На 12.9.2018 година руската влада објави дека САД одбиле да ги одобрат двата „ту-214OН“ за летови во рамките на договорот за отворено небо.

Според „Ди велт“, одлуката на Трамп била донесена под притисок на критичарите, кои сметаат дека е можно да се спроведе потребниот надзор со помош на сателитите, истовремено осудувајќи го недостигот на дигитални фотоапарати на модифицираниот „боинг WC-135B“, користен за мисиите од Пентагон.

Весникот наведува два значајни неповолни аспекта за САД по повлекувањето од договорот: војската ќе ја изгуби можноста да лета над руска територија и нема да може да ги објавува и да ги дискутира преку дипломатските канали сателитските податоци добиени од вакви мисии.

Во меѓувреме, американските сојузници во НАТО, без напредните сателити што им се на располагање, ќе може, како и досега, да добијат слики од руската воена инфраструктура за време на летовите. Покрај тоа, овие летови може да се користат како политички гестови.

Според „Ди велт“, излегувањето на Вашингтон од пактот тешко дека ќе влијае на Москва на кој било начин бидејќи Русија прави 90 отсто од своите летови според договорот во европскиот воздушен простор. Во случај на реципрочен одговор од Москва, договорот за отворено небо ќе стане минато.

Русија ќе биде водена од сопствените интереси додека темелно ја анализира ситуацијата за договорот за отворено небо, изјави рускиот министер за надворешни работи, Сергеј Лавров.

„Ние нема да навлегуваме во хистерии. Темелно ќе ја анализираме оваа состојба и, пред сè, ќе бидеме водени од интересите на нашите граѓани и од интересите на нашите сојузници, вклучително и Белорусија“,  рече тој.

Лавров додаде дека земјите потписнички треба да свикаат вонредна конференција за најавата на Трамп, но не подоцна од два месеца по објавувањето на намерата од страна на Вашингтон.

Рускиот заменик-министер за надворешни работи, Сергеј Рјабков, во саботата ги отфрли тврдењата на американскиот државен секретар, Мајк Помпео, дека Москва го користела договорот за отворено небо за да ја таргетира критичната инфраструктура во САД и Европа како налудничави.