Свет
Ди Каприо за папата Франциско: Тој беше еден од најневеројатните духовни водачи на нашето време

Холивудскиот актер Леонардо ди Каприо му оддаде емотивна почит на папата Франциско откако Ватикан ја објави веста за неговата смрт во понеделникот на Велигден.
„Папата Франциско беше лидер кој донесе големи промени“
Ди Каприо (50) сподели фотографии од себе и папата Франциско на социјалните мрежи со порака: „Папата Франциско беше лидер кој донесе големи промени – не само за Католичката црква, туку и за еколошките реформи и еколошкиот активизам. Тој покажа длабока и непоколеблива посветеност на грижата за животната средина, особено преку неговата историска енциклика „Лаудато Си“ од 2015 година.
Тие двајца се запознале пред девет години, а Ди Каприо вели дека со задоволство се сеќава на таа средба.
Актерот продолжи: „Овој моќен документ беше јасен повик за фундаментална промена во нашиот однос со нашата планета. Истакнувајќи ја меѓусебната поврзаност на целиот живот, папата Франциско ги повика поединците, заедниците, институциите и светските лидери да се обединат во грижата за нашиот заеднички дом. Неговите зборови поттикнаа импулс пред глобалната климатска конференција COP21, што на крајот придонесе за склучување на Парискиот договор“.
„За време на снимањето на мојот документарен филм „Пред потопот“ во 2016 година, имав чест да зборувам со папата Франциско за итната потреба да се соочиме со климатските промени. Тоа беше искуство што ме просветли, длабоко ме трогна и ме натера да размислувам. Папата Франциско беше еден од најнеобичните духовни водачи на нашето време. Неговото наследство ќе инспирира генерации еколошки активисти ширум светот. Почивај во мир“, кажа тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.