Свет
Договорена заедничка изјава за Карабах
Русија, Ерменија и Азербејџан договорија заедничка изјава за Карабах, објави рускиот претседател Владимир Путин.
Тој ова го изјави по трилатералната средба во Сочи со претседателот на Азербејџан, Илхам Алиев и премиерот на Ерменија, Никол Пашинјан.
Путин нагласи дека Русија ќе направи се’ за нормализирање на односите меѓу Ерменија и Азербејџан и ќе направи се’ за да се стави крај на конфликтот.
„Денеска договоривме заедничка изјава. Морам искрено да кажам: не беше сè договорено, некои работи требаше да се отстранат од текстот што беше претходно разработен на ниво на експерти“, посочи Путин.
Сепак, како што појасни, тоа создава услови за понатамошни чекори кон решавање на ситуацијата во целина.
Москва ќе направи се за да се постигне конечно и сеопфатно решение на односите меѓу Баку и Ереван, нагласи рускиот претседател.
Путин, Алиев и Пашинјан се сретнаа за да ја решат ситуацијата во Нагорно Карабах.
Како што изјави Путин, самитот за Карабах покажал дека страните можат да се договорат за иднината и дека сите се заинтересирани за нормализација на односите.
Рускиот лидер додаде дека Русија останува во контакт со Ерменија и Азербејџан со цел да продолжи дијалогот и да се стави крај на конфликтот во овој регион.
Путин додаде дека средбата со Пашинјан и Алиев, која траеше повеќе од два часа, била корисна и дека е создадена атмосфера за идни договори.
„Тоа (состанокот), според мене, создаде многу добра атмосфера за идни можни договори за некои принципиелни прашања“, истакна рускиот лидер.
На оваа средба и претходеа билатерални средби на Путин со Алиев и Пашинјан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Тик ток“ укинува стотици работни места, ја користи вештачката интелигенција
Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.
Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.
Вработените, од кои повеќето биле ангажирани во операции за модерирање, биле известени за отпуштањата преку електронска пошта.
Свет
Иран ја поништи смртната казна на активистката за работнички права, Мохамади
Врховниот суд на Иран ја укина смртната казна на активистката за работнички права Шарифе Мохамади.
Нејзиниот адвокат вели дека казната на Мохамади ќе биде преиспитана во ново судење. Мохамади беше приведена во декември минатата година и оттогаш беше сместена во повеќе затвори. Револуционерниот суд во јули ја осуди Мохамади на смрт за вооружен отпор против Исламската Република.
Мохамади беше активна во одбрана на работничките права во иранската провинција Гилан.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.