Свет
Драматични снимки: голем пожар на гасовод кај Куала Лумпур, повредени најмалку 63 лица

Најмалку 63 лица се згрижени во болница во Малезија кога избувна голем пожар на гасовод со кој управува државната енергетска компанија „Петронас“, соопштија властите, додека продолжуваат напорите за контрола на пожарот и евакуација на жителите, објави „Ројтерс“.
KEBAKARAN Saluran Paip Gas Petronas, Bukan Stesen Minyak, Penduduk Sekitar Dipindahkan
Berikut kenyataan pihak SSOC:
SMART SELANGOR OPERATION CENTRE (SSOC)
KEJADIAN KEBAKARAN PIPE LINE GAS DAERAH PETALING
Tarikh : 1 April 2025
Lokasi : Stesen Minyak Petronas Putra Heights… pic.twitter.com/TRVmCxSqj0— MYNEWSHUB (@mynewshub) April 1, 2025
Пожарот избувна во вторникот наутро во градот Пучонг, во државата Селангор, на периферијата на главниот град Куала Лумпур, а хоспитализираните добија изгореници, респираторни проблеми или други повреди, соопштија властите.
Petronas Putra Heights Avenue 🔥#petronas #fire Can be seen in front of my housing area. pic.twitter.com/nY6zA8W9u2
— white island 🕊️🫒🌲 (@fizasyaza) April 1, 2025
„Гасоводот е изолиран“, соопштија од „Петронас“.
Противпожарната служба додаде дека компанијата затворила вентил на дел од гасоводот долг 500 метри и дека 49 дома во областа се зафатени од пожарот.
Petronas Dagangan Berhad says that the video circulating online regarding the fire incident in Putra Heights did not occur at any Petronas station.
However, the nearby stations – PS Putra Heights, PS KM2 LDP and PS Putra Bestari – have been temporarily closed as a… https://t.co/idsEKAedOP pic.twitter.com/qFxwExOoJc
— BFM News (@NewsBFM) April 1, 2025
Нема информации за загинати, но сè уште не е познат целосниот обем на повредени и штети. Властите претходно соопштија дека некои луѓе се заробени во своите домови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Забраната од Орбан не ја спречи Парадата на гордоста во Будимпешта, огромен број луѓе се собраа во главниот град на Унгарија

И покрај забраната на Владата на Виктор Орбан, огромен број луѓе денес почнаа да се собираат во главниот град на Унгарија, Будимпешта, на Парадата на гордоста.
Странските медиуми пренесуваат дека организаторите очекуваат рекордна посетеност за 30. издание на Парадата на гордоста во Будимпешта, и покрај полициската забрана која ја наметна националистичката Влада на премиерот Виктор Орбан.
Thousands of people are marching for pride in Budapest. A 200 pp @Amnesty delegation is here from around Europe. Against repression we stand and rise. We resist. This is trans-national civil disobedience. #BudapestPride pic.twitter.com/8qSYr1K0rC
— Agnes Callamard (@AgnesCallamard) June 28, 2025
Владината коалиција на Орбан годинава ги смени законите и уставот за да забрани годишно прославување, оправдувајќи го долготрајното потиснување на ЛГБТ-правата со повикување на “заштита на децата”. Орбан вчера изјави дека полицијата нема да ја разбие поворката, но дека оние кои учествуваат треба да бидат свесни за “правните последици“.
Организаторите на поворката ризикуваат да добијат до една година затвор, а учесниците можат да бидат казнети со парична казна до 500 евра. Со последните законски измени, на власта и е дозволено да користи и технологија за препознавање лица.
Регион
„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите

Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на која доделуваше ордени за Видовден, претседателот Вучиќ кажа дека граѓаните не треба да се грижат за она што ќе се случува вечерва.
„Денес е убав ден, денес е голем ден, денес е празник, денес е Видовден. Ќе видите, ведро е, што е тоа мал број на луѓе на литературното попладне, или вечер, весели луѓе кои го слават празникот, кои го слават Видовден, весели луѓе бидејќи знаат дека Србија победила. А вечер ќе видите бесни луѓе, некои кои на крајот ќе завршат во насилство затоа што не си оставиле друг избор“, рече Вучиќ и додаде: “Немам страв за конечниот исход, Јас уште еднаш ја користам оваа прилика, ги молам како татко да не го прават тоа. Секогаш е подобро да се повлечете во некој момент отколку да направите некаква лудост поради која ќе се каете цел живот. Но, тука завршувам. Немам баш никаков страв за тоа каков е конечниот исход. Само сакам да ја сочувам целата ситуација, пред се младите луѓе и овие постари“, рече претсетдателот Вучиќ.
Зборувајќи за најавениот протест на студентите кажа и точно кога очекува да почне насилството.
„Од 15 до 9 до 15 до 10 очекувајте почеток на насилство“, рече претседателот Вучиќ.
Почетокот на протестот на студентите во Белград е најавен за вечерва во 18 часот. Ќе трае три часа, а студентите се оградија од сите настани што ќе се случуваат по 21 часот.
Свет
Голем видовденски протест вечерва во Белград, студентите се огласија за ненадлежни за она што ќе се случува по 21 часот

Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18 часот и ќе трае три часа, а најголема енигма е што ќе се случува потоа, бидејќи студентите порачаа дека не се надлежни за ништо по 21 часот, објави Нова.рс.
Студентите пред неколку дена објавија дека ако Владата не ги исполни нивните два барања, најавена е и граѓанска непослушност.
Првото барање е распуштање на Народното собрание, со цел да се распишат предвремени парламентарни избори до 21 часот денес, а второто барање е Владата да апелира до Министерството за внатрешни работи до 21:00 часот на 28 јуни, во согласност со член 18 од Законот за јавни собири, кој се однесува на чл. 8 од истиот Закон, да се прекине наводно пријавениот собир во Пионирскиот парк и плоштадот Никола Пашиќ.