Иран, кој со децении има затегнати односи со САД, изрази надеж дека изборот на Доналд Трамп ќе му овозможи на Вашингтон „да ги преиспита погрешните пристапи од минатото“.

„Имаме многу горчливи искуства со политиките и пристапите на различните американски влади“, изјави портпаролот на иранската дипломатија Есмаил Багај, пренесе официјалната агенција ИРНА.

Тој апелираше до Вашингтон да ги преиспита погрешните пристапи од минатото.

Иранските медиуми денеска опширно известуваат за резултатите од претседателските избори во САД.

„САД се големиот сатана, кој и да е претседател“, пишува весникот „Кејхан“.

Владиниот весник „Иран“ наведува дека „иранската економија е погодена од притисоци, но дека сега ситуацијата е поинаква и дека Трамп повеќе нема да може да го изолира Иран и да и наштети на економијата“ на земјата.

За време на неговиот прв мандат, Доналд Трамп одржуваше многу тензични односи со Техеран, анализираат медиумите.

Во мај 2018 година, тој еднострано ги повлече САД од договорот за иранската нуклеарна програма и повторно воведе остри санкции кон Техеран, и покрај договорот склучен со големите сили.

Израел рано утринава повторно го нападна јужен Бејрут, неколку часа откако премиерот Бенјамин Нетанјаху и новоизбраниот американски претседател Доналд Трамп разговараа за „иранската закана“.

Израелскиот премиер беше еден од првите светски лидери што му честиташе на Трамп, нарекувајќи го неговиот реизбор „најголемото враќање во историјата“.

Во телефонскиот разговор, двајцата „се договорија да работат заедно на безбедноста на Израел“ и „разговараа за иранската закана“, се вели во соопштението од канцеларијата на Нетанјаху.

Недолго потоа, израелската војска започна напади врз главното упориште на Хезболах во јужен Бејрут, при што снимките на АФП покажуваат портокалови блесоци и облаци од чад над густо населеното предградие.

Израелската војска издаде наредба за евакуација пред нападот, повикувајќи ги луѓето да напуштат четири населби, вклучително и една во близина на меѓународниот аеродром.

Во источен Либан, Министерството за здравство на земјата соопшти дека 40 луѓе биле убиени во израелските напади во средата и дека спасувачите ги пребаруваат урнатините за преживеани.

Тројца пациенти, кои се здобија со тешки телесни повреди при падот на бетонската настрешница на зградата на железничката станица во Нови Сад, се уште се во животна опасност, изјави утрово в.д. директор на Клиничкиот центар „Војводина“ Весна Туркулов.

Иако кај двајца пациенти се забележани мали промени во стабилноста, Весна Туркулов за телевизијата К1 изјави дека нивната состојба може брзо да се промени и дека состојбата и понатаму е критична.

Лекарскиот тим прави максимални напори за стабилизирање на нивната здравствена состојба, додаде таа.

„Од моментот на прием во Ургентниот центар, едно лице е реанимирано, поради што нејзината состојба е нешто полоша од другите две, но сите се уште се животно загрозени и нестабилни“, изјави Туркулов, наведувајќи дека овие се сериозни повреди кои вклучуваат внатрешни повреди, крварење и модринки на ткивото поради затрупувањето од тешкиот товар.

Семејствата на тешко повредените пациенти, кои се здобија со тешки телесни повреди во несреќата на железничката станица во Нови Сад, цело време се со своите најблиски во болница, а се согласија и на психолошка помош, што многу им значи во овие тешки времиња, додаде таа.