Свет
Египет ги зголемува цените на електричната енергија како дел од мерките за штедење

Египет ја зголеми цената на електричната енергија во просек за 26 отсто како дел од мерките за штедење кои имаат за цел да ја обноват економијата на земјата.
Министерот за електрична енергија Мохамед Шакер во вторникот изјави дека трошоците за електрична енергија за фабриките ќе се зголемат за 41,8 отсто, а за домаќинствата 20,9 отсто. Тој вели дека новите тарифи ќе стапат на сила во јули.
Египет претходно овој месец ја зголеми цената на водата за пиење до 45 проценти.
Зголемувањата доаѓаат во време кога Египет пробува да имплементира програма за економски реформи во која се вклучени намалување на субвенциите, наметнување на данокот на додадена вредност и флотација на валута. Мерките чија цел е земјата да се квалификува за тригодишен заем од 12 милијарди долари од Меѓународниот монетарен фонд, кој Египет го обезбеди во 2016 година.
Промените најмногу ги погодија сиромашните и Египќаните од средната класа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.