Свет
Експериментален лек за коронавирусот во САД дава резултати, луѓето заздравуваат за неколку дена
Пациентите кои го примиле експерименталниот лек „Ремдесивир“ закрепнале многу брзо од коронавирусот, а некои биле пуштени од болницата по неколку дена, јави Си-Ен-Ен.
Станува збор за пациенти кои имале сериозни симптоми и температура и биле дел од експериментален третман во болницата на Универзитетот во Чикаго. Тестирањето беше извршено врз 125 лица, а 113 од нив имале потешки форми на болеста. Сите 125 примале дневни дози на „Ремдесивир“.
„Загубивме само двајца пациенти, а мнозинството беше пуштено дома“, рече Кетлин Мулане, специјалист за третман со коронавирус.
Универзитетот во Чикаго најави дека ќе ги објави резултатите од експериментот по завршувањето на ваквиот третман и не даде дополнителен коментар.
Неуспешен против ебола, успешен против Ковид-19
Во светот сè уште не постои одобрена терапија за третман на ковид-19, но Националниот институт за здравство на САД започнува експериментални терапии со неколку лекови, од кои еднен е „Ремдесивир“. Истиот лек беше тестиран во третманот на ебола, но не беше успешен. Сепак, тестирањето покажа дека може да биде корисно во лекувањето на Ковид-19, САРС и МЕРС.
СЗО во февруари објави дека „Ремдесивир“ има потенцијал за лекување на коронавирусот.
„Повеќето од нашите пациенти се лекуваат во просек за шест дена, што ни кажува дека терапијата може да трае помалку од десет дена“, рече Мулане.
Проблемот со нејзиниот експериментален третман е што не постои контролна група, така што засега нивните резултати немаат со што да се споредат и сè уште не е можно да се утврди дали пациентите се навистина излечени. „Гилеад“, американската компанија која го измислила лекот, го спонзорира тестирањето кај 2.400 пациенти на 152 локации низ целиот свет, вклучувајќи 1.600 пациенти со умерени симптоми. Компанијата соопшти дека очекуваат резултати од тестот до крајот на месецот.
„Ние разбираме колку е итен лекот за„ ковид-19 “и ние сме свесни дека „Ремидесивир“ покажува добри резултати“, велат од компанијата за „Си-ен-ен“.
Маж кој учествуваше во студијата: Ова е чудо
Славомир Михалак, 57-годишен работник од предградие западно од Чикаго, беше меѓу учесниците во студијата во Чикаго. Една од неговите ќерки започнала да покажува симптоми кон крајот на март и подоцна и бил дијагностициран „Ковид-19“. Потоа, Михалак имал висока температура, потешкотии во дишењето и сериозна болка во грбот.
„Се чувствував како некој да ме удира во белите дробови“, рече тој.
На повик на неговата сопруга, Михалак замина во болницата на Универзитетот во Чикаго во петокот, 3 април. Тој се согласил да учествува во истражувањето.
Првата доза на „Ремдесивир“ ја прими во сабота на 4 април.
„Температурата падна речиси веднаш и почнав да се чувствувам подобро“, рече тој.
Втората доза ја доби во неделата. Тој доби уште две дневни дози на лекот и закрепна доволно за да биде отпуштен од болницата во вторникот, 7 април.
„Ремдесивир беше чудо“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уапсен уште еден осомничен за терористичкиот напад во Москва
Уште едно лице е уапсено во врска со терористичкиот напад на градското собрание Крокус во Москва на 22 март, соопшти денеска за „ТАСС“ портпаролот на полицијата.
„Уапсен е уште еден потенцијален осомничен во случајот со терористичкиот напад на Крокус. Инспекторите ја испитуваат неговата улога во тој напад“, изјави претставник на полицијата.
Полицијата уапсила државјанин на Таџикистан. Досега во врска со случајот се уапсени 11 лица, меѓу кои и четворица извршители на нападот.
Според последните податоци, во терористичкиот напад во концертната сала „Крокус сити хол“ во Москва загинале 145 лица.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.