Свет
Експерт за читање од усни открил таен разговор на Трамп и Ким

По само неколку секунди од средбата меѓу американскиот претседател Доналд Трамп и севернокорејскиот лидер Ким Џонг Ун, Трамп му понудил пијалок на Ким, открил читач на усни за британски „Сан“.
Како што наведува британскиот весник, по анализата на фотографиите и снимката без тон, Трамп го искористил својот шарм кој му помогнал да создаде деловна империја.
Дарен Сатон, читач за усни и експерт за говор на телото, кој ги анализирал снимките од самитот, вели дека Трамп е тој кој се обидел да преземе иницијатива, додека Ким бил опуштен.
Двајцата претседатели се поздравиле на англиски јазик: „Мило ми е што се запознавме, господине претседателе“, а според тврдењата на Сатон, за време на чудното ракување кое траело 13 секунди, Трамп изговорил и: „благодарам, благодарам многу“.
По ракувањето, првиот човек на САД го погледнал својот соговорник во очи и му рекол: „Фантастично, ајде да се напиеме пијалок“. Овој потег на Трамп можеби, е и смислена тактика на Трамп, бидејќи како што тврдат медиумите, севернокорејскиот лидер е љубител на чашката.
Од усните на Трамп можело да се прочита дека му се заблагодарува на Ким, додека тој зборувал за можностите за нова средба. На тој предлог, Трамп му одговорил: „ кога ќе бидеш подготвен. Направи многу добра работа. Ти благодарам многу. Ти посакувам добар лет. Ти благодарам“ Трамп му рекол на Ким.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.