Свет
Елитните американски специјални сили пронајдоа иранско оружје на брод што пловел кон Хутите, двајца специјалци се прогласени за мртви
Двајца припадници на елитни американски морнарички фоки кои исчезнаа во Аденскиот залив претходно овој месец не се лоцирани и нивниот статус е променет во „мртов“, соопштија вчера американските воени претставници.
Тие биле пријавени за исчезнати откако се качиле на ирански брод, соопшти американската централна команда на платформата „Икс“.
Двајца американски специјалци исчезнаа на море додека вршеа операции во близина на брегот на Сомалија, соопшти американската војска на 12 јануари, додавајќи дека во тек се операции за пребарување и спасување за нивно лоцирање.
USCENTCOM Seizes Iranian Advanced Conventional Weapons Bound for Houthis
On 11 January 2024, while conducting a flag verification, U.S. CENTCOM Navy forces conducted a night-time seizure of a dhow conducting illegal transport of advanced lethal aid from Iran to resupply Houthi… pic.twitter.com/yg4PuTZBh7
— U.S. Central Command (@CENTCOM) January 16, 2024
Американската војска минатата недела на социјалните мрежи објави дека во операциите спроведени една недела претходно, запленила оружје што Иран им го испраќал на јеменските исламистички бунтовници, Хутите, кои напаѓаат трговски бродови во Црвеното Море од почетокот на војната во Израел.
Командата на американската војска за Блискиот Исток објави дека анализата на оружјето запленето од брод во близина на брегот на Сомалија покажа дека Хутите користеле ист тип на оружје во нивните напади во Црвеното Море.
Запленувањето се случи на 11 јануари во близина на брегот на Сомалија – истиот ден кога беа првите американско-британски воздушни напади врз воени цели на Хутите. Меѓу предметите пронајдени на бродот имало и компоненти на крстаречки и балистички ракети, како и делови од опрема за противвоздушна одбрана.
CENTCOM Status Update on Missing U.S. Navy Seals
We regret to announce that after a 10-day exhaustive search, our two missing U.S. Navy SEALs have not been located and their status has been changed to deceased. The search and rescue operation for the two Navy SEALs reported… pic.twitter.com/OAMbn1mwK8
— U.S. Central Command (@CENTCOM) January 21, 2024
„Ова е прво заплена на смртоносно напредно конвенционално оружје доставено од Иран до Хутите од почетокот на нападите врз трговските бродови во ноември 2023 година“, се вели во соопштението на американската Централна команда.
Двајца елитни специјалци исчезнаа во акција
Пресретнувањето и упадот на бродот го извршиле припадници на елитната единица „Нејви Сил“, чии двајца членови исчезнале за време на операцијата. Едниот бил однесен во морето од високите бранови, а другиот скокнал по него за да го спаси. Двајцата сега се прогласени за мртви по долга потрага.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.