Свет
„Ербас“ со 179 патници за малку ќе се судрeл со друг авион
Поради грешка на персоналот на контролата на летање на францускиот аеродром во Бордо, за малку ќе се судреле два авиони, „Ербас 320“ на EasyJet и Robin DR400 на засега непозната компанија, но за среќа била избегната трагедија.
Случајот што се случи на 29 декември го истражува Француската агенција за воздушен транспорт, која го опиша инцидентот како опасен, особено имајќи го предвид фактот дека во Ербасот на авиокомпанијата EasyJet, кој доаѓал од Гетвик, имало 179 патници.
Како што пишува „Мирор онлајн“ вработениот во контролата на летање најверојатно по грешка одобрил слетување на авионот EasyJet, иако во тој момент Robin DR400 се подготвувал за полетување, а двата авиони се разминале за само 55 метри.
Иако сè уште не е целосно јасно што всушност се случило, се чини дека проблемот бил предизвикан од недостаток на персонал и дека шефот на ноќната смена го намалил бројот на контролори на само три наместо на шест.
„Сообраќајот беше доста густ, а контролорот на летање го одобри слетувањето на EasyJet бидејќи заборави дека другиот авион требаше да полета. За среќа, пилотот Робин сфатил што се случува и го известил контролорот дека направил грешка“, пренесува „Мирор„. Податоците од истрагата покажуваат дека несреќата на крајот била избегната благодарение на персоналот на EasyJet кој успеал да го спречи слетувањето и да го прелета авионот на пистата, пропуштајќи го за околу педесетина метри.
EasyJet соопшти дека истрагата покажува дека контролата на летање била виновна за инцидентот и дека нивниот пилот цело време ги почитувал правилата.
„Безбедноста на патниците и нашиот персонал е секогаш наш прв приоритет и ќе продолжиме да соработуваме со истражните органи“, велат тие.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Египет врачи протестна нота поради операцијата на Израел во Рафа
Египет врачи протестна нота до Израел, САД и европските влади, тврдејќи дека операцијата на Израел во Рафа го загрозува нивниот мировен договор, изјави за АП висок египетски функционер кој сакаше да остане анонимен.
Израелската армија (ИДФ) вчера ги повика палестинските цивили да евакуираат неколку населби од Рафа, поради операцијата насочена кон милитантната група Хамас, пишува „Д тајмс оф Израел“.
„Волстрит журнал“ во февруари објави дека египетските власти тврделе дека долгогодишниот мировен договор меѓу Египет и Израел може да биде загрозен доколку војниците на ИДФ влезат во Рафа или ако бегалците од тој град бидат принудени да се упатат на југ кон египетскиот Синајски Полуостров.
За да спречи голем прилив на бегалци, Египет постави тенкови на границата со Газа.
Свет
Ердоган: И Хитлер по позавидел на методите на Нетанјаху
Турскиот претседател Реџеп Таип Ердоган изјави денеска дека израелскиот премиер Бенјамин Нетанјаху достигнал ниво со геноцидни методи што дури и Хитлер би го направил љубоморен.
„Дали е можно да се набљудува што им прави Израел на луѓето во Газа со месеци и да се види дека е легитимно Израел да бомбардира болници, да убива деца, да угнетува цивили и да ги осудува невините луѓе на глад, жед и недостаток на лекови под различни изговори ? Што правел Хитлер во минатото? Угнетуваше и убиваше луѓе во концентрациони логори“, изјави Ердоган во интервју за грчкиот весник „Катимерини“, пренесе „Анадолија“.
Тој праша „нели Газа беше претворена во затвор на отворено, не само по 7 октомври, туку и години пред тоа“.
„Зарем луѓето таму со години не беа осудени на ограничени ресурси, речиси како во концентрационен логор? Кој е одговорен за најбруталните и најсистематски масовни убиства во Газа од 7 октомври?“, праша Ердоган.
Тој додаде дека Нетанјаху достигнал ниво што би го направило Хитлер љубоморен на неговите геноцидни методи.
„Зборуваме за тоа Израел да таргетира амбулантни возила, да ги погоди местата за дистрибуција на храна и да отвори оган врз конвоите со помош“, рече тој.
Претседателот на Турција додаде дека се прекршени правата и слободите на жителите на Газа, особено нивното право на живот.
„Ги браниме нивните права. Ние го браниме мирот. Израел, од друга страна, продолжува несовесно да ги крши резолуциите на ОН, меѓународното право и човековите права“, нагласи тој.
Ердоган рече дека палестинскиот отпор нема да биде неопходен доколку постои „суверена, независна, географски интегрирана држава Палестина, во границите од 1967 година, со источен Ерусалим како главен град“.
„Хамас исто така најави дека, доколку тоа се случи, ќе го распушти своето вооружено крило и ќе продолжи да дејствува како политичка партија. Решението за две држави е ефикасен начин за обезбедување траен и одржлив мир“, рече Ердоган, додавајќи дека палестинската група се согласила на договор за прекин на огнот, но Израел не сака примирје бидејќи сака да ја окупира цела Газа.
Свет
Силен земјотрес во близина на брегот на Мексико
Земјотрес со јачина од 6,3 степени според Рихтеровата скала е регистриран денеска во близина на брегот на мексиканската држава Чијапас, соопшти германскиот истражувачки центар за геонауки (ГФЗ).
ГФЗ соопшти дека епицентарот на земјотресот бил на длабочина од околу 10 километри.