Свет
Ердоган до Путин: Конфликтот меѓу Русија и Украина треба да се реши со разговори што е можно поскоро
Анкара смета дека е важно да се реши конфликтот меѓу Русија и Украина преку разговори што е можно поскоро, изјави денеска турскиот претседател, Реџеп Таип Ердоган, за време на телефонскиот разговор со рускиот претседател Владимир Путин.
Претседателот Ердоган рече дека придава големо значење на напорите за што поскоро завршување на конфликтот меѓу Русија и Украина преку разговори, соопшти кабинетот на претседателот на Турција, пренесе ТАСС.
Анкара повеќепати излезе со идеја да посредува во преговорите меѓу Русија и Украина, наведува агенцијата, додавајќи дека Турција исто така била домаќин на разговорите меѓу руската и украинската делегација.
Во телефонскиот разговор со Путин, Ердоган рече дека ги разбира намерите на Русија да ги отстрани пречките поврзани со рускиот извоз на храна според договорот за жито, соопшти Кремљ.
Лидерот на Турција ја поздрави подготвеноста на Русија да ги продолжи договорите во Истанбул за извоз на украинско жито од пристаништата на Црното Море и да го деблокира извозот на руска храна и ѓубрива, се вели во соопштението на Кремљ по телефонскиот разговор.
Претходно денеска, кабинетот на Ердоган објави дека турскиот претседател му се заблагодарил на Путин за неговиот позитивен став за продолжување на иницијативата за жито во Црното Море.
Путин и Ердоган во телефонски разговор изразија задоволство од позитивниот тренд во билатералните трговски и економски односи, соопшти Кремљ.
Тие се фокусираа на итните прашања од руско-турското партнерство во различни области и изразија задоволство од позитивната динамика на трговско-економските односи, како и успешното спроведување на заедничките стратешки проекти во енергетскиот сектор.
Претседателот на Турција уште еднаш изрази искрена благодарност за помошта во справувањето со последиците од земјотресот во Турција, вклучително и неодамнешното распоредување на руската теренска болница во провинцијата Хатај.
Договорено е да се проучи и можноста за организирање на испорака на градежни материјали од Русија со цел обнова на уништената инфраструктура и станбени згради.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Утре ќе го вратам „Тик-ток“
Новоизбраниот претседател Доналд Трамп изјави дека утре, на неговиот прв ден на функцијата, ќе потпише извршна наредба со која ќе му се овозможи на „Тик-ток“ привремено да продолжи да работи во САД, истовремено сугерирајќи дека американската влада би можела да преземе делумна сопственост на социјалната мрежа.
Во објава на „Трут соушал“, неговата сопствена социјална мрежа, Трамп рече дека „нема да дозволи ‘Тик-ток’ да остане во темнина“ откако ќе ја преземе функцијата утре.
Апликацијата не е повеќе достапна за Американците поради законот за забрана кој беше усвоен минатата година.
„Во понеделник ќе потпишам извршна наредба за одложување на законската забрана за да можеме да направиме договор за заштита на нашата национална безбедност. Наредбата исто така ќе потврди дека нема да има одговорност за која било компанија што помогнала „Тик-ток“ да згасне пред мојата уредба. “, напиша Трамп во соопштението.
Трамп предложи дека САД би можеле да заземат „50 отсто сопственичка позиција“ во „Тик-ток“ како дел од заедничко вложување, сугерирајќи дека тоа би можело да значи соработка со матичната компанија „Бајт денс“.
„Со тоа го зачувуваме „Тик-ток“ во добри раце и му дозволуваме да го каже своето. Без одобрение од САД, не постои Тик-ток. Со наше одобрение, тој вреди стотици милијарди долари – можеби трилиони“, напиша Трамп.
Свет
(Видео) Предадени трите девојки што ги држеше Хамас во заложништво, фотографирани се во автомобил
Израел потврди дека ги презел трите девојки кои Хамас ги држеше во заложништво и веќе се на пат кон дома.
Црвениот крст кој првично ги презеде од Хамас соопшти дека се во добра состојба, изјави израелски претставник за Си-Ен-Ен.
„Состојбата на трите заложнички е добра по првичниот лекарски преглед“, се вели.
Хамас на првиот ден од примирјето ги ослободи Дорон Штајнбрехер, Емили Дамари и Роми Гонен кои беа грабнати на 7 октомври во 2023 година.
Hamas has just handed over the Three Hostages to the Red Cross. pic.twitter.com/4IyAtdrH0T
— OSINTdefender (@sentdefender) January 19, 2025
Hamas Security Forces are continuing to struggle, as they attempt to move the Crowd away from the Path of the Red Cross Convoy, now containing the Three Hostages. pic.twitter.com/HuEQags2Xo
— OSINTdefender (@sentdefender) January 19, 2025
Дорон Штајнбрехер (31), ветеринарна сестра, била во нејзиниот стан во Кибуц кога нападнал Хамас. Во 10:30 на 7 октомври, таа им испратила порака на пријателите: „Тие се тука, ме фатија“.
Емили Дамари (28), која има двојно британско-израелско државјанство, беше земена како заложник од Кибуц. Зборувајќи на комеморацијата во Лондон на 6 октомври 2024 година, нејзината мајка Менди рече дека заложниците ослободени минатиот ноември и кажале дека имале контакт со Емили за време на нејзиното заробеништво.
Роми Гонен (24) била фатен додека се обидувала да побегне од фестивалот Супернова. Нејзината мајка, Мерав Лешем Гонен, се обрати пред Советот за човекови права на ОН во јуни, апелирајќи за меѓународна помош за ослободување на заложниците.
Нивните семејства во исчекување го следат нивното враќање дома.
The mothers of Doron, Romi, and Emily watching their daughters return to Israel: pic.twitter.com/n9jQsNDWGd
— Israel War Room (@IsraelWarRoom) January 19, 2025
(Обновено)
Свет
Првите камиони со хуманитарна помош влегоа во Појасот Газа
Камионите за прва помош денеска пристигнаа во Појасот Газа, по стапувањето во сила на договорот за прекин на огнот меѓу Израел и Хамас, соопштија локалните безбедносни сили.
Светската програма за храна на ОН објави дека помошта пристигнала во Појасот Газа преку преминот Керем Шалом на југ и Зиким на север. Според арапските медиуми, речиси 200 камиони се на пат кон палестинска територија.
Хуманитарната ситуација во Газа веќе беше лоша пред почетокот на војната во октомври 2023 година, по нападот на Хамас врз Израел. Оттогаш драстично се влоши.
Според ОН, повеќе од 90 отсто од приближно 2 милиони жители на Појасот Газа се соочуваат со силен глад. Покрај тоа, недостигаат и вода за пиење, засолништа и лекови.
Агенцијата на Обединетите нации за помош и работа за палестинските бегалци (УНРВА) подготви 4.000 камиони со помош за Појасот Газа. Половина се полни со храна и брашно.
Договорот за прекин на огнот меѓу Израел и Хамас во Газа денес стапи во сила.