Свет
Ердоган ќе се сретне со Путин
Кремљ објави дека рускиот претседател Владимир Путин в понеделник во Сочи ќе го прими турскиот колега Реџеп Таип Ердоган со кого се очекува да разговара за обновување на договорот за извоз на украинско жито преку Црното Море.
Преговорите ќе се одржат в понеделник во Сочи во средината на денот, изјави за новинарите портпаролот на Кремљ, Дмитриј Песков, без да навлегува во детали за темите што ќе се разговараат на состанокот. Тоа ќе биде ретка посета на Русија на лидер на Г20 од почетокот на руската инвазија на Украина во февруари 2022 година по посетата на кинескиот претседател Шји Џјинпинг на Москва во март.
Веста дојде откога Украина објави дека дозволила два товарни брода да пловат преку Црното Море преку коридорот што го одреди и покрај ризикот од руска одмазда по истекот на договорот за извоз на жито.
Договорот за жито, од кој Москва се повлече во средината на јули и кој овозможи извоз на украинско жито преку Црното Море од летото 2022 година, ќе биде на дневен ред на состанокот, објави Анкара.
Турција се обидува да го обнови тој договор со надеж дека тоа ќе овозможи пошироки мировни преговори меѓу Украина и Русија.
Турскиот министер за надворешни работи, Хакан Фидан, при вчерашната посета на Москва рече дека е клучно договорот да се обнови, а неговиот руски колега Сергеј Лавров повтори дека Русија бара гаранции од Западот.
Во меѓувреме, Украина извезува жито по копно и преку речно пристаниште, така што количината жито што може да ја извезе е значително помала. На тоа треба да се додадат и многуте руски напади врз пристанишната инфраструктура на југот на земјата. Освен споменатите два товарни брода, два брода изминатите денови успеаја да се пробијат од украинските пристаништа до турските води, без Русија воено да реагира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Дали Зеленски ќе го исполни барањето на Трамп: Се разгледува одржувањето на претседателски избори
Првиот заменик-претседател на украинскиот парламент, Олександр Корниенко, го објави почетокот на работата на работната група која ќе се занимава со прашањето за организирање претседателски избори во Украина.
Според него, првиот состанок ќе се одржи веќе оваа недела, каде што ќе се разгледаат можностите за спроведување избори во воени услови, иако Уставот на Украина забранува избори за време на вонредната состојба воведена по руската агресија.
Иако претседателот Володимир Зеленски претходно ја отфрли таквата можност поради уставни пречки, раселени граѓани и окупирани територии, притисоците од Русија и САД, вклучително и барањата од Доналд Трамп, сега укажуваат дека Киев сè уште би можел да разгледа чекори кон одржување избори дури и пред формалниот крај на војната.
фото/депозитфотос
Свет
(Видео) Маскиран маж ја прекина божиќната миса во катедрала во Келн
Илјадници верници се собраа на Бадник во Келнската катедрала за да ја прослават божиќната миса, но празничната атмосфера одеднаш беше нарушена од бизарен испад на маскиран маж. Инцидентот ги шокираше присутните и брзо стана тема на социјалните мрежи, пишува германскиот „Билд“.
Како што потврди полицијата за „Билд“, маж облечен во црна наметка искочи од толпата, со впечатлива златна маска на лицето и плишани уши на главата. Тој изведе краток танц пред олтарот. Чуварите на катедралата, таканаречените Домшвајцери, веднаш се качија на сцената и го испратија надвор од црквата без отпор.
Ein Mann mit goldener Maske hat die Christvesper im Kölner Dom gestört, die Hintergründe des Vorfalls sind unklar. Eltern berichten von eingeschüchterten Kindern. Die Zahl antichristlicher Vorfälle und Straftaten ist zuletzt deutlich gestiegen.https://t.co/cHjcHXaf3a pic.twitter.com/vSOVKsQMJf
— Apollo News (@apollo_news_de) December 25, 2025
Не беше потребна полициска интервенција, никој не беше повреден, а видео од вратарите како го водат човекот наскоро беше објавено на Инстаграм. Иако мисата продолжи, публиката беше шокирана. Инцидентот предизвика и лавина од негативни коментари на интернет, при што многумина го осудија настапот како чин на непочитување.
„Моите деца беа навистина исплашени за момент“, коментираше еден маж. „Воопшто не ми е смешно. Почитта е на прво место“, рече друг. „Без оглед на религијата… Ако сте во црква, однесувајте се соодветно“, заклучи трет.
Во моментов не е јасно што стои зад овој инцидент на Бадник и дали станува збор за некаква провокација или за валкана шега. Според информациите од полицијата во Келн, сè уште не се поднесени кривични пријави против злосторниците.
Свет
Портокалово ниво на метеоролошка тревога поради силна бура во Франција
Француските департмани Горна Корзика, Источни Пиринеи и Од се преместени на портокалово ниво на метеоролошка тревога поради силната бура што се очекува до сабота, 27 декември, објави денес „Метео Франс“.
Горна Корзика и Источните Пиринеи се ставени под предупредување поради обилни врнежи од дожд и ризик од поплави, додека во департманот Од, како и во Источните Пиринеи, се очекува зголемување на нивото на водата во реките, јавува телевизијата BFM.
„Метео Франс“ наведува дека предупредувањето за поплава е издадено како превентивна мерка, со проценка дека поради обилни дождови, водотеците би можеле да се излеат, особено на југот на Франција, во областа Русијон.
Кога станува збор за количината на врнежи, до сабота напладне се очекува помеѓу 150 и 200 литри дожд на квадратен метар, што одговара на количината на врнежи за два до три месеци, објаснува телевизијата BFM.
На Горна Корзика прогнозата е помеѓу 80 и 120, локално до 150 литри на квадратен метар, пренесува Танјуг.
Фото: депозитфотос

