Свет
Ерменија предупреди дека судирот со Азербејџан може да стане втора Сирија
Ерменскиот претседател Армен Саркисјан предупредува дека конфликтот меѓу Ерменија и Азербејџан во регионот Нагорно-Карабах може да стане втора Сирија ако меѓународната заедница не преземе нешто.
„Замислете Кавказ да стане втора Сирија? Меѓународната заедница треба да сфати дека ако не се вмеша сега, тогаш Кавказ ќе стане уште еден огромен проблем?“, изјави Саркисијан во интервју за Си-ен-би-си.
Саркисјан ја критикува активната поддршка на Турција за Азербејџан во конфликтот истакнувајќи дека Турците имаат проблеми насекаде околу себе: во Средоземното Море, Грција, Либија и во Ирак.
„Тие создаваат проблеми насекаде“, рече тој.
Си-ен-би-си објави дека многу Ерменци веруваат оти поддршката на Турција за Азербејџан е делумно мотивирана од долготрајното непријателство поврзано со геноцидот врз Ерменците на Отоманската Империја пред еден век – настан што современата турска влада упорно одбива да го признае.
Саркисјан рече дека загриженоста на Турција за потенцијална штета на виталниот гасовод што поминува низ Азербејџан е апсолутна глупост. Тој рече дека ако Ерменија сакала да пука во гасоводот, тоа ќе го сторела пред 20 години, а не сега.
„Блумберг њуз“ посочи дека нафтените пазари се релативно опуштени во врска со безбедноста на азербејџанскиот гасовод во моментот, можеби затоа што глобалната побарувачка за енергија е намалена поради коронавирусот, а алтернативните извори се обилни.
Таа пресметка може да се промени кога гасоводот следниот месец ќе почне со испорака на гас во Италија и Грција – и повторно да се смени ако производството на нафта во Либија се зголеми доволно за да го направи азербејџанскиот гасовод помалку клучен за сите страни, освен за Азербејџан.
„Иако близината на гасоводите до границата ги става под потенцијален ризик, Ерменија не ги нападна линиите при претходните ескалации на конфликтот меѓу двете земји, кој тлее речиси 30 години“, забележа „Блумберг“ посочувајќи ја истата поента како Саркисијан.
Гасоводот е во голема мера под земја и е доволно цврст за без поголеми нарушувања да им одолее на неколку епизоди злоба во конфликтите што ги вклууваат Грузија, Русија, Турција и противниците на Турција од курдската сепаратистичка група ПКК.
И Азербејџан и Ерменија вчера ги одбија повиците за прекин на огнот, исто како и Турција. Последниот повик за ставање крај на воените дејства се појави во заедничката изјава на американскиот претседател Доналд Трамп, францускиот претседател Емануел Макрон и рускиот претседател Владимир Путин. Турскиот претседател, Реџеп Таип Ердоган, одговори дека прекинот на огнот ќе биде можен само ако ерменските сили се повлечат од азербејџанска територија.
„Со оглед на тоа што САД, Русија и Франција го запоставија овој проблем речиси 30 години, неприфатливо е тие да бидат вклучени во барањето за прекин на огнот“, рече Ердоган.
Нагорно-Карабах е област во границите на Азербејџан со мнозинско ерменско население. Ерменија гледа на сепаратистите во покраината како борци за слобода, кои три децении се борат против доминацијата на Азербејџан, а Азербејџан и Турција сметаат дека ерменските сили се напаѓачи кои нелегално ја окупираат азербејџанската територија.
Во говорот во чест на Денот на независноста на Артсак на 2 септември, Саркисијн ја опиша спорната област како неопходна за целосно составување на ерменската нација по отоманскиот геноцид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Јамајка се подготвува за најлошиот ураган во историјата
Три лица веќе загинаа на Јамајка, додека островот се подготвува за најсилната бура во светот оваа година, а можеби и најсилната досега регистрирана на островот. Американските метеоролози предупредуваат на „катастрофални и опасни по живот“ услови.
Со ветрови до 282 км/ч, ураганот Мелиса е бура од категорија 5 (највисоката можна). Се засилува дополнително и се очекува да го погоди карипскиот остров денес.
Најновите податоци од Националниот центар за урагани на САД (NHC) покажуваат дека, врз основа на максималната брзина на ветерот и нискиот централен притисок, Мелиса е најсилната бура во светот досега оваа година.
Incredible footage from inside the eye of Category 5 Hurricane Melissa. Filmed during a reconnaissance flight by the US Air Force’s 53rd Weather Reconnaissance Squadron, the video reveals the sharply defined eyewall and the deceptive calm at the storm’s center; conditions that… pic.twitter.com/WCevRvU8wG
— AviatorsMaldives (@AviatorsMaldive) October 28, 2025
Со својата моментална сила, тоа би бил најсилниот ураган што ја погодил Јамајка откако започнале официјалните мерења во 1851 година, објави Си-би-ес.
Тројца мртви на Јамајка
Иако ураганот сè уште не стигнал до копното, три лица веќе загинаа, а 13 се повредени, изјави јамајканскиот министер за здравство Кристофер Тафтон.
Луѓето загинаа додека сечеле дрвја, додека другите беа повредени главно при паѓање од скали и покриви.
Тафтон ги повика жителите на Јамајка да бидат внимателни додека се подготвуваат. Тој исто така рече дека треба да се осигурат дека имаат доволно залихи од вода за пиење и нерасиплива храна.
Владата, исто така, соопшти дека околу 50.000 луѓе останале без електрична енергија додека се приближувал ураганот, претежно во западниот дел од земјата.
Премиерот на Јамајка: Се молам
„На колена се молам“, изјави за медиумите јамајканскиот премиер Ендру Холнес, додавајќи дека бил во контакт со светските лидери. „Се чини дека целиот свет се моли за Јамајка“, рече тој.
Во остро предупредување до жителите, Холнес рече дека „во регионот нема инфраструктура што може да издржи ураган од категорија 5“.
фото: принтскрин
Европа
Русија: Украина ја напаѓа Москва со беспилотни летала втора ноќ по ред
Украина ја нападна Москва со беспилотни летала втора ноќ по ред, соопштија денес руското Министерство за одбрана и градоначалникот на Москва, Сергеј Собјанин.
Руското Министерство за одбрана во соопштението извести дека нејзината воздушна одбрана уништила 17 украински беспилотни летала во текот на ноќта, вклучувајќи едно што летало кон Москва и 13 над регионот Калуга, кој се граничи со Московската област на североисток.
Градоначалникот на Москва изјави на Телеграм дека службите за итни случаи се испратени на местото на соборувањето на беспилотното летало што летало кон Москва.
Moscow is getting absolutely hammered by Ukrainian UAV’s and Jet Drones tonight.
Ukraine are bringing the Russians to their knees with its main target, their ability to produce or refine oil, to make money or to power its city.
Expect blackouts in Moscow regions over Winter. pic.twitter.com/bL2yErezqV
— Bricktop_NAFO (@Bricktop_NAFO) October 28, 2025
Нема извештаи за штети, но Русија ретко открива целосен обем на ефектите од украинските напади на нејзина територија, освен ако не се погодени цивили или цивилни објекти.
Руските единици за воздушна одбрана ги уништија преостанатите три беспилотни летала над регионот Брјанск, кој се граничи со Украина на запад, и Калуга на североисток.
Александар Богомаз, гувернерот на регионот Брјанск, објави на Телеграм дека еден цивил е хоспитализиран како резултат на нападот.
Kremlin Moscow.
They said Kyiv in 3 days. pic.twitter.com/0bBux8Tr57
— WarMonitor🇺🇦🇬🇧 (@WarMonitor3) October 26, 2025
Двете страни негираат дека таргетирале цивили, но илјадници загинаа во војната, од кои огромното мнозинство се Украинци.
Русија вчера објави дека соборила 34 украински беспилотни летала што ја таргетирале Москва.
фото: принтскрин
Свет
Трамп ќе потпише договор со јапонската премиерка за трговија и клучни минерали
Јапонската премиерка Санае Такаичи и американскиот претседател Доналд Трамп влегоа во завршна фаза од изготвувањето на договор за обезбедување на ретки земни метали и други клучни минерали и зајакнување на синџирите на снабдување, објави денес весникот „Асахи“.
Договорот, кој двајцата лидери планираат да го потпишат на состанок подоцна денес, има за цел да ги реши загриженостите за економската безбедност откако Кина ги заостри контролите за извоз на ретки земни метали во октомври, кои се неопходни за производство на производи, од паметни телефони до борбени авиони, објави весникот, повикувајќи се на јапонски владини претставници.
Белата куќа првично планираше да воведе дополнителна царина од 100 проценти на кинескиот извоз како одговор на доминацијата на Кина во глобалното производство. Но, Вашингтон и Пекинг подготвија рамковен договор завчера што би можел да го запре зголемувањето на американските царини и кинеските ограничувања за извоз на критични минерали.
Трамп веќе обезбеди ветување од Токио за инвестиции од 550 милијарди долари во замена за намалување на високите царини за увоз. Новоизбраната јапонска премиерка Санае Такаичи се надева дека денес дополнително ќе го импресионира Трамп со ветувања за купување американски камиони, соја и гас и објавување договор за бродоградба, изјавија извори запознаени со плановите за Ројтерс.
Јапонската лидерка, исто така, планира да го номинира Трамп за Нобелова награда за мир и презема чекори за формално да го извести за својата намера, објави телевизијата НТВ, повикувајќи се на неколку владини извори.
Тој треба да се сретне со кинескиот претседател Кси Џинпинг задутре пред самитот на Азиско-пацифичката економска соработка (АПЕК) во Јужна Кореја за да ги потврди условите на договорот.
фото: принтскрин

