Свет
Естонија со остри казни за истакнување проруски симболи на Денот на победата
Носењето советско знаме или кој било друг симбол што властите го сметаат за навредлив може скапо да ги чини Естонците на Денот на победата, предупреди полицијата во Естонија, пренесува „Постимес“.
Забранети се и сите собири, кои би можеле да се протолкуваат како поддршка за Русија и за нејзината т.н. специјална воена операција во Украина.
Потполковникот на Одделот за полиција и гранична заштита во префектурата Пихја, Елена Мирошниченко, посочи дека на луѓето им е дозволено да полагаат цвеќе на гробовите и на спомениците на хероите од Втората светска војна на 9 мај, но дека не треба да носат какви било симболи.
Таа ја потсети јавноста дека е строго забрането истакнување руски или советски знамиња, како и знамињата на руските републики во Донбас на сите собири, а забранети се и какви било знамиња или постери украсени со латинските букви Z и V, кои станаа неофицијални симболи на руската агресија.
Мирошниченко нагласи дека естонската полиција нема да се впушта во никакви дискусии со поединци за кои ќе се утврди дека ги прекршиле овие правила, а кои може да очекуваат глоба до 1.200 евра, па дури и затворска казна.
Таа исто така истакна дека естонските безбедносни сили внимателно ги следат активностите на социјалните мрежи пред Денот на победата и ги советуваше Естонците да размислат што испраќаат пред да споделат каква било честитка.
Кон крајот на минатиот месец, властите во Молдавија, уште една поранешна советска република, ја предупредија јавноста да не истакнува ленти од св. Ѓорѓија, кои во изминатите две децении станаа симбол на прославата на 9 мај во Русија.
Премиерот на Молдавија, Дорин Речеан, истакна дека ќе бидат казнети оние што ќе ја прекршат оваа забрана. Молдавскиот парламент го забрани и истакнувањето на латинските букви Z и V.
Според молдавските медиуми, повеќе од 300 луѓе биле казнети поради носење на лентата на свети Ѓорѓија минатата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Ројтерс“: Богатите земји ги зголемуваат трошоците за климатскиот договор на 300 милијарди долари
Европската унија, САД и другите богати земји на самитот за климатски промени COP29 одлучиле да ја зголемат глобалната финансиска цел на 300 милијарди долари годишно до 2035 година, изјавија извори за „Ројтерс“.
Промената доаѓа откако земјите во развој го оценија предлогот за договор од 250 милијарди долари, кој беше изготвен од претседателството на Азербејџан COP29 во петокот, како навредливо низок.
Пет извори запознаени со разговорите зад затворени врати изјавиле дека ЕУ прифатила поголема сума.
Два извори рекоа дека САД, Австралија и Британија исто така се согласиле.
Делегатите на конференцијата на ОН за климатски промени во Баку, Азербејџан, во саботата наутро чекаа нов предлог за глобален договор за финансирање на борбата против климатските промени, а преговорите траеја цела ноќ.
Не е јасно дали земјите во развој се веќе запознаени со ревидираните позиции на богатите земји.
Портпаролот на Европската комисија одби да ги коментира преговорите.
Делегацијата на САД на COP29 не одговори на барањето за коментар.
Свет
Потпретседателката на Филипините: Ако ме убијат мене, убијте го претседателот
Потпретседателката на Филипините, Сара Дутерте рече дека треба да се убие претседателот Фердинанд Маркос Џуниор, ако таа самата биде убиена, што ја натера канцеларијата на Маркос на „итна соодветна акција“.
Во драматична слика за продлабочувањето на јазот меѓу двете најмоќни политички семејства на оваа земја во Југоисточна Азија, Дутерте на прес-конференција рече дека разговарала со атентаторот и му наложила да ги убие Маркос, неговата сопруга и претседателот на филипинскиот парламент, ако таа самата била убиена.
„Реков не застанувај додека не ги убиеш, а потоа тој рече ‘да’“, изјави Дутерте.
Канцеларијата за претседателски комуникации одговори со соопштение во кое се вели: „Постапувајќи по јасната и недвосмислена изјава на потпретседателката дека таа ангажирала атентатор да го убие претседателот доколку успее наводниот заговор против неа, извршниот секретар ја проследи оваа активна закана до претседателската безбедносна команда за итна соодветна акција“.
„Секоја закана по животот на претседателот мора секогаш да се сфати сериозно, особено што оваа закана беше јавно откриена на јасен и несомнен начин“, се вели во соопштението за печатот.
Кабинетот на Дутерте не одговори веднаш на барањето за коментар на изјавата од претседателскиот кабинет.
„Оваа земја оди по ѓаволите бидејќи нè води личност која не знае да биде претседател и која е лажго“, рече таа на пресот.
Дутерте, ќерката на претходникот на Маркос, поднесе оставка од неговата влада во јуни, додека остана потпретседател, сигнализирајќи го колапсот на силната политичка алијанса што им помогна на неа и на Маркос, синот и истоименикот на покојниот авторитарен лидер, да обезбедат убедлива изборна победа во 2022 година.
Претседателот на парламентот Ромуалдез, братучед на Маркос, го намали буџетот на кабинетот на потпретседателот за речиси две третини.
Испадот на Дутерте е последен во низата зачудувачки индикации за раздор во врвот на филипинската политика.
Во октомври таа го обвини Маркос за неспособност и рече дека замислува да му ја отсече главата.
Двете семејства се во судир околу надворешната политика и смртоносната војна на поранешниот претседател Родриго Дутерте против дрогата.
На Филипините, потпретседателот се избира одвоено од претседателот и нема официјални должности. Многу потпретседатели беа ангажирани во општествениот развој, додека некои беа именувани на позиции во владата.
Свет
Зеленски: Украина работи на развој на нови видови воздушна одбрана
Украинскиот претседател Володимир Зеленски денеска изјави дека Украина работи на развој на нови видови воздушна одбрана за да се спротивстави на, како што рече, новите ризици откако Русија искористи нова ракета со среден дострел.
Зеленски во своето ноќно видео обраќање рече дека потегот на Русија бара сериозен одговор за да се спречи, како што наведе, рускиот претседател Владимир Путин да ја прошири војната и да ги почувствува вистинските последици од неговите постапки.
Путин во четвртокот рече дека Русија, како одговор на нападите на американските и британските ракети со долг дострел, истрела нова балистичка ракета со среден дострел „Орешник“ на украинска територија, на која современите системи немаат начин да се спротивстават.