Свет
ЕУ ѝ дава на Турција три милијарди евра за мигрантите
Лидерите на ЕУ се согласија да и обезбедат на Турција помош од близу три милијарди евра според договорот за мигрантите, изјави германската канцеларка Ангела Меркел, цитирана од турската приватна телевизија НТВ. Ова следи откако на Самитот на лидерите на Европската Унија (ЕУ), шефовите на државите и владите на земјите членки на ЕУ побараа од Европската комисија, без одлагање да го претстави официјалниот предлог во врска со финансирањето на Сиријците во Турција.
Агенцијата „Анадолија“ јави дека на самотот лидерите на ЕУ ги означиле подготовките за дијалог на високо ниво со Турција за прашањата од заеднички интерес, како миграциите, здравството, климата, борбата против тероризмот и регионалните прашања.
Безбедното и стабилно опкружување во Источен Медитеран, како и корисните односи со Турција со кои се продлабочува соработката, се од стратешко значење за ЕУ, се наведува во документот, а истовремено се поздравува намалувањето на тензиите во источниот дел на Медитеранот.
Истакнувајќи дека ЕУ е подготвена постепено да ја продлабочува соработката со Турција во многу подрачја од заеднички интереси, во Декларацијата стои дека челниците на ЕУ означиле почеток на техничките активности, со цел ажурирање на Царинската унија меѓу ЕУ и Турција.
Решавањето на кипарското прашање може да се постигне според моделот на федерација составена од две заедници и два региони, засновани на политичка еднаквост, и дека е упатен апел за спроведување на резолуциите на Советот на безбедност на ОН. Европскиот совет изрази жалење што разговорите за прашањето на Кипар во Женева, Швајцарија, не довеле до почеток на службени преговори, напоменувајќи дека ЕУ и понатаму ќе игра активна улога во пружањето поддршка на тој процес.
Во Декларацијата уште стои дека случувањата во врска со владеењето на правото и темелните човекови права во Турција се причина за загриженост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
САД ги укинаа санкциите за Додик
САД одлучија да ги укинат санкциите за неколку лица од Република Српска, што е поврзано со неофицијален договор меѓу Милорад Додик и новата американска администрација.
Санкциите беа укинати за Милорад Додик, Жељка Цвијановиќ, семејството Додик, нивните компании и многу други блиски соработници.
Во петок, 17 октомври, САД ги укинаа санкциите за четворица блиски соработници на Додик, кои првично беа ставени на црната листа за организирање и промовирање на неуставниот „Ден на РС“. Тие се Јелена Пајиќ Баштинац, Данијела Драгичевиќ, Горан Раковиќ и Дијана Миланковиќ.
Неофицијални извори тврдат дека укинувањето на санкциите е резултат на договор меѓу САД и Додик, според кој Додик морал да ја напушти функцијата претседател на РС по конечната пресуда и да назначи вршител на должноста претседател.
Откако Ана Тришиќ-Бабиќ беше избрана за вршител на должноста претседател на Република Српска, со што се исполни тој дел од договорот, Америка постепено ги укинува санкциите за другите соработници на Додик, а тој процес треба да биде завршен до крајот на овој месец.
Свет
„Тоа не е повлекување на САД од Европа“: Американската војска за намалување на силите
Повлекувањето на американската бригада од Романија не значи „повлекување“ од европскиот континент, објави денес американската армија.
„Ова не е повлекување на САД од Европа, ниту е знак за намалена посветеност на НАТО и Член 5, кој предвидува дека секоја од 32-те земји на Алијансата мора да ѝ помогне на земја-членка во случај на напад“, нагласи американската војска во соопштение од нејзиното европско седиште.
„Напротив, тоа е позитивен знак за зголемени капацитети и одговорности во Европа“, соопшти американската војска.
Армијата појасни дека Втората борбена пешадиска бригада на 101-та воздушно-десантна дивизија, со седиште во Романија, ќе се врати во своето седиште во Кентаки и нема да биде заменета.
Во соопштението не е наведено колку војници биле вклучени, но бригадата обично брои помеѓу 3.000 и 5.000.
Романските власти објавија дека 1.000 војници ќе останат стационирани по прераспоредувањето.
Фото: принтскрин
Свет
Специјалниот пратеник на Путин: Не сакаме конфликтот во Украина да ескалира во нешто поголемо
Специјалниот пратеник на рускиот претседател Владимир Путин, Кирил Дмитриев, на инвестициска конференција во Саудиска Арабија изјави дека војната во Украина би можела да заврши во рок од една година.
Дмитриев го изјави ова по состанокот со претставници на американската администрација во САД минатиот викенд.
„Сигурни сме дека сме на патот кон мир“
Неговата посета доаѓа по одлуката за одложување на самитот меѓу американскиот претседател Доналд Трамп и рускиот претседател Владимир Путин.
„Сигурни сме дека сме на патот кон мир и како миротворци мора да го оствариме тоа“, изјави Дмитриев, кој е и извршен директор на Рускиот фонд за директни инвестиции, на конференција во Ријад.
На прашањето дали мирот во Украина е можен во рок од една година, Дмитриев рече: „Верувам дека е“.
Дмитриев во САД рече дека САД и Русија се блиску до „дипломатско решение“ за војната.
Пофалби за соработката меѓу САД, Саудиска Арабија и Русија
Дмитриев ја пофали соработката меѓу САД, Саудиска Арабија и Русија како земји со најголеми резерви на природни ресурси во светот и рече дека таквата соработка ќе го направи светот побезбеден.
„Луѓето сега се фокусирани на регионалниот конфликт околу Русија, но не сакаме тој да ескалира во поголем конфликт. И за да се случи тоа, треба да направиме подобро отколку што правиме, а не полошо“, рече тој.

