Свет
Жена бара развод затоа што сопругот премногу ја сака и никогаш не се кара со неа

Муслиманка од Индија побарала развод од шеријатскиот суд затоа што нејзиниот сопруг премногу ја сака, пренесува „Одити централ“.
Неидентификувана жена од индискиот округ Самбал во сојузната држава Утар Прадеш се обратила до шеријатскиот суд за да побара развод од нејзиниот сопруг со кого е во брак 18 месеци.
На прашањето да го објасни своето барање, жената рекла дека нејзиниот сопруг ја сака премногу и никогаш не се скарал со неа и таа не може да го прифати тоа. Исто така нејзиниот сопруг готвел и чистел и и помагал во разни домашни работи. Обраќајќи му се на судот, таа рекла дека и е доста и побарала од судот да стави крај на нејзиниот брак.
„Не ми вика и никогаш не ме налутил. Дури ми готви и ми помага во домашните работи“, рекла незадоволната жена. „Кога и да погрешам, тој секогаш ми простува. Сакав да се расправам со него. Не ми треба живот во кој сопругот се согласува со мене за сè.“
‘My husband doesn’t fight with me, I am fed up’, UP woman approaches Sharia court seeking divorce.https://t.co/tLN4Pv6NYG
— TIMES NOW (@TimesNow) August 21, 2020
Откако ја ислушале, збунетите свештеници од шеријатскиот суд веднаш го одбиле нејзиното барање, кое тие го опишале како несериозно, и побарале од двојката да ги реши своите несогласувања самостојно. Но, жената не застанала тука. Откако нејзиното барање за развод било одбиено, таа им се обратила на членовите на локалниот совет, но тие исто така одбиле да се мешаат во нејзиниот брак.
Според локалните медиуми, сопругот на жената изјавил дека не сторил ништо лошо, туку само сакал да биде совршен сопруг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Најмалку 25 лица загинаа во текот на ноќта во нови напади на израелската армија врз Појасот Газа

Најмалку 25 лица загинаа во текот на ноќта во нови напади на израелската армија врз Појасот Газа, во време кога мировните преговори се во застој.
Според здравствени извори, голем дел од жртвите се убиени додека чекале хуманитарна помош во близина на граничниот премин Зиким со Израел. Меѓу загинатите има и четири лица од иста семејна зграда во градот Газа.
Организацијата на Обединетите нации предупреди на ризик од масовна глад во енклавата, и покрај тврдењата на Израел дека не ги блокира доставите на помош. Според ОН, големиот дел од помошта не може да стигне до населението поради воени блокади и грабежи.
Преговорите за прекин на огнот меѓу Израел и Хамас се прекинати, откако американските и израелските преговарачи се повлекоа од Катар. Израелскиот премиер Бенјамин Нетанјаху најави дека се разгледуваат „алтернативни опции“, додека Хамас смета дека повлекувањето било тактика на притисок.
Свет
Поради пожарите во Турција евакуирани се над 2.600 лица

Турската Дирекција за управување со вонредни ситуации (АФАД) евакуираше 2.619 лица откако оваа недела Турција се соочи со серија интензивни шумски пожари во повеќе провинции, јави весникот „Дејли сабах“.
Пожарите, поттикнати од екстремно високи температури, силен ветер и сушно време, мобилизираа илјадници спасувачи и доброволци кои учествуваат во гаснењето на огнот. Екипите се активни од воздух и копно, а според АФАД, ангажирани се 4.231 лице, 45 летала и 1.236 копнени возила.
Најтрагичниот инцидент се случи во средата, во руралниот дел на провинцијата Ескишехир, каде животот го загубија десет лица – пет шумски работници и пет припадници на организацијата АКУТ за пребарувачко-спасувачки операции, додека се бореле со огнената стихија.
Претседателот на Турција, Реџеп Тајип Ердоган, изјави во петокот дека во гаснењето учествуваат 27 авиони, 105 хеликоптери, 6.000 возила и 25.000 лица. Тој изрази сочувство до семејствата на загинатите.
Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.