Свет
Жена го обвини Трамп за силување и клевета, Судот одлучи: Не може да се повика на имунитетот

Поранешниот американски претседател Доналд Трамп не може да се повика на претседателски имунитет кога е тужен за клевета од колумнистката и писателка Е.Џин Керол, која го обвини за силување, пресуди денеска американскиот Апелационен суд, што е уште еден неуспех за него во судскиот спор што го започна Керол. Адвокатите на Трамп најавија дека ќе се жалат до Врховниот суд.
Американскиот втор окружен апелационен суд во Менхетен ја потврди одлуката на федералниот судија да го отфрли оспорувањето на имунитетот на Трамп. Во својата тужба, Керол побара од Трамп најмалку 10 милиони долари отштета за неговата изјава во јуни 2019 година, додека тој сè уште беше претседател, откако таа прво јавно го обвини дека ја силувал во соблекувалната на стоковна куќа на Менхетен во средината на 1990-тите.
Трамп негираше дека ја познава Керол и рече дека таа „не е негов тип“ и дека тврдењето за силување го измислила за да го промовира објавувањето на нејзините мемоари. Поранешната колумнистка на магазинот „Ел“ ја поднесе тужбата во ноември 2019 година, но Трамп чекаше до декември 2022 година за да се повика на претседателскиот имунитет, верувајќи дека тоа ќе го заштити од нејзината тужба.
Претседателот има целосен имунитет од бројни граѓански тужби додека е на функција. Во јуни, американскиот окружен судија Луис Каплан го отфрли обидот на Трамп да го отфрли случајот Керол, а подоцна одби да му дозволи да го користи претседателскиот имунитет за да се брани, објаснувајќи дека е предоцна да се повика на имунитет.
„Трамп сексуално ја нападнал новинарката Е. Џин Керол во 1990-тите, а потоа ја наклеветил нарекувајќи ја лажго“, одлучија поротниците во мај оваа година, нанесувајќи му судски удар на поранешниот претседател додека тој се бори повторно да влезе во Белата куќа во 2024. Жалбата на Трамп потоа беше разгледана по забрзана постапка, пред судењето закажано за 16 јануари 2024 година.
Така, Керол веќе доби еден граѓански процес против Трамп. Во мај, поротата во втората тужба одлучи дека Трамп мора да и плати на Керол пет милиони долари отштета за сексуален напад и клевета. Иако се соочува со четири федерални и државни кривични обвиненија, Трамп е фаворит за републиканската номинација за претседателските избори во 2024. Во сите случаи, тој изјави дека се чувствува невин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Британија: Путин изгубил 16 генерали на бојното поле од почетокот на војната

Рускиот претседател Владимир Путин изгубил 16 генерали на бојното поле од почетокот на војната против Украина, според британското Министерство за одбрана, пишува HuffPost.
Британското Министерство за одбрана (МО) вели, како што пренесува медиумот, дека оваа загуба сериозно го нарушила синџирот на команда и контрола во некои делови од руската војска.
Во извештај на социјалната мрежа X, објавен за време на викендот, МО истакнува дека двајца високи генерали биле убиени во 2025 година, а вкупно пет во последните 12 месеци.
„Загубата на толку многу високи офицери веројатно го нарушила синџирот на команда и контрола во делови од руските вооружени сили. Ова веројатно придонело за тактичките и оперативните тешкотии на Русија за време на конфликтот“, вели МО.
Најновата жртва е генерал-мајорот Михаил Гудков, кој почина по украинскиот напад врз руска командна позиција на 2 јули во регионот Курск во западна Русија.
Според Министерството за одбрана, Гудков веројатно ги предводел обидите на поморските пешадиски единици да воспостават тампон зона во украинскиот Сумски регион. Напредокот на Русија во регионот е забавен од украинските контранапади и значителните руски загуби.
Министерството за одбрана претходно објави дека бројот на руски воени жртви надминал еден милион од почетокот на инвазијата во февруари 2022 година.
Свет
Медведев за Фон дер Лајен: Се чини дека злобната старица – гинеколог им здосади на сите

Претседателката на Европската комисија, Урсула фон дер Лајен, најверојатно ќе остане на функцијата, иако непријатен впечаток остави приказната за набавката на вакцината „Фајзер“ за време на пандемијата, според заменик-претседателот на Советот за безбедност на Русија, Дмитриј Медведев.
„Се чини дека злобната старица – гинеколог им здосади на сите. Покрај тоа, беше откриено дека си ги извалкала рацете и учествувала во манипулации со набавката на вакцините на „Фајзер“ за време на пандемијата“, изјави Медведев.
„Не е познато што, и во какви количини добила, секако остави непријатен впечаток. Ова започна непријатен процес за неа. Уште оваа недела, за судбината на Урсула ќе одлучува бесмислениот и немилосрден Европски парламент. Ситуацијата е нејасна. Многу е веројатно дека оваа токсична жена сепак ќе ја задржи својата позиција“, напиша тој на својот Телеграм канал.
Во понеделникот, Европскиот парламент на својата седница во Стразбур ќе разгледа гласање за недоверба на претседателката на Европската комисија поради сериозни неправилности во набавката на вакцини за време на пандемијата на коронавирусот, пренесуваат медиумите.
Регион
Силен земјотрес во близина на Крит: ги вознемири жителите на островот

Силен земјотрес денес го погоди подрачјето во близина на брегот на Крит.
Епицентарот на земјотресот се наоѓа 31 километар источно-североисточно од Закрос на овој остров, објавува грчкиот „Прототема“.
Земјотресот се случил во 20:46 часот по грчко време, а сеизмичкиот потрес имал јачина од 5 степени според Рихтеровата скала, според Геодинамичкиот институт.
Длабочината на која се наоѓал епицентарот на земјотресот била 7,8 километри, објавуваат медиумите.