Свет
Живот после напад
Жителите на Техеран денеска се занимаваа со секојдневните работи и покрај ноќните напади на израелската армија недалеку од иранската престолнина.
„Тоа не беше вистински напад“, рече Мусави, 57-годишен продавач на шафран во луксузна област во северен Техеран, пиејќи чај. Тој им кажа на новинарите за неговата 28-месечна служба во иранската армија за време на иранско-ирачката војна која траеше од 1980 до 1988 година.
„Не се плашиме од голема војна, но Иран во секој случај реагира“, вели Мусави.
Израел изврши серија прецизни напади врз воени цели, вклучително и капацитети за производство на ракети, ракетни системи земја-воздух и системи за противвоздушна одбрана, објави израелската армија.
Нападите се сметаат за реакција на иранскиот напад врз Израел на 1 октомври, кога врз еврејската држава беа истрелани речиси 200 балистички проектили.
Училиштата во Техеран денеска останаа отворени, а воздушниот сообраќај се одвива вообичаено. Иронично, иранската валута, ријалот, по неколкунеделен пад се зголеми во однос на еврото, пренесе „Индекс“.
Иранските државни медиуми тврдат дека израелските борбени авиони не успеале да навлезат во иранскиот воздушен простор и дека штетата била минимална.
Израел го послуша советот на Соединетите Држави да не го бомбардира иранскиот нафтен сектор или нуклеарните постројки, рече аналитичарот тесно поврзан со елитната иранска Исламска револуционерна гарда (ИРГЦ).
Тој додаде дека треба да се забележи дека иранскиот министер за надворешни работи Абас Арагчи претходно овој месец за време на турнејата низ земјите од Блискиот Исток изјави дека Иран не се стреми да ескалира конфликтот.
Сепак, конечната одлука нема да ја донесе владата, туку врховниот водач Али Хамнеи и ИРГЦ.
Иранското општество е навикнато на кризи и тешки економски околности. Многу жители на Техеран денеска, како и обично, вежбаат во градските паркови и покрај нападите. Некои слушнале за нив дури потоа.
„Воопшто не го забележав нападот синоќа“, рече 20-годишниот студент по архитектура, додавајќи дека не се плаши од „напад од Израел, бидејќи знае дека нивните цели се воени и не се насочени кон населението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Израел објави снимки од пилотите додека се подготвувале да го нападнат Иран
Израелската армија синоќа објави фотографии и видеа од нејзините воздушни сили кои се подготвуваат да го нападнат Иран.
هكذا أقلعت طائرات سلاح الجو لتنفيذ الضربات المحددة والموجهة بدقة ضد الأهداف العسكرية في إيران pic.twitter.com/B07Xgdwy4H
— افيخاي ادرعي (@AvichayAdraee) October 26, 2024
„Вака полетаа авионите на воздухопловните сили за да извршат прецизни и насочени напади врз воени цели во Иран“, рече портпаролот на ИДФ, Авичај Адраи во објавата на „Икс“.
شارك في الضربة الموجهة بدقة التي استهدفت أهدافًا عسكرية إيرانية الليلة الماضية خيرة أبنائنا وبناتنا في سلاح الجو وجيش الدفاع pic.twitter.com/6lDKpKKUZF
— افيخاي ادرعي (@AvichayAdraee) October 26, 2024
Израел објасни дека нападите се одмазда за „месечните континуирани напади“ на Иран, но и напади од милитантни групи поддржани од него.
Свет
ЕУ повикува на најголема воздржаност по нападот на Израел врз Иран
Европската унија денеска ги повика сите инволвирани страни да покажат најголема воздржаност за да се избегне неконтролирана ескалација на конфликтот на Блискиот Исток, откако Израел погоди цели во Иран.
„Опасната спирала на напади и одмазда создава ризик да предизвика ново продолжување на регионалниот конфликт“, објави Европската унија.
„Признавајќи го правото на Израел на самоодбрана, ЕУ ги повикува сите инволвирани страни да покажат најголема можна воздржаност со цел да се избегне ескалација надвор од контрола која не е во ничиј интерес.
Иран предупреди дека ќе се брани по последните израелски напади, чии цели, според Израел, биле ракетни фабрики и воени објекти во неколку ирански региони. Иран објави дека загинале двајца војници.
Израел предупреди дека Иран ќе плати „висока цена“ доколку одговори на тие напади, кои пак беа одговор на нападите на Иран врз Израел на 1. октомври.
Европската унија нагласи дека овие напади се случиле во контекст на „сериозни и растечки регионални тензии“.
„ЕУ останува целосно посветена на намалување на тензиите и придонесување за деескалација и, за таа цел, останува во близок контакт со сите релевантни актери“, се заклучува во соопштението.
Свет
Ердоган за израелскиот напад врз Иран: Сакаат да го запалат регионот, Западот им помага
Турскиот претседател, Реџеп Таип Ердоган, денеска ги коментираше одмаздничките напади на Израел врз Иран, јавува агенцијата „Анадолија“.
„Испраќам пораки на солидарност до нашиот сосед Иран, кој синоќа беше цел на израелска агресија“, рече Ердоган.
Турскиот лидер истакна дека „Ционистичката израелска влада, целосно разгалена од западните сили, се обидува да разгори регионален конфликт“.
„Клучно е да не паднеме во стапицата поставена од Израел и оние кои го поддржуваат. Пристапот на Израел на крајот ќе пропадне. Со овој начин на размислување Израел нема да постигне ништо“, рече Ердоган.