За време на заедничката прес-конференција во Белата куќа, американскиот претседател Доналд Трамп го прекина говорот на британскиот премиер Кир Стармер. Инцидентот се случи додека Стармер одговараше на прашање за заканите на Трамп да ја направи Канада 51-та американска држава.

Имено, Стармер бил прашан дали тој или кралот Чарлс III е загрижен за реториката на Трамп кон членката на Комонвелтот на крајот од посетата на Белата куќа која вклучуваше повеќе состаноци на теми како трговијата и војната во Украина. Британскиот лидер рече дека темата за Канада не била спомната за време на тие разговори и се обидел да го истакне историското пријателство меѓу Обединетото Кралство и САД.

„Ја спомнавте Канада. Мислам дека се обидувате да најдете јаз меѓу нас што не постои, ние сме меѓу најблиските нации и имавме одличен разговор денес…“. Трамп потоа нагло го прекина со зборовите „доста е, благодарам“ и повика друг новинар.

Starmer: “You mentioned Canada,I think you’re trying to find a divide that doesn’t exist.”

Trump: “That’s enough.”

Trump seems tense around democratic leaders but perfectly comfortable with Xi, Putin, and Orbán. We all know why
pic.twitter.com/fp7ciWlrHN

— Republicans against Trump (@RpsAgainstTrump) February 27, 2025

Како одговор на прозивките кон Трамп на социјалните мрежи, се јави еден од официјалните профили на Белата куќа. На профилот беше споделена снимка од далечен агол, на кое се гледа како американскиот лидер гледа во новинар додека го прекинува британскиот премиер.

President Trump cut off the reporter trying to goad the two leaders into division, you morons. https://t.co/ZZTicT10xY pic.twitter.com/LpvAVyglbz

— Rapid Response 47 (@RapidResponse47) February 27, 2025

„Претседателот Трамп го прекина новинарот кој сакаше да создаде јаз меѓу двајцата лидери“, напишаа тие.

Во описот на сметката се вели дека е создадена за да ја поддржи агендата на Трамп „Америка на прво место“ и „брзо да реагира“ на лажните вести.

Ватикан соопшти дека папата Франциско, кој две недели е хоспитализиран поради пневмонија, поминал уште една мирна ноќ и сега се одмара.

Папата беше примен во болница во Рим на 14 февруари поради бронхитис, потсетува Ројтерс. Во вчерашниот медицински извештај Ватикан наведе дека состојбата на папата продолжува да се подобрува, но дека прогнозата се уште е неизвесна поради сложената клиничка слика.

Папата во последните две години имаше неколку здравствени проблеми. Поради плеврит, односно воспаление на мембраната што ги опкружува белите дробови, што го развил како млад човек и операции на белите дробови, склони кон инфекции.

Ватикан изјави дека папата во саботата имал „продолжена респираторна криза слична на астма“, но дека немало повторени симптоми, пренесува Танјуг.

Двајца руски туристи загинаа откако беа однесени од силни струи додека нуркаа во водите јужно од Манила, при што се верува дека едниот се удавил, а другиот бил нападнат од ајкула, соопшти филипинската крајбрежна стража.

Уште двајца руски туристи успеаја безбедно да се вратат на нуркачки брод во близина на островот Верде, популарна дестинација за нуркање во провинцијата Батангас, изјави капетанот Ерланд Лапитан, командант на крајбрежната стража во таа провинција.

Четворица руски туристи тргнаа со брод кон водите околу островот Верде од блискиот град Пуерто Галера во провинцијата Ориентал Миндоро, придружувани од филипински инструктор за нуркање. За време на нуркањето, сите пет лица беа однесени од силни подводни струи, рече Лапитан.

Двајца Руси успеаја да излезат на површина заедно со нивниот инструктор, но другите двајца Илија Перегудин (29) и Максим Мелеков (39) се водат за исчезнати.

Инструкторот за нуркање и другите нуркачи во областа веднаш започнаа потрага заедно со филипинската крајбрежна стража. Околу еден час подоцна, Мелехов беше пронајден во несвест во морето и подоцна беше прогласен за мртов во болницата во Батангас, рече Лапитан.