Свет
Захарова: Притисокот на Западот на изборите во Русија беше очигледен

Според прес-секретарот на руското МНР, Марија Захарова, обидите на Западот да изврши притисок врз претседателските избори во Русија беа очигледни и без преседан, објави руската новинска агенција ТАСС.
„Се фокусиравме на полето за информации и сфативме дека притисокот на Западот врз нашите избори беше очигледен и без преседан“, рече Захарова.
Владимир Путин повторно победи на избоите во Русија, обезбедувајќи уште еден мандат на чело на државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Во Мјанмар се регистрирани 81 последователен потрес, од кои најсилниот бил со јачина од 7,5 степени

Според податоците на Министерството за метеорологија и хидрологија на Мјанмар, од разорниот земјотрес на 28 март до денес, во таа земја се регистрирани 81 последователен потрес, со јачина од 2,8 до 7,5 степени според Рихтеровата скала, јави Ксинхуа.
Тие потреси следеа по земјотресот со јачина од 7,7 степени што го погоди Мјанмар на 28 март во 12:51 часот. локално време.
Бројот на загинатите во земјотресот се искачи на 3.354, додека 4.850 лица се повредени, а 220 се водат како исчезнати, јавија утринава локалните медиуми.
Свет
Најмалку 47 лица повредени во судир на два туристички автобуси во Токио

Најмалку 47 лица, претежно странски државјани, се повредени денеска во судир на два туристички автобуси на автопатот во западниот дел на Токио.
Никој од повредените не е во животна опасност, а судирот се случил околу 10.15 часот во близина на влезот во тунелот Коботоке на автопатот, јави Кјодо.
Автобусите претходно тргнале од железничката станица во Токио и патувале до езерото Кавагучи во соседната префектура Јаманаши.
Според полицијата, автобусите кои биле под управа на истата компанија постојано забрзувале и намалувале поради гужвата на патот, а несреќата се случила кога возачот на последниот автобус не забележал дека првиот автобус закочил.
Свет
Јапонски борбени авиони го придружуваа летот на рускиот авион Ил-20 над јапонските острови

Јапонски борбени авиони го придружуваа летот на рускиот извидувачки авион Иљушин Ил-20 кој прелета над западниот брег на јапонските острови Хокаидо и Хоншу во Јапонското Море, по што се сврте кон копното, соопшти денеска јапонската војска.
Армијата вели дека тоа се случило во петокот, пренесе Интерфакс.
Се посочува дека биле ангажирани ловци на северните сили на јапонската воздушна одбрана, како и други борбени авиони, пренесува Танјуг.