Свет
За Австралија, приоритет се работните места во рударството, а не климатските цели на ОН
Конзервативната коалициска влада во Австралија ќе ги стави работни места и економијата пред сите барања на ОН да ги намали емисиите од стакленички гасови, рече министерот за финансии, Матијас Корман, во неделата, пренесува „Брејтбарт“.
Корман изјави дека владата на Австралија ќе работи на утврдување нови долгорочни планови за решавање на емисиите од стакленички гасови пред уште еден глобален самит за климата во Глазгов, но нема да спроведе какви било политики за нулта емисија што ќе им наштети на работниците во клучните економски области.
„Ако донесеме погрешни одлуки, не само што ќе ѝ наштетиме на австралиската економија, ќе им наштетиме и на австралиските работници и на глобалното опкружување“, рече Корман во интервјуто за „Скај њуз“.
„Наметнување на цел во Австралија што на крај само ги префрла емисиите во другите делови на светот каде што емисиите ќе бидат повисоки за истото ниво на економско производство не помага да се реши проблемот што сакаме да го решиме и само наметнува жртва врз луѓето овде, во Австралија, без никаква корист за животната средина.“
Ставот на владата е во спротивност со оној на левичарската опозициска Лабуристичка партија. Тие во петокот се обврзаа на нулта јаглеродни емисии до 2050 година истовремено признавајќи дека нема апсолутно никаква идеја колку ќе чини тоа или какво влијание ќе има врз економијата.
Лабуристите излегоа на гласање минатата година со цврста посветеност да ги намалат емисиите на стакленички гасови на нула, но беше заокружено поразен.
Спротивно на тоа, либералната/националната конзервативна коалиција влада на Скот Морисон ќе продолжи со напојување на речиси незаситената побарувачка на јаглен во светот, како и на друг енергетски производ, што се смета за неопходна за одржување на економски раст и стабилност на австралиските работници.
Австралиската индустрија за јаглен вработува повеќе од 50.000 работници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина очекува 150 авиони, Зеленски рече: „Ќе ја зајакнеме борбената авијација“
Украина очекува да добие 150 авиони „Грипен“ од Шведска, од кои првиот треба да пристигне следната година, изјави украинскиот претседател Володимир Зеленски.
– Заедно со Шведска, Украина значително ќе ја зголеми својата борбена авијација. Договорот со Шведска за борбените авиони „Грипен“ е историски чекор и е добар избор. Сметаме на 150 вакви авиони за Украина, а првите треба да пристигнат следната година – рече Зеленски во објава на Фејсбук, пренесува Укринформ.
Тој додаде дека авионите „Грипен“ се дел од безбедносните гаранции на Украина.
– Ваквите воени воздухопловни сили ќе можат сто проценти да го заштитат нашето небо. А толку голем договор за борбена авијација никогаш не е потпишан за Украина. Историско достигнување. Работиме на негово целосно спроведување – рече Зеленски.
Свет
Вештачката интелигенција помешала чипс со оружје, тешко вооружена полиција опколи ученик во САД
Систем за детекција на оружје базиран на вештачка интелигенција инсталиран во средно училиште во округот Балтимор погрешно идентификувал кеса со чипс како пиштол и ја известил полицијата, која потоа интервенирала со пиштол врз 16-годишен ученик. Таки Ален седел пред средното училиште Кенвуд по фудбалскиот тренинг јадејќи грицки кога се случил инцидентот, објавија американските медиуми.
Само дваесет минути подоцна, тој бил опкружен од осум полициски автомобили и неколку тешко вооружени полицајци. „На почетокот не знаев каде одат сè додека не почнаа да одат кон мене со оружје и да викаат: „’Легни на земја’, и бев во шок“, рече Ален.
„Ме натераа да клекнам, ги ставија рацете зад грб и ми ставија лисици. Ме претресоа и сфатија дека немам ништо“, додаде тој. „Само држев кеса Доритос со двете раце и еден прст испружен, а тие рекоа дека изгледа како пиштол“, објасни ученикот.
Овој инцидент ги истакнува очигледните недостатоци на сегашните системи за детекција на оружје што се имплементираат во училиштата низ САД. Таквиот софтвер, покрај генерирањето лажни позитиви, се покажа дека не е во состојба да спречи вистински трагедии, како што е смртоносната пукотница во средното училиште Антиох во Нешвил претходно оваа година.
Јавните училишта во округот Балтимор воведоа технологија од компанијата „Омнилерт“ со седиште во Вирџинија минатата година. Системот анализира снимки од 7.000 училишни камери и ја предупредува полицијата за потенцијално оружје во реално време.
„Бидејќи сликата многу личеше на пиштол, таа беше потврдена и проследена до безбедносниот тим на јавните училишта во округот Балтимор во рок од неколку секунди за нивна евалуација и одлука“, изјави портпаролот на „Омнилерт“, Блејк Мичел, за The Baltimore Banner.
„Дури и сега кога ја гледаме, со целосно знаење дека не е пиштол, сепак им изгледа како пиштол на повеќето луѓе“, призна тој.
Компанијата го нарече инцидентот „лажно позитивен“, но тврдеше дека системот „работел како што е предвидено: да се даде приоритет на безбедноста и свеста преку брза човечка верификација“.
Таки Ален, кој се плашел за својот живот во времето на интервенцијата, изјави за „Фокс“ дека никогаш не добил извинување од училиштето.
„Само ми кажаа дека тоа е протоколот“, рече тој. „Очекував барем некој да разговара со мене за тоа“.
Ова искуство оставило трага врз младиот ученик.
„Веќе не ми се излегува“, призна тој.
„Ако јадам уште една кесичка чипс или пијам нешто, чувствувам дека тоа ќе се случи повторно“. Семејството на Ален бара одговорност и поголем надзор врз употребата на таква технологија.
„Немаше закана што би оправдала осум пиштоли насочени кон 16-годишник“, рече неговиот дедо, Ламонт Дејвис.
Свет
Решение за војната е можно многу брзо, со три услови, рече специјалниот претставник на Кремљ во Вашингтон
Решение за војната во Украина може да се најде прилично брзо ако се решат три клучни прашања за Русија, изјави Кирил Дмитриев, специјален претставник на Кремљ и извршен директор на Рускиот фонд за директни инвестиции.
Дмитриев моментално е во посета на САД.
Дмитриев изјави за Фокс њуз: „САД, Украина и Русија разбираат какво може да биде решението и се надеваме дека ќе се постигне во разумен временски рок“. Кога еден новинар го праша да појасни за какво решение зборува, Дмитриев спомена три елементи.
„Доста сум фокусиран на економијата и инвестициите и целокупните односи со САД и обезбедувањето дијалог, но мислам дека има само неколку елементи. Еден од нив се безбедносните гаранции за Украина, а Русија е отворена за безбедносни гаранции за Украина.
Дефинитивно постои територијално прашање, каде што има руско население, руско население кое беше нападнато од украинските сили дури и пред почетокот на конфликтот.
А потоа тука е целото прашање за неутралноста на Украина, што е важно за безбедноста на Русија. Значи, всушност, нема толку многу прашања на маса, и во основа, со разбирање како тие можат да се решат дипломатски, решение всушност може да се најде доста брзо.“
Дмитриев, исто така, ја искористи можноста да го пофали американскиот претседател Доналд Трамп, истакнувајќи го напредокот постигнат во решавањето на конфликтот за време на неговиот мандат.
„Претседателот Трамп избегна ескалација во Трета светска војна“, рече претставникот на Кремљ додавајќи дека првиот човек на САД ја разбира руската позиција.
Во интервју за „Си-ен-ен“, Дмитриев додаде дека средбата меѓу Трамп и рускиот лидер Владимир Путин ќе се одржи, но веројатно подоцна.
„Мислам дека средбата е одложена – нашите дипломати мора добро да ја подготват“, рече тој.
„Одличен потег на претседателот Володимир Зеленски е што тој веќе признава дека станува збор за фронтовските линии“, рече Дмитриев. „Знаете, неговиот претходен став беше дека Русија треба целосно да си замине, па всушност мислам дека сме доста блиску до дипломатско решение што може да се постигне“.
Дмитриев вчера пристигна во Соединетите Држави на официјални разговори. Неговото пристигнување следеше по воведувањето санкции врз рускиот нафтен сектор и откажувањето на самитот меѓу Трамп и Путин што требаше да се одржи во Унгарија. Дмитриев тврди дека Русија, САД и Украина се блиску до дипломатско решение што би ја завршило војната.

