Свет
За италијанската крајна левица, тинејџерката силувана и убиена од мигранти имала среќа

Фејсбук-страница на една италијанска крајнолевчарска група вели дека 16-годишната Дезире Мариотини имала среќа што била дрогирана, силувана и убиена од група мигранти бидејќи сега ја сметаат за жртва, пренесува „Ил џорнале“.
Во постот, кој беше поставен на страницата Potere al Popolo (Моќта на надорот), се вели дека убиената Дезире имала среќа што ја убиле мигранти велејќи дека немало да има толку гнев меѓу Италијанците ако нејзините убијци не биле мигранти.
„Тоа посочува дека всушност не постојат права за жените, сè зависи од оние што ќе ве повредат. Среќата на Дезире е трагедија на илјадници жени кои се малтретирани и злоупотребувани од италијански мажи. Деновите поминуваат и Дезире станува сè повеќе и повеќе невина: таа беше наркоманка, но сега можеби тајно ја дрогирале, навистина таа дури и не барала дрога”, пишува авторот, кој е дел од групата „антирасисти”.
Италијанската полиција уапси тројца емигранти, двајца Сенегалци и еден Нигериец, во врска со наводното дрогирање, силување и убиство на 16-годишната Дезире Мариоттини. Убиството на тинејџерката во квартот Сан Лоренцо во Рим ги шокираше многумина во Италија, меѓу кои и популистичкиот министер за внатрешни работи, Матео Салвини, кој рече:
„Ќе сторам сé за црвите виновни за овој ужас да платат за тоа.”
Обвинителите во случајот веруваат оти тинејџерката била дрогирана за да биде несвесна за време на силувањето, но исто така тврдат дека мажите кои ја дрогирале ѝ дале доволно дрога за намерно да ја предизвикаат смртта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Канадскиот премиер: Путин се плаши

Канадскиот премиер Марк Карни, на заедничка прес-конференција со германскиот канцелар Фридрих Мерц, рече дека Владимир Путин се плаши да се сретне со Володимир Зеленски за да разговара за условите за завршување на војната.
Карни истакнува дека Зеленски е подготвен за средба со Путин на која било неутрална територија. Тој, исто така, вели дека Зеленски не очекува Путин да дојде во Киев или дека самиот ќе патува во Москва за таква средба.
„Сепак, секоја неутрална локација би била прифатлива“, рече Карни.
Тој додаде дека е клучно сојузниците да продолжат да ѝ даваат поддршка на Украина додека не се одржи тој состанок.
Фото: ЕПА
Свет
Пукање во католичко училиште во САД: две деца убиени, напаѓачот се самоубил

Најмалку две лица се убиени, а 20 се повредени во пукање во католичкото училиште „Благовештение“ во Минеаполис, Минесота, САД, потврди полицијата.
Како што е потврдено, две деца, на возраст од 8 и 10 години, се убиени.
More than 20 people were injured and at least two were killed in a tragic shooting incident at Annunciation Catholic Church and its school, located in the southeast neighborhood of Minneapolis, Minnesota, USA, during a morning school Mass.
Among the injured, at least 14 people… pic.twitter.com/9f9WTH2Dof— khaled mahmoued (@khaledmahmoued1) August 27, 2025
Напаѓачот е исто така мртов. Полицијата верува дека напаѓачот, кој си го одзел животот на паркингот пред училиштето, дејствувал сам. Полицијата соопшти дека имал околу 20 години, но сè уште не е познато дали бил поранешен ученик во училиштето.
Вооружен со три оружја, вооружениот човек отворил оган низ прозорците кон децата и другите верници за време на мисата по повод првата недела од школувањето по празниците.
Гувернерот на Минесота, Тим Волц, потврди дека пукањето се случило во католичко училиште и го опиша инцидентот како „страшен чин на насилство“.
Претседателот на САД, Доналд Трамп, објави дека е целосно информиран за инцидентот и дека ФБИ брзо реагира и е на местото на настанот. „Молете се за сите погодени“, напиша Трамп на Truth Social.
Свет
Застрелан младоженец на пукање на свадба во Турција

Младоженец почина од повредите здобиени во пукотница на неговата свадба во северна Турција.
Додека младенците се враќале дома по церемонијата, младоженецот, 23-годишниот Али К., бил ранет од истрели наводно испукани од роднина, жена, на неговата сопруга, објави државната агенција Анадолу.
Жената е приведена, а во нејзината градина се пронајдени две нерегистрирани оружја, соопшти агенцијата.
Обвинителите отворија истрага за инцидентот, кој се случил во градот Шебинкарахисар во покраината Гиресун.
Пукањата на свадби се вообичаени во северна Турција. Минатата недела, еден маж беше убиен, а две лица беа повредени на свадба во североисточната покраина Трабзон.
Свадбата беше откажана, а две лица, меѓу кои и еден полицаец, беа приведени во врска со инцидентот, објавија локалните медиуми.